Sacwantès bayeyes

Stårêye : 16 844 km² (avou les 827 km² del Cominålté Djermanofone -- cantons di Eupen eyet Sint-Vith)
Populåcion : 3 357 669 djins (avou 70 831 djermanofones) (2002)
- 90,75% Walons
- 9,25% etrindjirs
- 7,47% djins del Union (4,11% Itålyins, 1,69% Francès, 0,48% Almands, 0,41% Spagnols...)
- 1,78% ôtès djins (0,40% Marokins, 0,33% Turks...)
Dinsitêye : 199 djins/km² (86 djins/km² pol Cominålté Djermanofone)
Lingaedjes : (oficirs) Francès, almand dvins les cantons d' Eupen & Sankt-Vith; (nén oficirs) walon, picard, lorin, lussimbordjwès, tchampinwès
Ime nåcionå : Li Tchant des Walons (Si vos avoz l' aplikete, vos l' schoûtez asteure)
Fiesse nåcionåle : troejhinme dimegne di Setimbe (l' årmêye olandesse a stepé foû del Waloneye e 1830), on l' lome "Les Fiesses di Waloneye"
Capitåle : Nameur
Sidje des institucions economikes : Lidje
Sidje des institucions sociåles : Châlerwè
Veyes : Châlerwè (200 578), Lidje (184 944), Nameur (105 386), Mont (90 831), El Louvière (76 533), Tournè (67 234), Serè (60 557), Vervî (52 943), Moucron (52 492)
Statut politike : estat franc et federé del Beljike dispu li 6 di Fevrî 1993
Pårlumint : 75 mimbes élus po 5 ans li minme djoû ki pol elijhaedje do Pårlumint Europeyin
Minisse-Prezidint do Govienmint Walon :

1981-1985 : Guy Coëme, PS+PSC+PRL, (vôtaedje do 8 di Nôvimbe 1981);
1985-1988 : Melchior Wathelet, PSC+PRL, (vôtaedje do 10 di Nôvimbe 1985);
1988-1992 : Bernard Anselme, PS+PSC, (vôtaedje do 13 di Decimbe 1987);
1992-1995 : Guy Spitales, PS+PSC, (vôtaedje do 29 di Nôvimbe 1991);
1995-1999 : Robert Collignon, PS+PSC, (vôtaedje do 21 di May 1995);
1999-2000 : Elio Di Rupo, PS+PRL+ECOLO, (vôtaedje do 13 di Djun 1999);
2000-2004: Jean-Claude Van Cauwenberghe, PS+PRL+ECOLO
2004- : Jean-Claude Van Cauwenberghe, PS+CDH, (vôtaedje do 13 di Djun 2004)

Waibe del Beljike federåle

Waibe del Waloneye
Waibe miroe del Waloneye
Waibe da WallonieWeb
Waibe da "Wallonie en Ligne"
Waibe do Govienmint djermanofone

Dislaxhiveu movmint : Wallonie Libre

Redjonalisse movmint : enawaire, li Rassemblement Wallon;
Partei der deutschsprachigen Belgier (Pårti des Djermanofones did Beljike)

---

Li Waloneye et ses vijhéns beljes

1: Fourons (Voeren en olandès) est ene flaminde comene, enawaire e Waloneye, mins wice k' istoricmint on djåze on dialeke limbordjwès ponantrece. A cåze di s' situwåcion djeyografike et istorike, gn a bråmint des Fouronès et des Walons ki volet k' les Fourons rivnexhe e Waloneye. Po-z avu des ôtès racsegnmints (e francès), gn a li pårti Retour à Liège.
2: Brussel (Brussele e walon) est ene franke redjon å cour del Beljike. Asteure, ci n' est nén ene flaminde province, et nén co ene walone province. Mins Brussele a todi stî ene flaminde veye (c' est li capitåle del Flande), minme si enute, c' est purade des djins ki djåzèt francès(80 åcint) k' î dmorèt (rmårkez k' i n' sont nén Walons).
3: Comines (Komen en olandès; Comene e walon) est ene walone comene k' esteut enawaire e Flande,et k' a stî discandjeye li minme djoû ki les Fourons e 1963. Ådjourdu gn a nonante å cint (90%) d' djåzeus d' francèset d' picard a Comene, mins les viyaedjes ont des nos flaminds : Komen (Comene), Ploegsteert (Pruster), Waasten (Warneuton), Houthem.
4: Li Comunålté des Djermanofones (en almand : Deutschsprachigen Gemeinschaft) a todi fwait pårteye del Waloneye (såf do tins k' elle esteut ocupêye pal Almagne di 1815 a 1919, avou li canton di Måmdey). Les djins ki vikèt avårla sisintèt pu près-parints des Beljes (et des Lucsimbordjwès) ki des Almands.

