» 10/30/2001 11:14:52 AM
Nangikabilak iti comment link iti baba ti kada mensahe ditoy "notes/updates" para iti reaksion/dillaw/makuna/maisungbat iti aniaman a maipaskilko a mensahe ditoy. Adda met link ti emailko no bilang kayatdak a kontaken...
« comment : contact »
» 10/29/2001 07:53:20 PM
Addan karga ti "listaan ti naipablaak" a page iti "mannurat : may-akda" section. Medio kompleton daytoy. Ngem adu pay ti malagipko a naipablaakko a diak masapulanen dagiti nakaipablaakanda. Bareng masarakakto ida ket mainayonko ditoy. Adda dagiti diak pay nabirokan dagiti magasin a nakaipablaakanda ngem inkabilko latta pay ditoy.
Madama nga ar-aramidek ti listaan dagiti librok. Medio marigatanak a mangimbentario ta adda met sumagkabassit nga urnongko. Kaaduanna ket iti literatura. Ken kaaduanna ket Filipiniana a makuna. Adu pay ti librok idiay balaymi idiay Nueva Vizcaya ket bareng makaawidak iti mabiit ta ilistak amin ida.
Apay met a pati listaan ti liblibrok ket ikabilko ditoyen. Kas itay kunadan, wala lang, hehe! Tripko laeng ta personal met ngarud daytoy a website ket no aniaman ti makursunadaak nga ikabil ket ipanko, a, ta kabukbukodak met. Ket no kursunada met nga ammuen wenno basaen ti sabsabali, a, ket mayat latta. Sa maysa, gundawaykon daytoy a finally ket maammuak no manon ti librok. Nabayagen a kayatko nga ilista amin nga urnosen koma a systematized a kasla dewey classification system ngem awan a pulos pannakasaparko ngamin. Ita laeng. Bareng maikabilko amin. Panagkunak umabot iti 500 wenno ad-adu pay.
« comment : contact »
» 10/27/2001 07:37:29 PM
Addan dua nga artikulo iti "kdpy : atbp" section. Komentario/analisisko dagitoy kadagiti naghuradoak a pasalip iti daniw ken sarita. Dagitoy pay laeng ti maikabilko ditoy siguro in the meantime...
Isarunok nga ikkan iti uray sangkabbasit dagiti dadduma pay a benneg nga awan pay linaonna...
« comment : contact »
» 10/26/2001 08:06:00 PM
Addan kargana ti "downloads" section! Impanko sadiay ti inaramidko nga ebook ti 40 kadagiti dandaniwko. Inaramidko pay laeng daytoy idi 2000 ket sigud nga offered for free a ma-download met laeng iti ebook section ti BALIKAS Online. Bale .pdf a file daytoy.
Adu pay ti madama nga ar-aramidek nga iluko ebooks. Diak la ammo no kaano a mapalpasko ida. No adda malpasko, amangan no inayonkonto iti "downloads" section daytoy a site.
Kadagiti gayam agdamdamag no apay a di metten maakses ti BALIKAS iti www.balikas.com a sigud a URLna, ladingitek nga ipalgak a nagpason ti libre a domain. Kayatko a gatangenen/bayadanen a maminpinsan dayta a domain tapno mataginayon ken namaymayat ti pannaka-administer ti website ti BALIKAS, ngem agparikutak iti credit cardko no usarek a pangbayad koma--saan nga akseptaren ti system ti pagbayadak a hosting company. Mayat met iti dadduma nga ecommerce sites ti cardko ta agor-orderak no dadduma iti libro ken magazines. Hmmm, bareng marisutkonto met laeng daytoy a problema. Kabayatanna, mabalin latta a maakses ti BALIKAS Online iti balikas.sphosting.com ...
Kadagiti met gayam nagsaludsod no ania ti email address a pakakontakan kaniak (pasensiakayon ta awan pay gayam contact page daytoy a site wenno email addressko koma a nailanad!), mabalindak nga emailan iti roy@aragon.as ...
« comment : contact »
» 10/26/2001 06:15:48 PM
Pinalapalabsak manen dagiti files nga in-uploadkon ket adu ti nadlawko a typo errors ken agdedekket a parapo. Tinarimaanko ida ket in-reuploadko.
Adda updateko iti "ti mannurat" section, partikular iti "ipatpateg" a paset...
