豆豆的日記薄
| 04/04/2003 |
| 今日係為豆豆第一次寫日記,希望同大家分享豆豆0既樂趣! 今晚食飯個陣,豆豆想過0黎拎0野食,比狗糧佢食又唔肯食,係要食我地個d,咁我地就比左dd辣椒油佢食,諗住佢唔敢再食我地d0野食,點知佢都唔知幾鍾意,嚇到我地即刻比水佢飲,真係比佢激死呀! |
| 12/04/2003 |
| 非典型肺炎0既影響下,豆豆已經好耐冇出街街啦!所以今日有兩個哥哥姐姐0黎左屋企,豆豆見到佢地都不知幾興奮,起勢咁捉住人地同佢玩,可惜兩位人兄就驚狗,尤其係個姐姐,佢越走豆豆就越興奮,攪到個姐姐鬼咁驚!可能玩唔夠啦!到夜晚豆豆唔願訓覺,自己係度玩,玩到半夜到唔願訓,仲要係張床跑0黎跑去,攪到我地都冇覺好訓! |
| 13/04/2003 |
| 今晚食飯個陣,我拎左碟豬扒擺係餐桌上,點知呢頭行開,個頭豆豆就已經跳左上去食緊塊豬扒,跟住我鬧佢,佢都知自己錯啦,即刻匿埋,激到我紮紮跳,我就困佢入籠,可能知衰,乖乖地訓覺,咁我就可以舒舒服服食餐飯啦! |
| 17/04/2003 |
今日有隻哥基妹妹阿Dick0黎左,諗住豆豆平時冇乜狗仔同佢玩,以為佢好興奮,點知見到隻哥基妹妹就係咁吠,阿Dick都不甘示弱,結果大家就互吠,阿Dick仲係咁追住豆豆,豆豆比阿Dick0既熱情嚇到係咁跑,仲驚到匿入梳化底,阿Dick就照跟,好鬼攪笑! 阿Dick仲入埋豆豆個籠同玩埋D玩具,豆豆就一D都冇唔like,因為佢怕左阿Dick!到夜晚就困左阿Dick入籠訓覺,豆豆就係出面訓,點知都半夜四點幾,豆豆就見阿Dick比人困住左,就發下威啦!起勢咁吠人,跟住阿Dick又吠,總之佢兩個就互相鬥吠! |
| 19/04/2003 |
今日帶豆豆出街行下啦!點知行到半路佢要開大喎,完事後佢爸爸就幫佢清理,我未渣實條狗繩,佢爸爸就放手,卒之...上演一幕走狗記,追到我成隻野,結果當然比我打啦! 返到屋企我地就幫豆豆沖涼,都知佢怕水,佢已經係個廁所走0黎走去,最後...都比佢走甩左,整到周圍都係水,一日走兩次佬,多得豆豆幫我做運動!經過今日,千祈唔好低估豆豆速度! |