---

Li Waloneye et ses lingaedjesLi Waloneye c' est ene sacwè, copurade tot rwaitant ses frontires. Come dji vos l' a dit vochal padvant, gn a des boketsdel Waloneye istorike ki n' sont nén el Redjon walone, et gn a desôtès bokets ki sont el redjon, mins ki n' sont nén "istoricmint walons"
Li Waloneye, c' est on roman payis dispu des siekes et des rassiekes. Li nåcionå lingaedje, li walon, c' est on pårler do lingaedje d' Oyi, ki rshonne bråmint åzès francès, picard, tchampinwès, et lorin lingaedjes. Li walon n' a nén cod' estatut oficir e Beljike, et do côp c' est on mancî lingaedje. Gn a pus k' dijh å cint (10%) des Walons ki l' djåzèt to les djoûs, et c' est sovint des viyès djins. Li djonnesse n' a nén d' agrès pol raprindaedje do walon, et ça c' est l' fåte do francijhaedje del Waloneye pa l' Estat Belje, et pus tård pal Comunålté francesse. Lacobén gn a co bråmint des djins ki cnoxhèt l' walon, minme sic' est nén des masses. Nos avans eto beacôp d' walons mots dins nos conversåcions e francès. Ça fwait ki nos djåzans on dialeke do francès, li francèsd' Waloneye.
Egzimpes :
"Je n'peux nin" = Je ne peux pas (fr) = Dji n' pou nén (wal)
"Il est biesse" = Il est bête (fr) = Il est biesse (wal, pont d' diferinces)
"Tu me choutes, oui ou non ?" = Tu m'écoutes, oui ou non ? (fr) = Ti m' schoûtes, oyi ou nonna ?

Waitavos : fåt nén maxhî l' walon avou l' francèsd' Waloneye, c' est deus sacwès k' i n' ont rén a vey eshonne.

Ene piceye di croejhete

Li prono ki s' termine pa-z on 'i' candje cist 'i' en 'è' dvant on prono cminçant pa-z on 'l', mins on l' sicrît "-el" :

Ti sondjes => Tel as sondjî
Dji tchante li tchanson => Li tchanson, djel tchante.
Li ci ki dit => Li ci kel dit.

Contans e Walon

Les djoûs del samwinne

Londi
Mårdi
Mierkidi
Djudi
Vénrdi
Semdi
Dimegne

Po-z avu co des ôtès racsegnmints sol walon, alez vey sol pådje do walon lingaedje, sol waibe do walon lingaedje da Lucyin Mahin eyet l' esplicant motî do walon.

Vizitez eto li waibe da Lorint Hendschel
Li waibe del croejhete walone

---

L' oridjine do no "Walon"Walon, 'Wallon' e francès, c' est on fi do latén mot "gallicus" ki vout dire gålwès (les Gålwès estént on groupe di tribus celtikes ki viként el Europe coûtchantrece). Mins, çou k' est drole, c' est ki "walon" vént purade do djermanike mot 'Wahla' (djermanike foûme di 'Gallicus'). Cisse mot esteut ujité al Moyinådje po lomer les djins des Bas-Payis (mins eto do Sint Impire Romin Djermanike) ki n' djåzént nén l' almand. Ces Wahlas estént des Celtes ki n' ont nén stî evayis pås Francs å cénkinme sieke, et ki djåzént des lingaedjes galoromans (çou ki nos mete apårt des Francès, fis d' romanijhîs Francs).
Mins gn a co èn ôte latén mot, "gallina", ki rshonne bråmint a gallicus, et ki vout dire poye, cok, cokea. Vola pocwè li Walon Raploû d' 1912 a pris on rodje cok disseu on djaene fond come simbole del Waloneye, daegn des Gålwès, des Wahlas et des coks. :-)