« comment : contact »
» 10/25/2001 02:42:17 PM
Diak pay nakompleto amin a benneg daytoy site ngem ikarkarigatak a leppasen. Ket nupay saan pay a masao a nalpas, iyakarko pay laeng iti sabali a web host a medio maymayat ta awan makaakkub nga ad window iti kanawan, adda laeng no kua rummuar a dakkel a browser window ti advertisement ngem ketdi ket maanusan met ngata ta maminsan lang met a rummuarummuar a saan a kas iti estilo ti hypermart.net nga agkara-popup ti adsna. Agtalinaed latta ti site iti geocities.com ta sadiay ti ad-adda nga ammo ti kaaduan a locationna, ken sadiay ti nakalista kadagiti search engines kas koma iti Yahoo!, Yehey ken dadduma pay. Redirection laeng pay ti namay-ak--no aksesen iti geocities, ipannaka iti sphosting.com ...
« comment : contact »
» 10/24/2001 06:50:20 PM
Makasikor a talaga daytoy advertisement window ti geocities nga agparang ken mangakkub iti kanawan a menu!
Yakarko iti mabiit daytoy siguro. Daytay uray adda adsna met laeng ngem saan la ketdi a makaserra wenno mangakkub iti importante a parte ti page. Nupay kasta ket agtalinaed latta daytoy adda iti geocities.
Barengto laeng no aglaing dagiti servers bambantayak ta iyakarkonton ditoy (saan pay ngamin a 24 hrs ti operasionna ti dadduma kadagitoy, tsk! tsk! tsk!)
« comment : contact »
» 10/24/2001 06:46:09 PM
Addan linaon ti "ti mannurat : may-akda" section! Inkabilko ditoy ti ababa a kabibiagko ken adda maysa nga interview nga impanko. Adu pay ti nasken nga ikabilko. Isagsaganak ida ket makompletokto met laeng... Ti lan sa adda a nadakdakamatkon maipapan iti kabibiagko? Palabsakto ulit ket editekto man. Inkamkamakamko la itay ngamin...
« comment : contact »
» 10/24/2001 10:48:49 AM
Madamak ita nga as-asikasuen dagiti dadduma pay a benneg 'toy site... Kabayatan a diak pay na-finalize ti "ilokano forum" ket inlistak ti sumagmamano nga Ilokano threads manipud kadagiti nalatak a Pinoy forum kas iti PinoyExchange.com ken PinoyForum.com...
« comment : contact »
» 10/23/2001 07:31:52 PM
Addan operational a guestbook para kadagiti bisita a mayat a mangibati iti reaksion, mensahe, kablaaw, dillaw, etc., etc.
Isuna laeng ta makakuriron sa dagiti agparangparang a popup windows ti Hypermart.net a nangikkak iti script ti guestbook...? Barbareng makasarakakto iti nasaysayaat a server a mang-host kadagiti script daytoy a site. Masuronak pay ketdi no dadduma iti agparang nga ad window ti Geocities a mangkalub no kua iti menu iti kanawan... Hmmmm, yakarkonto iti sabali a server daytoy a site siguro. Wenno ikopiakto ketdi iti sabsabali a servers kas mirror sites... Bareng laeng no adunto ti gundaway ken panawenko nga ag-update...
« comment : contact »
» 10/23/2001 02:20:34 PM
Kadagiti gayam agdamdamag/agsapsapul iti dati/daan a pages daytoy a website, adda pay laeng ken mabalin a maakses ditoy.
« comment : contact »
» 10/23/2001 12:08:11 PM
Adda ti sigud a "notes/updates" page ditoy... Bareng mayakarko met laeng dagitoy ditoy baro a notes page...
« comment : contact »
» 10/23/2001 11:58:19 AM
Binaliwak daytoy "notes/updates" section babaen ti Blogger.com tapno nanamnam-ay ken mas interactive ti panangiwaragawagko iti updates iti site ken panangikur-itko metten iti sabsabali pay a kapampanunotan...
« comment : contact »
» 10/23/2001 11:11:08 AM
Aglokoloko ti connectionmi idi kalman iti rabii isu a diak natuloy ti nag-upload iti files iti Geocities. Itan, ip-ipankon ti aganay a 10 a salaysay. Mabalin a manayonakto pay daytoy no masarakak dagiti nakalebben/nakalemmeng a filesko, hehe!
Kayatko la gayam pay nga ilawlawag no ania dagiti nota a nakakabil iti baba ti dadduma a sarita kada salaysay: magasin wenno pagiwarnak wenno libro dagitoy nga immuna a nakaipablaakanda. Ngem madlaw a kaaduan ket awan pay petsana--madamak pay ngamin a suksukisoken dagiti koleksionko iti Bambannawag ken pagpagiwarnak. Ti imasna, awan kaniak ditoy Cagayan dagiti dadduma ta addada iti balaymi idiay Nueva Vizcaya.
Rugiak itan dagiti dadduma pay a benneg daytoy a site...
« comment : contact »
