ZingSol Website
rav;&Sm;

                     HIH LAI AH KEI OM ING, KEI HONG SAWL IN.( Isaiah6:8 ) Malaysia gam pan Zomite "ZINGSOL".

Malaysia Zingsol khol ( 2 ),  Hawm 13,  14,  15,  16,  17, 18,  19, 20,   21, 22, 23, 24,

HAWM (9)NA.

TOPA ZEISU AW HONG PAI TA IN

(Maang 22:20)

           Laisiangtho sungah genkholhna thuthuk tampi tak om a,ahih hangin Laisiangtho thukhupna in TopaZeisu hong pai kik ding cih ahihi. Himah hi!I Topa pen hong paikik takpi ding a,mopipa in  mo api bangin a sisan tawh aleisa thu-um misiangtho te Tuuno mopawi bawl pih dingin hong pii to ding hi.Mopipa hong pai ding pen mo nu in a ngaklah mahbangin TopaZeisu hong pai kik ding zong A ma’mo ahite bekin ngaklahin lamen ding hi.Tua hi a,hih hun nunung, hunsia leh alung muanhuailo na nuntakna pan TopaZeisu na lamen thei ta hiam?Tuni-in nang, Zeisumo na hi nai hiam?

 Abraham lehNasempa(Piancil24:1-9)

          Abraham teekin akum hong tam tak ciangin anasem muanpenpa kiangah, “Nangmah in keimagam leh keima behte kiang pan in katapa Isaak ading zi khat nala ding hi,’’ci-insawl khia hi.Nasem pa in, “Anumei–in hong zui nuam keileh,tualai ah natapa mahmah pai pih kikding kahi hiam?’’ci-in a dotkik takciang in Abraham in, “Ka tapa napai pihkik kei ding hi,’’ci hi.Isaak zi ding ut in nasempa thugen um a-azui numei khatpeuh in Abraham hauh na khempeuh Isaak tawh luahkhawm ding ahih manin numei hampha mahmah khat suak ding hi.Tuamah tawh kibangin vantung a i Pa inTapa Zeisu zi la dingin amuan pen ahi Huhpa Khasiangtho hong sawl khia zo hi.(Johan14:26)Pa in Eden huan pan hong nu siat sa mawhnei nang leh keimah hong phawk kik takciangin Zeisukhazih tawh pumkhat suak a,Ama hauhna-aluah khawm thei dingin Ainnkuan sungah hong huai kik nuam hi.Zeisu khazih na up theih na dingin Amah pumpi-in hong pai lo ding hi.Bang hang hiam cihleh Khasiangtho leh Pasian kammal leitungah om zo hi.

Isaak hoihna

           Isaak pen tangval khat hi napi-in apa geelsak bangin zi neih sawm ahih manin apa thumang mahmah khat ahi hi.Bek tham lo in,ama zi ding ut a-azuan nungak khat peuhpeuh pen it sawm pah lel in tenpih sawm ahih manin Isaak pen deih a teel lo,lungsim siangtho leh lungsim hoih mahmah tangval khat ahi hi.Tua mah bangin Zeisu in zong thumanhna tawh Pa Pasian a lungkim sak ngiat  Tapa-ahi hi. (Mate3:17,26:42).Tua Tapa in kuamah deidan nei loin Ama-aw za a,lungsim kongkhak a hon khat peuhpeuh tawh om khawm tawntung nuamhi.(Maang3:20) Leitung hauh na,pilna, siamna leh hoihnate ah midangte tawh na ki et ciang in thanem lungkia in om kei-in, sanggam!Bang hanghiam cihleh Zeisu in nangmah hong it in, hih bang in hong sang zo hi. “KaPa in Kei tung ah ahong piak mi peuhpeuh Ka kiang ah hong pai ding a;Ka kiang ah hong pai mi peuhpeuh Ka hawl khia kei ding hi.’’(Johan6:37).I Topa bang zah in hoih in it huai ahi hiam?.

