ZingSol Website
rav;&Sm;

                     HIH LAI AH KEI OM ING, KEI HONG SAWL IN.( Isaiah6:8 ) Malaysia gam pan Zomite "ZINGSOL".

Malaysia Zingsol khol ( 2 ),  Hawm 13,  14,  15,  16,  17, 18,  19, 20,   21, 22, 23, 24,

HAWM (7) NA.

THU MASA

      Ih gamah tu laitakin phuitong leh heisok kungte zong paak dingin hong ki thawi ta ding hi. Mun khempeuhah phalbi meiilum te hong kaai in,daituite hong kia a,khua hong vot mahmah ta ding hi.Huihdam hong nung hiauhiau in zanpakte in zong lungdam bawl gim hong namsak ta ding hi.Hihte in lungdam bawl hun ding hong nai ta hi ci-in hong matai khol limte zong ahi hi. I gam i lei ah inn kuan kim leh lawm leh gualte tawh noptakin lungdam bawl hun luite mi gam mi lei ah ih om ciangin hong phawksak phadaik hi.

      Tu ma kum (2000)lai- in Topa Zeisu hong suahna dingin mun hoih a pia leh huhna a pia mi omlo bek tham lo in a panpih zong kuamah a om kei hi.Tu hun laitakin zong kua in lungdamna takpi tawh tua Zeisu muak in kua in mun hoih pen i pia hiam?Hih leitungah ki niamkhiat takin mi banga hong paina thu in leitung mihingte khempeuh mawhna  sung pan hong hon khia ding in hong pai ahi hi. Hih thu in mawh nei eite a dingin a lungdam huai bel thu hi ci- in lungsim taktak tawh theihtel masa photin a siangtho lo   i lungsim puak ziate suah khia in i ihmutna pan khanlawh ding ki sam ta hi.

      Tu hun lungdambawl ziate i et ciangin ciamnuih gualnopna leh neek leh dawn tawh buai in a pua tham lawpna ciang bek tawh ki kalsuan kha ahih manin lungdam bawl cih thu laigilpi zong ki tel zo lo in i nuntakna ah lungdamna man zong ki ngah thei tuan lo hi.

      Tu ni –in Topa Zeisu nang leh kei lungsim sungah hong suak nuam in mun hoih hong zong hi. Na lungsim sungah Zeisu khazih a ding mun hoih pen pia in,ki ging sa in na om zo hiam? “Topa ading  lampi na sialkhol un la, ama ading lampi na tang sak un.(Luka 3:4).Tua honpa leh gumpa hong suak theih loh na dingin na nuntak zia leh na ngaihsut zia kheel ding a ki sam om lai hiam?ki sittel kik ni.

     Tua ahih manin leitung ci leh sa deihna leh Pasian deih lo lampi kawi i zuihna pan ki hei kik in eite tawntung nuntakna i ngah theih na dingin leitungah hong pai ahi tua Zeisu khazih i lungsim sungah hong suah theih nang a siangtho lo nuntakzia,ngaihsutziate khempeuh puahpha a, Ama thu laigil  sungah  ki daih in ki niamkhiatna tawh lungsim kongkhakte honsa in i koih ding ahi hi.

 Editor 

 .Kha an ding "KHA GAL DO NI" Even. Thang Suan Am. Lainatna Ministry (Tuithang)

Lengtong Pauno  I hanthot na "GANNEIPA LEH LONEIPA"