» 12/29/2001 01:43:10 PM

Naladaw a kablaaw iti naragsak a Paskua! Ken nasapa a kablaaw iti nagasat a baro a tawen! Diak unay nakapag-update kadagiti naglabas nga aldaw ta manmanoak a maka-internet. Bakasion ket adu ti nakakumikomak ken napnapanak.

Adda la ipalagipko, adda gayam maysa a salaysay iti ken dadduma pay : at iba pa section, iti literary essays a paset, a diak nadakamat ditoy (ti pannaka-uploadna). Daytoy ti salaysayko maipapan iti nalaing a mannurat a Tagalog a ni Wilfredo P. Virtusio, a pimmusay itay laeng nabiit, maipapan iti pannakisinsinnuratko idi kenkuana ken iti librona a "Bilanggo at Iba Pang Akda."

Kayatko pay nga ipakaammo a saanen a mabalin ti comments link iti baba ti tunggal note ta insardengen ti snorland.com ti libre a serbisiona. Isu nga inikkatkon. Agkitkitaak pay iti napintas a server a makabalin a mang-host iti comments scripts, php wenno cgi.

« contact »

» 12/16/2001 02:20:06 PM

Binalbaliwak ti ken dadduma pay : at iba pa section, pinasetpasetko dagiti artikulo kas literary essays (sumagmamano a literary analysis/criticism), ilokano recipes (resipe ti pinakbet nga ilokano ken adu pay a variations ti pinakbet, dinengdeng/inabraw, ken manaynayonan daytoy a paset iti dadduma pay a resipe ken putahe nga ilokano) , ken ilokano songs (lyrics ken midi dagiti nalatak a kankansion nga ilokano).

« contact »

» 12/9/2001 05:04:51 PM

Adda manen baro nga artikulo nga impanko iti urnong : kalipunan : anthology section. Maysa a salaysay iti English maipapan ken ni Ilokano.

Na-update met (manen) ti "ilokano writers directory" iti gumil section. Addan nailistak sadiay a 366 a mannurat nga Ilokano. Agtultuloy ti panagilistak.

« contact »

» 12/8/2001 04:59:57 PM

Nalpaskon ti "listaan ti liblibrok" iti mannurat : may-akda section. Naikagumaanak a nailista dagiti nasarakak a librok. Dagiti nasarakak, kunak, ta adda pay dagiti dadduma a madama a sapsapulek. Isu a saan pay a masao a kompleto daytoy a listaan. Ken siempre saan nga agpatingga iti daytoy a listaan ti dagup wenno kaadu ti librok. Agtultuloyak latta nga aggatang ken ag-acquire.

« contact »

» 12/5/2001 06:29:28 PM

Adda baro nga artikulo iti ken dadduma pay : at iba pa section: maysa literary a panagadal/panangadal iti point of view iti sarita wenno fiction.

Madama latta met nga ik-ikkak iti patarusna iti English ti dadduma a pages...

« contact »

» 12/2/2001 05:20:11 PM

Madamak a yar-aramidan iti patarusna iti English ti dadduma a paset daytoy site. Masapul unay ta addada saan nga Ilokano wenno saan a makaawat iti Iluko a simmar-ong ditoy ket narigatanda kano nga ag-navigate ken ag-browse ta kaaduanna met nga Iluko ti naaramat a text ditoy. Isu a nupay inrantak a talaga a maipangruna nga Iluko daytoy a site ket laok-laokak laeng iti sumagmamano a Tagalog ken English, ikkak met itan iti English translation dagiti dadduma a paset tapno saan a mayaw-awan dagiti bisita. Saan met a completely a mai-translate ketdi dagiti apektado a pages. Pangiwanwan laeng. Ken agtalinaed, siempre dagiti daniw, sarita, salaysay ken dadduma pay nga atitiddog a sinurat, nga Iluko wenno Tagalog. Narigat ti agi-translate, hehehe! No maipatarusda man dagiti sarita ken daniwko, nalabit ket saan a siak ti mangipatarus no ket sabali a mas nalalaing iti English! :-)

« contact »