PALPALIIW KEN DADDUMA PAY A RIKNA

narunaw nga ice cream, napukaw a panty, nakusel nga innapuy, dilpat ti pusa, erap iti punguapunguan, nasikkarud a latat' sardinas, kris aquino ken philip salvador, nayaw-awan iti megamall, natiliw a nagsirip, lua ti artista, nagamot iti karot, naukas a kurdon, umis-isbo iti pader, basketbol a di nai-three-point shoot, agtedtedted a gripo, agruprupsa a bangkay iti kaleddaan, baag ti minoridad, agsangsangit nga imelda, "fuck you" iti pader, nayaw-awan iti megamall, pamusian a makaitlog, nasamrid a sellang, tukkol nga iit, naibuyat a bugguong, kaddigos a kerida, naibusan tinta a bolpen, nadilnakan a tukmem, basura a tumtumpaw iti pasig, salugsog iti dapan, makaunget a bakla, inabraw a marunggi, makais-isbo iti bus, rikki iti flyover, paksuy ti nagimas, naamnaw a kape, nagusingan a badang, agkurkuridemdem a pagsaingan, rabong iti karemmengan, aginaw a puta, naputdan iti elektrisidad, nailubo a ligay, nakagarut a nuang, nabasa nga uken, turkak ti agdaig, isem ti kaririing, naiwara a napkin ti agregla, nagpilko a kalsada, mcdo iti kanto, nabungsot a medias, tabbaaw ti kardinal, takki iti suelas ti sapatos, natakkian a sapin, kontador ti meralco, ruffa a labus iti internet, di nai-flush a takki iti inidoro, uspak a maong, agpauyo a siota, nadukot a sueldo, shalala iti transistor radio, agbasbasa iti tiktik, bilbil ti matrona, masikog a balasang, pila iti lotto, misuot ni leo echegaray, nalitem a brief, naatalan a pusa, kappessa a piek, ukis ti saba iti kalsada, letteg iti kibongkibong, kuentas a tattoo, masagsagawisiw a dayang-dayang, bitla ni senador jawo, "i love you" iti likud ti retrato, agsalsalsal a padi, na-dengue a maladaga, rungrong iti saluket, kinuton nga asukar, makiraud a pagbagasan, nakababa a siper, nailigtad nga agdan, barado nga imbornal, atado ti galunggong, nakallong a sida, nargaay a kalsada, natebba a saba, nakipet a sapatos, inigges a tarong, nag-hang a computer, naabak iti tong-it, bumper to bumper a trapik, alutiit iti bobeda, sarua ti nabartek, sumanengseng a lamok iti lapayag, eppes a goma, love letter ti tumarektek, sangaplatito a mani, agub-ubo a sagumaymay, dinangaw a paria, condom iti petaka, ngilngilawen a lababo, babolgam iti pagtugawan, kasegsegseg nga inabraw, naabort a fetus iti pagbasuraan, duggong iti sirok lamisaan, mapugpugpogan nga aso, agpirpirit iti lis-a, agranranetret a kama, pannagna ti naka-high heel, nabaog a tinapa, urmot a naipilet iti sabon, ara mina iti kober ti magasin, agtaytayyek a paligpalig bentilador, kdpy.