---

Li Waloneye et s' vijhene, li FranceOn pout dire k' on est linwisticmint près des Francès, mins on n' est nén des Francès po-z ostant. Li Waloneye n' a måy sitî ene pårt do Rweyåme di France, mins pus voltî ene pårt do Sint Impire Romin del Nåcion Djermanike.
Après li pårtaedje del Impire da Tchålmagne, li Walon Payis a stî mindjî pal Lotarindjeye, c' est a dire li coûtchant do Sint Impire Romin Djermanike ki vént.Li Waloneye n' a stî ocupêye ki d' 1795 a 1815 pal Republike francesse et après pål Impire da Napoleyon. Pocwè vos cåze dju di tos ces cayets istorikes la ?Pask' i gn a sacwantès djins vaici ki nos vlèt agritchî a France si l' Beljike vénreut a mori (les Flaminds volant esse dislaxhîs e 2002). Leus årgumints ? Li lingaedje francès et li periode 1795-1815. Mins si l' lingaedje esteut on si foirt årgumint pol raloyaedje, l' Ostriche sereut on payis did l' Almagne, l' Irlande sereut ene redjon did l' Inglutere, li Swisse canton do Tessin sereut ene Itålyinne province, li Canada (li payis, nén l' crompire, savoz) sereut on estat des USA...
Deujhinmmint, li periode 1795-1815, ci n' est nén on årgumint. Voleur fé croere k' ene feye k' on a stî ocupé pa-z on etrindjir payis, on doet s' raloyî a lu, c' est vormint biesse.Et si ça li n' esteut nén, li mitan del Europesereut dzo les ôres del Itåleye (Romin Impire), ubénli France (Impire da Tchålmagne), ucobén del Almagne (Troejhinme Reich).
Po dire li vraiy, li seule råjhon po li kene cesraloyisses volèt fé del Waloneye on francès depårtumint, c' est k' i pinsèt kel Waloneye esteut trop "pôve" po viker tote seule !
Ben seur, nos n' avans pont d' tchamps d' petrôle, nos hoyires sont cloyowes, mins nos avans des ôtès sacwès : li bwèsd' Årdene, nos lenes di comunicaedje (li rantoele li pus dinse del bole) come les otostrådes, les fleuves et les tchnås, les lenes eternåcionåles do tchmwin d' fier (TGV), deus ayeroports (Châlerwè et Lidje); nosse situwåcion djeyografike å cour del Europe coûtchantrece(li cour del Europeyene Union est a Virwinvå, Waloneye); et gn a co nos grandes sicoles et nos univs, nost agriculteure...
Et minme, on n' a nén dandjî d' esse dislaxhî completmint. Nos vlans rester mimbe del EU, et come i gn a pus do mitan des Walons ki sont federalisses, pocwè çki l' Waloneye ni poreut nén esse on estat-mimbe d' ene Europeyene Federåcion ?

Asteure, i gn a pont di pårtis politikes walons ki sont d' acoird po disfinde li walon dislaxhaedje. Gn a des politikîs ki sont des araedjîs unionisses del Beljike (les sociå-crustins, ki dischindèt ezès sondaedjes), gn a des ôtes ki sont raloyisses (si gn a pupont d' ôtes tchuzes) po l' France (PRL-FDF-MCC, les Liberås; prumî pårti walon). On n' sait nén bråmint do tchuze des Socialisses. Onk di ses députés federås a dit publicmint pa deus côps k' il est raloyisse. Il a stî shû enawaire pa-z on camaeråde k' est minisse federå. Mins èn ôte des pus cnoxhous socialisses, José Happart, eurodéputé, k' est prezidint do movmint "Wallonie, Région d'Europe". Happart est li politikî ki a yeu li pus di vôtaedjes azès eleccions europeyenes di 1994.Dji so seur k' i sopoitreut li pårticipaedje del Waloneye comemimbe d' ene Europeyene Union federåle. Happart est ossu on Fouronès (il a vnou å monde a Hesta, Waloneye, li 14 di Måss 1947, mins il a bagué po Fourons e1965, adon k' i n' aveut k' dijh-ût ans). C' est on sopoirteu del rivnowe des Fourons al Waloneye.

---

Asteure, gn a nén bråmint d' sintumint nåcionå walon. Les djins sont dvant tot des Beljes. Ureuzmint, li federålijhaedje del Beljike a fwait rexhe ene pus grande walone tuzance, minme si gn a co des djins po dire k' i gn a pont d' walone nåcion.

