« notes/updates »

» 11/30/2001 05:26:14 PM

Nai-uploadko met laengen ti "sabsabali pay nga obra" a paset ti ti mannurat : may-akda section.... Nayonakto pay siguro dagiti banag a naipanko ditoy, saan pay a kompleto daytoy.

« comment : contact »

» 11/28/2001 06:08:40 PM

Naaddaanak iti sangakabassit a gundaway nga agsukisok/agbirok iti Web maipapan iti "ilokano," "ilocano," "iluko," "iloko," ken dadduma pay a keywords mainaig iti gagemko a makaduktal pay kadagiti websites wenno webpages nga Ilokano para iti ilokano links section. Rinibu a pages ti limtuad ket inan-anusak a linuktan/sinar-ongan ti dadduma. Adda met sumagmamano a nakursunadaak nga inlistak.

Adda met manen baro a salaysay iti urnong : kalipunan section. English a salaysay ni Apo Cles B. Rambaud. Nasarakak daytoy iti site ti Philippine Post. Diak ipagarup nga adda kastoy a salaysay ni Apo Rambaud (papelna iti 4th Solidarity Asian Writers' Conference). Nagustuak unay ket isu nga impankon iti urnong : kalipunan section. Adda pay maysa a napintas a papel ni Apo Rambaud maipapan iti daniw-Iluko wenno kadagiti daniw/panagdandaniwna, nga imparangna kas napili ti NCCA a recipient ti Gawad Emmanuel Lacaba. Saan pay a naipablaak daytoy iti aniaman a babasaen ngem addaanak iti soft copy ti manuskritona. Ngem dawatekto pay ti pammalubos ni Apo Rambaud no kayatna a paipablaak ditoy ti nasao a papel (a naisurat iti Tagalog).

« comment : contact »

» 11/26/2001 12:28:05 PM

Madama met nga ar-aramidek ti dadduma pay a maipan iti ti mannurat : may-akda a benneg 'toy site. Kangrunaan ditoy ti "sabsabali pay nga obra" a page a pangikkak maipapan kadagiti sabali pay a pakakumikomak malaksid iti panagsurat (actually ket kangrunaan a pakakumikomak dagitoy), ti agdama ken napalpalabas a trabahok, ti propesional a kasasaadko, dagiti aramid ken naaramidkon a bambanag, projects ken dadduma pay.

« comment : contact »

» 11/26/2001 12:21:25 PM

Kamaudiananna ket nakompletok met laeng ti sangapulo a sarita iti "sarita : kuwento" section. Nai-uploadkon ti sarita a tagalog nga "Ang Programa." Just a note a daytoy a sarita ket nasuratko pay laeng idi 1989 or 1990 ken naipablaak idi 1993 iti Liwayway. Masaok daytoy ta dagiti nadakamat itoy a sarita maipapan iti computers, viruses, networking ken dadduma pay ket kasla saan a nakappapati ken kasla corny no basaen kadagitoyen a panawen a modernon ti computer/information technology ken fully awaretayon kadagitoy a bambanag. Isu a medio tinarimaanko bassit. Bareng simmayaat bassit.

« comment : contact »

» 11/18/2001 05:36:32 PM

Madama nga as-asikasuek dagiti files ti daan nga issues ti Burnay E-zine. Inyakarko ida iti tripod.com ta medio aglokoloko iti sphosting.com ita, saanak a maka-upload iti account ti Burnay sadiay. Isu a ti URL itan ti Burnay ket iti http://burnay.tripod.com/. Mabalin pay latta nga aksesen iti http://burnay.hypermart.net ngem mai-redirect met laeng iti burnay.tripod.com. Mas bearable la ngamin ti ads iti Tripod ngem iti Hypermart, saan a manggulo unay.

Pakpakauna daytoy ti eventually ken panangituloykonto met laeng iti Burnay E-zine iti mabiit...

