|
ZingSol Website
|
KHA
GAL DO NI
“Tua ahi ciangin
Pasian tungah nang le nang na ki
pia in.Dawimangpa do un,amah in hong tai san ding hi.
(ZIV Jacob 4:7)
Mihing i nuntakna sungah hehna ding a om
ciangin a heh thei lo, lungdamna ding a om ciangin a lungdam thei lo, dahna ding
a om ciangin a dah thei lo ,launa ding mun ah lau thei lo te pen a lungsim a kim
lo leh a ngaihsutna a cing lo ahi hi. “Ahi zongin ka hehna
in hong thahat sak a, kei mahmah thahatna tawh ka gual zo hi. (Isai
63:5)
Malaysia leitang Topa’n hong puakna lungngai ni.Mite hauhna,pilna,simna
leh nopsaknate i bat zawh loh man gamdang hauhna,a zong ding hong puak
a,pawlkhatte awl takin,pawlkhat te haksatna tampi phukha in pawlkhat te a
nuntakna uh bei lawh uh hi.
Mi i bat zawh lohna khempeuh pen dawimangpa’n i mit hong humcipsak in,i
thupha teng hong guksak, hong haza, hong suksiat sak hi.Tua bek hi lo Jeisu
khris Hunpa leh Topa a ih santheih loh nang i khamit mahmah
hong tawsak lai hi.Tua hangin gamdang thupha deihin nu leh pa u leh nau,
zi leh ta tawh ki khen lawhin a zong ihi hi.
Hih thu sim teng i tel loh manin ih ngiimna leh i ngaihsutnate a tangtun loh ciang,ih ma
a pai loh ciang,hong huh ding lametna bang i ngah loh ciangin i nu i pa,
i lawm i gual leh mihau miliante tung ki khasia in ki heh thei hi.Tua pen mite
hong bawl hi lo in dawimangpa hong bawlsiatna hi a,bek tham lo in Pasian kiangah
i thum i ngetnate ih ngah loh pak
ciang Pasian tung nangawn ah heh in ki khasia thei hi. Pasian tate thu ngetna
hong nawngkai sak,hong ze kaisak zong kha gilo vantungmite mah ahih lam
tel ni.(Daniel 10:13)
Tua hi a, thu ngaihsun tel ki taktak le hang haksatna khempeuh leh ma pai
lohna khempeuhte mite hong bawl
siatna hi lo in, dawimangpa hong bawl siatna ahih lam tel in.Dawi mang pa tung
heh ni. Pasian Khasiangtho tawh ki
dimin I galpa Satan doni. Tua hih leh I Topa lungdamin na thahat kik ding hi.
“Topa hong piak lungdamna in note hong thahat sak ding hi.” (Nehe 8:10) Dawimangpa in kumpi an lim, zu lim ,sa lim
tawh Daniel zol a,ahih hang Daniel in dawimangpa zolna hi cih tel in heh a,kumpi
inn sung a an leh lenggahzu tawh a pumpi a thang huai sak loh na dingin a lungsim khensat hi.(Daniel 1:8) “Tua ciangin amah in Daniel
aw,lau kei in ki niamkhiat dingin na lungsim na khensat masak ni a ki pan in tua
thu na theih theih na dingin Pasian in na thu ngetna hong za zo hi.”(Daniel
10:12)Dawimangpa in Malaysia an lim,zu
leh sa tawh hong zol ding a, hong zol ahih lam tel in.Tua an lim, zu limte tawh
ka pumpi ka minsak kei ding hi ci- in na lungsim na khensat leh Pasian in na thu
ngetna za in thupha hong pia ding hi. Na nget ding thuphate kha gilo vangtung
mite’n hong nawng kai sak nop hangin, a thahat Pasian Vangtung galkap mang
mikhael in huh in na ngah veve ding hi.
Phatna,pahtawina tawh do ni
David thu lung ngai kik ni.(Samuel
masa 17:
)Dawi bia Goliat in Saul kumpipa leh a
nungta Pasian bia Israel galkapte zahko in to a,kumpipa leh galkapte lau in ling
damdam hi.David in hih to na aw a zak ciangin kumpipa Saul leh a galkapte
kiangah lawm lawm gina kei si uh teh! ci- in mawhsiat lo hi,dawi bia mite tungah
heh a,upna tawh Topan hong gualzawh pih ding cih tel hi. A nungta Pasian min
suangin do ngam a, Topa’n gual zawhna pia hi.
Dawimangpa in lampi dang hong zong in,Saul kumpipa sungah hazatna kha nin
hong lutsakin,David hong thah sawm hi. Dawimangpa na sep ahih lam tel ahih manin
David in Saul mudah lo,siatna bawl lo in Topa min phatna leh pahtawina tawh kha
ninte na do in Topa lungdam a,Israel kumpi in koih in a gal khempeuh zawh pih
hi. (1)Hauhna,
pilna, mapaina, thu ngetnate hong khak tan dawimang pa tung heh ni. (2)Zu
leh sa an lim tawh dawimangpa hong zolna,nialin Khasiangtho tawh ki dim in,pumpi
siangthona leh lungsim ki niamkhiat in thu ngen ni. (3)Topa
Pasian kammal lungngai in
phatna leh pahtawina tawh kha nin na sepna nial ni.
Tua hi leh Topa lungdam in gamdang hauhna,thupha tawh gualzo in i gam
hong ciahpih ding hi.
Evan.Thang
Suan Am.LainLainatna Ministry(Tuithang)
Chiah Kik Hawm 7 na ah |