Si vos vloz pus d' racsegnmints sol Walone Redjon, e Francès, u dins 6 ôtès lingaedjes.

---

L' Ime Nåcionå WalonE 1997, nosse minisse do buddjet di ci tin chal, Jean-Claude "Van Cau" Van Cauwenberghe, a declaré k' on årè on djoû èn Ime Nåcionå Walon oficir. Mins li tchuze d' on ime serè målåjhey, disti l' minisse.Il a-z ossu scrît, avou l' aidance del Måjhon Jules Destrée, on prodjet d' constitucion walone (e francès seulmint).

Il a stî decidé e 1998 pa-z ene sipeciåle comission do Pårlumint Walon kel ime nåcionå serè li Tchant des Walons, scrît pa Louis Hiller, et tchoezi pal Ligue Walone e 1900. Les prumirès paroles da Théophile Bovy, k' on djheut depassêyes, elle ont stî tchoezeyes come tecse oficir del ime.
Mins si les prumirès paroles estént e walon lidjwès, li tecse oficir serè-z e francès. Binde di biesses.

Lucyin Mahin, a scrît ene novele modêye di cisse tchant.

Le Chant des Wallons (modêye oficire francesse)

I.
Nous sommes fiers de notre Wallonie,
Le monde entier admire ses enfants.
Au premier rang brille son industrie
Et dans les arts on l'apprécie autant.
Bien que petit, notre pays surpasse
Par ses savants de plus grandes nations.
Et nous voulons des libertés en masse :
Voilà pourquoi l'on est fier d'être Wallons !

II.
Entre Wallons, toujours on fraternise.
Dans le malheur, on aime s'entraider :
On fait le bien sans jamais qu'on le dise,
En s'efforçant de le tenir caché.
La charité visitant la chaumière
S'y prend le soir avec cent précautions :
On donne peu, mais c'est d'un coeur sincère :
Voilà pourquoi l'on est fier d'être Wallons !

III.
Petit pays, c'est pour ta grandeur d'âme
Que nous t'aimons, sans trop le proclamer.
Notre oeil se voile aussitôt qu'on te blâme
Et notre coeur est prêt à se briser.
Ne crains jamais les coups de l'adversaire.
De tes enfants les bras te défendront
Il ne faut pas braver notre colère:
Voilà pourquoi l'on est fier d'être Wallons !

Dizo, vos trovroz on propozaedje del Union Culturele Walone k' a stî eplaidî pal "Nouvelle Gazette" do 22 d' May 1998.

Li Tchant des Walons (li prumire modêye (mi favorite), mins e rfondu walon)

1. (walon lidjwès)
Nos estans firs di nosse pitite patreye
Ca lådje et lon, on djåze di ses efants
Å prumî rang, on l'mèt po l'industreye
Et dins les årts, èle riglatit ostant.
Nosse têre est ptite, min nos avans l'ritchesse
Des omes sincieus qu'anôblixhèt leus noms.
Et nos avans des libertés timpesse:
Vola poqwè qu'on-z-est firs d'esse Walons!

2. (walon carolo)
Qwand c'est qu'on s'mèt a lîre nos lîves d'istwêre
I nos chonne qui nos plans nos ranêrer
Et nosse keur martoke tot sondjant al glwêre
Di nos parints qu'on n'areut seu sbarer.
Si nos vikans pajhîres c'est zèls li caze:
Il ont spotchî l'inn'mi dzos leus talons.
C'est des vayants qu'on dit qwand on-z-è caze
Vola poqwè qu'on-z-est firs d'esse Walons!

3. (walon bassårdinwès)
On s'veut voltî inte frés dèl Waloneye
Et on-z-est prèt'onk l'ôte a s'diner l'mwin.
On fwêt plêjhi bén sovint sins qu'on l'deye
Et sins l'criyî pa t't ava tos les tchmins.
Li tcharité qui mousse èl majhonète
N'î va qu'al nut'avou mile précôcions.
Li pô qu'on done, on nèl done qu'è catchète:
Vola poqwè qu'on-z-est firs d'esse Walons!