« comment : contact »

» 11/17/2001 08:35:26 PM

Adda sumagmamano a medio nagdaksanna wenno nagkamtudanna ti panangbalbaliw ken panangyakarko iti sigud a personal siteko iti geocities.com, nangruna iti kasla "panangpatayko" iti daan a site (saan pay met ketdi a totally a "natay" ta kasla indulinko laeng, masarakan iti http://www.geocities.com/Athens/Acropolis/3219/archives/)... Adu ngamin ti agam-amad no ayannan dagiti sigud a sites nga adda sadiay, kas koma iti Ilokano Webring, Ilokano Netizens List, Nueva Vizcaya page ken dadduma pay. Nupay saanen a naitultuloy wenno na-update dagitoy a paset ti daan a personal siteko ket addada pay laeng no kua makasarak kadagitoy ken agsaludsod. Planok met ketdi nga i-updateto amin dagitoy ken ikabil iti sabsabali a webhosts wenno domain wenno kas paset met laeng daytoy agdama a siteko ita.

Adda pay laeng dagitoy a webpages ngem gapu ta inkabilko iti sabali a directory kas archive, saanen a maakses iti sigud a URLda. Kadagiti interesado, mabalin nga aksesen dagiti sumaganad a web pages (saan pay nga updated dagitoy, kas pay laeng iti dati):

• Ilokano Webring


• Ilokano Netizens


• Nueva Vizcaya Unofficial Homepage

I-updatekonto amin dagitoy. Ngem saan pay nga iti mabiit siguro. Kangrunaan nga i-updateko ditoy ti Ilokano Webring. Ken kasta pay metten ti Burnay Ezine ta adu ti agdawdawat a maituloy koma met laeng daytoy nga Iluko ezine.

Kangrunaanna, kompletuek pay ti linaon daytoy site ta adu pay ti kurang/pagkuranganna.

« comment : contact »

» 11/17/2001 06:38:02 PM

Medio nabayag a diak naka-update (agarup makalawas!) gapu ta timmabunuak iti maysa a seminar-training iti structured cabling ken fiber optics... Ita a binisitak manen daytoy site ket natakuatak a saanko gayam a nai-upload dagiti linaon ti "urnong : kalipunan" kas naagapadko ken inwaragawag... Pasensia laengen kadagiti nangkita ngem awan pay met nakitada a nagyanna. In-uploadko itan ket addan...

« comment : contact »

» 11/12/2001 01:46:34 PM

Maragsakanak ta adda met laengen linaon ti "urnong : kalipunan" section. Inkabilko ditoy ti maysa a bersion ti epiko a "Lam-ang" (adu ngamin ti bersion ti "Lam-ang" depende iti nangisurat ta ti orihinal daytoy nga epiko ket dallot a saan a naisurat no di ket naisaulo wenno naikabesa laeng dagidi nagkakauna a mannaniw ken dumadallot).

Malaksid iti "Lam-ang" adda pay dua a nababaked a sarita iti nasao a section.

Adda met updates iti benneg ti "gumil," kangrunaan ditoy ti bukodko a listaan wenno directory ti Ilokano writers.

« comment : contact »

» 11/9/2001 12:11:23 PM

Adda barbaro nga inkabilko a guestbook, saanen a daytay nagadu ti rummuarummuar a makasali nga ads. Panggepko nga iyakarto ditoy a guestbook ti dadduma a sigud a nakalanad a mensahe kadagiti daan a guestbook daytoy a site.

Ken adda met laengen naikabilko a simple a forum a mabalin met a pagsisinnukatan iti patangan, idea, kapanunotan ken dadduma pay.

« comment : contact »

» 11/7/2001 04:51:16 PM

Addan maysa pay nga artikulo iti "kdpy" section: ti "Bagas ken Kababagas", maysa a literary analysis/criticism...

« comment : contact »

» 11/5/2001 10:33:10 AM

Gapgapuk iti ababa a bakasion, bale uppat la nga aldaw, hehe! Ngem sulit met a panagaliwaksay. Nangruna diay napananmi nagpasiaran a lugar dagiti mangngalap idiay Buguey, Cagayan! Hmm, medio nagumaak met, a, iti udang, rasa, igat ('tay agpayso nga igat, saan a 'tay babaag laeng a siitan/nakasisiit ti lasagna), burikaw, kapiged (kasla barangan ti itsurana ken kananamna daytoy nga ikan), purong, bunog (a dadakkel), tilapia ken adu pay a kita ti ikan a diak ammon ti naganna...

Apagsangpetko, nagdiskitaak a nga in-update ti sumagmamano a web pages. Adda updates kadagiti "mannurat", "gumil" ken "kdpy" sections. Ninayonak bassit ti ababa a biograpiak. Ken addan linaon ti "gumil" section...

« comment : contact »