NI 'INSIN UNYOR A TAGA-MARAG
(wenno ti/iti dangadang
da lakay ken/wenno ubing
a daniw/mannaniw)

Ellayen ‘ta ripirip
Din no kua makapigitpigit
Iti kurdit ti linnukditan kur-it.
Din no kua tumangar ‘ta sirip
Din makaapros, din makaimaldit iti uray
La koma flying kiss
Kadagti naglalapana, nagseseksi nga ekis.
Maisbuanen idda pati labay.
Matakkianen sapin agraman kagay.
Uray kamalalaen ‘ta panunot
Karissabong a rason, karamukom
A saludsod ti ita nga isip, din agsikog iti singin
A kinapudno ken suni a sungbat.
Di koma ngaminen gamden ‘ta rikna a darumog
Ti makitinnurayok.
Di koman arep-epen a yuten
‘Ta mutektek ti dina mautek.
Din no kua pigilen
Ti trip ti sublat ti marabuteg
Nga aglagtit, uray agsarabagtit
Kadagiti sabado nights nga agbulos ti imas ti kurdit
Iti lailo dagiti naglalapana, nagseseksi nga ekis.