4. (walon namurwès)
Pitit payis, vos qu'a tant d'grandeu d'ame,
Nos v's inmans bén sins qu'nos l'criyanxhe trop hôt!
Qwand on v'discaze, as ouys montèt nos lames,
Et nos sintans nosse keur bate a gros côps.
N'ayîz nén peu, fuxhîz tofêr al fiesse:
Di vos èfants, les brès èt l'keur sont bons.
Et nos avans les tchveas fwârt près dèl tiesse:
Vola poqwè qu'on-z-est firs d'esse Walons!

"La Nouvelle Gazette" do 22 d' May 1998 a-z ossu eplaidî ene modêye francesse (k' on a mwaijhmint atribuwé al Union Culturele Walone).

Le Chant des Wallons (les paroles ont stî ramidrêyes)

Nous sommes fiers de notre Wallonie
Et notre orgueil c'est d'être ses enfants
Car elle cache sous sa bonhomie
Un patrimoine que chacun défend.
Mais si les arts, l'industrie et la science
Ont de tous temps fait rayonner son nom,
C'est que nos bras sont pétris de vaillance
Et c'est pourquoi notre coeur est wallon.
C'est que nos bras sont pétris de vaillance
Et c'est pourquoi
Oui c'est pourquoi notre coeur est wallon.

De nos aïeux le plus noble héritage,
Est cet amour constant des libertés
Que notre histoire ensigne à chaque page
En nous montrant qu'il faut savoir lutter.
On se souvient du dicton populaire :
"Un homme pauvre est roi dans sa maison".
Toute injustice nous met en colère
Et c'est pourquoi notre coeur est wallon.
Toute injustice nous met en colère
Et c'est pourquoi
Oui c'est pourquoi notre coeur est wallon

Petit pays ton âme est généreuse
Et veut s'ouvrir aux hommes de partout;
De la Semois, de la Sambre à la Meuse,
On est chez soi lorsque l'on vient chez nous.
Mais s'il fallait défendre notre terre,
Il n'y aurait ni lâche, ni félon;
Chacun ferait ce qu'aurait fait son père
Et c'est pourquoi notre coeur est wallon.
Chacun ferait ce qu'aurait fait son père
Et c'est pourquoi
Oui c'est pourquoi notre coeur est wallon

walon ratournaedje dizo

Paru dans le Sélection du Reader's Digest d'avril 1993

Dès le XVI° et XVII° siècles, de nombreux protestants wallons émigrèrent en Amérique, victimes d'intolérance et de persécutions religieuses. Certains seront même recensés parmi les émigrants du Mayflower en 1620.

Saviez-vous qu'un natif du comté du Hainaut, Jessé de Forest, rêvait de créer une colonie wallonne autonome et homogène en Amérique ? Il réussit à intéresser à son projet Willem Usselinx, un Anversois membre fondateur de la Compagnie des Indes occidentales. Chargé par sa compagnie de créer et d'organiser des comptoirs commerciaux permanents sur les rives de l'Hudson, Usselinx accepta d'associer les Wallons à ses expéditions.

À partir de 1624, des familles wallonnes s'installèrent donc à la pointe méridionale de Manhattan et choisirent comme gouverneur Pierre Minuit, un fils de fermiers d'Ohain.

Pour la somme de 60 florins, Minuit acheta aux Indiens l'île de Manhattan et la baptisa "Nouvelle Belgique". Administrateur habile, il sut garder des rapports amicaux avec les Indiens, regroupa les Wallons éparpillés entre Manhattan et Fort Orange, maintint l'usage de la langue française et appela les Wallons de Belgique à faire souche en Nouvelle Belgique. Jugé trop francophone, il fut rappelé en Hollande et remplacé par des directeurs généraux. C'est Peter Stuyvesant, nommé gouverneur de la Nouvelle Belgique en 1647, qui baptisa le bourg de Manhattan "Nouvelle Amsterdam en Nouvelle Belgique".

En 1664, la Hollande ayant cédé le territoire de la Nouvelle Belgique à l'Angleterre, le duc d'York s'empara de la ville et New Amsterdam devint New York. Mais l'héritage perdura : élu en 1688, le Wallon Pierre De Lannoy, dont le patronyme s'altéra en "Delano", fut le premier maire élu de New York. Son arrière-arrière-descendant, Franklin Delano Roosevelt, gouverneur de l'État de New York deviendra le 32ème président des États-Unis (de 1933 à 1945). Au milieu du XIXème siècle, un deuxième mouvement migratoire poussa des milliers d'agriculteurs, mineurs et verriers wallons à émigrer aux États-Unis.

Floreffe naquit ainsi en Pennsylvanie le jour où des glaciers de Fosses et de Floreffe furent appelés pour créer une glacerie entre Pittsburgh et la future Charleroi. Quand, en 1890, une nouvelle ville fut créée pour valoriser l'industrie verrière et minière, au centre de la vallée de la Monogahelan les élus voulurent donner un nom prestigieux à leur ville. Ils optèrent pour celui de la capitale mondiale du verre, Charleroi. Ils honoraient ainsi les verriers du pays de Charleroi qui, les premiers et les plus nombreux, avaient contribué au succès de la région...

C. Guéniot

(walon ratournaedje da minne)

Eplaidî dvins l' Relijha do Reader's Digest d' Avri 1993

Dispu li sazinme et li di-setinme siekes, gn a bråmint des walons protestants k' ont stepé evoye en Amerike, victimes do zero-toleraedje et des spotchaedjes relidjeus do ç' tins la.Gn a des cis ki seront minme trovés a boird do Mayflower e 1620.

Savîz k' on fi do Hinnôt, k' on lomeut Djessé di Forest, sondjeut a creyer ene walone franke coloneye et omodjinne en Amerike ? Il a reyussi a dner di l' agrès pos' prodjet a Willem Usselinx, on Antwerpin prumî-mimbe del Copagneye des Indes Coûtchantreces. Tcherdjî pa s' copagneye di creyer et d' adjinçner des comptwers comerciås permanints so les boirds di l' Hudson, Usselinx a-z accepté d' assocyî les Walons a ses voyaedjes.

Å cminçmint del anêye 1624, des walonès familes s' ont instalé al ponte nonnrece di Manhattan et ont tchoezi come govierneu Pierre Minuit, on fi d' cinsîs d' Owin.

Po-z on pris d' swessante florins, Minuit a ratchté åzès Indyins l' iye di Manhattan et l' a rlomé "Nouve Beljike". Abile adjinçneu, il a savou wårder des amishtåvès rapoirts avou les Indyins, il a ramexhné les Walons stramés inte Manhattan et Fort Orange, il a ritnou l' uzaedje do lingaedje francès [walon ? - NDLR] et il a houkî les Walons d' Beljike a vni viker e Nouve Beljike. Djudjî trop francofone, il a stî rihoukî en Olande et risplacé pa des diridjeus djenerås. C' est Peter Stuyvesant, noumé govierneu del Nouve Beljike e 1647, k' a lomé li veye di Manhattan "Nouve Amsterdam e Nouve Beljike".

E 1664, l' Olande avant dné li payis del Nouve Beljike al Inglutere, li dutch d' York a piké li veye, et NoûAmsterdam a divnou Noû York. Mins l' eritance a cotinuwé : noumé e 1688, li Walon Pierre De Lannoy -si no s' a candjî e "Delano" avou l' tins - a stî li prumî mayeur noumé pal peupe di Noû York. Si erire-erire-dischindant, Franklin Delano Roosevelt, govierneu di l' Estat di Noû York divénrè li trinte-deujhinme prezidint des Staites (di 1933 a 1945). Å mitan do dijh-nouvinme sieke, on deujhinme movmint migratwere a bouté des meyes d' agriculteus, d' hoyeus et d' verîs walons po vni åzès Staites.

Floreffe a skepyî do côp e Pensilvaneye li djoû wice ki des glaecîs did Fosse et did Florefe ont stî houkîs po creyer ene glaeçreye inte Pittsburgh et l' Charleroi a vni. Cwand, e 1890, ene novele veye a stî creyêye po-z aidî l' industreye do vere et des hoyires, å mitan del vå di Monogahelan, les députés ont vlou dner on no prestidjieu a leu bork. Il ont tchoezi li cî del mwaisse-veye daegnrece do vere, Châlerwè. Il onorént insi les verîs do payis d' Châlerwè ki,les prumîs et les pus nombreus, avént cotribuwé å succès del redjon...

C. Guéniot

Imådjes :
- li prumî siyea di l' Estat di Noû York "SIGILLUM NOVI BELGII"
- li prumi siyea del veye di Noû York "SIGILLUM AMSTELLO DAMENSIS IN NOVO BELGIO"