Nasempa leh Rebekah (Piancil24:10-27)

        Na sempa in Abraham kiang pan in letsong ngun leh kham, kalaohte la in pai khia a,Abraham’sanggampa ahi Nahor’tunu Rebekah tawh tuikhuk gei ah hong ki mu hi.Nasempa in dawn ding tui a nget ciang in Rebekah in,dawn in katopa ci a, abeel niam suk sak in,dawn sak hi.Bek tham loin azat kalaohte na ngawn thupi sim sakin tuipiak sak hi.Rebekah pen a ngaih bang bek hiloin,lungsim ki niamkhiat mahmah nungak khat ahih manin nasempa in zong daptakin en gige hi.Tuamah bangin Khasiangtho in zong nuntakna tui ahi Laisiangtho kammal tawh nang hong hopih tak ciang in na leibel niam khiat in, Topa ci-in dawng in.Na thupha ding hong pua kalaohte ahi Khasiangtho in azat asila te zong thupi simsak in.Bang hiam cihleh Khasiangtho in nang Zeisumo ding in hong en gige hi. “Tu ni-in Ama –aw na zak uh leh nalungtang te uh khauh sak kei un.’’(ZIVHebia4:7).    

Rebekah khensat na(Piancil24:61)

            Nasempa in numeinu leh asanggam pa kiangah apaina thu teng sungkhia in Rebekah a nget tak ciangin, “Anumei sam in amah i dong ding hi,’’ci uh hi.Rebekah in zong, “kazui ding hi,’’ci-in Isaak zi dingin alungsim khensat pah lian hi.Rebekah in amah ait ding,akem ding pumkhat asuahpih ding pasalkhat a nuntakna-ah ki sam ahih lam thei hi.Tuamah bangin hih leitung sumlehpaai, neih leh lamh te tawh lungmuang in na om khak leh tua nate na luah kha kei ding hi.Alung muanhuai lo na nuntakna-ah na khut hong len ding gumpa Zeisu na kisap lam na phawk kha ta hiam? Tu ni-in Khasiangtho in Zeisu mo dingin nang zuthawl hong pia in akammal tawh hong dong zo hi. “Khasiangtho na sangun’’(Johan20:22)  Namai ah sihna leh nuntakna, thupha leh

Hamsiatna ki koih zo a, nangma teel ding ahi hi. (Thu hilh kikna 30:19).Nuntakna leh thupha na ngah theihna dingin nang hong it Zeisu teel in la, na Topa dingin na lungsim khen sat ta in. Rebekah in Isaak zuan(Piancil 24:61)

            Nasempa in Isaak zi ding ciaptehna in kham nakbah tau te leh kizepna letsong hoih nono te Rebekah pia in,ciah pih hi.Ahi hang Rebekah in tua nate sang in mopa  Isaak it zaw ta in a kimuh kal ding uh ngaklah mahmah hi.Lamlak ah gim in tawl mah tase leh Rebekah lungkia lo a,apasal ding alungsim leh amitkha in geelgeel hi.Isaak’thu athei pen nasempa in zong atopa hoih nate Rebekah kiang ah gengen hi.Tua hi a Rebekah in nasempa tawh ki tam hopih semsem leh Isaak a itna khang semsem hi.Hih bangin molapa leh monu in ani ani-in mopa kiang hong naih semsem ta hi.Zeisu honpa leh gumpa in nasan khit phet in ciaptehna Khasiangtho hong kipia ding a(Ephet1:13)tua khit ciangin Kha lam letsongte leh leitung thuphate tawh zong nang hong kizeem lai ding hi..Amah mulo pi-in na it theih na dingin( Petermasa1:8-9)  Khasiangtho tawh thungetna leh laisiangtho simna tungtawn in na ki tam ho kul hi.Bang hanghiam cihleh Zeisu’thu Khasiangtho in thei pen hi.(Johan16:26,16:13)

        Topa Zeisu hong paikik ding a ngak nakisak laitakin nangzong nikhat khit nikhat Amakiang azuanzuan zaw nahih lam zong ki thei-in.Na mopuan siangtho sakin la,nahunte zong mawk beisak kei-in.Amah nazuatna lampi ah haksatna,ze-etna tampi om mah tase leh nangbek hilo in Huhpa Khasiangtho in nang hong ompih a hong makaih den ahih lam zong phawk in. “Khasiangtho leh mothakin, ‘Hong pai-in,’aci uh hi.”(Mang22:17).

Isaak in Rebekah dawntuah(Piancil24:62-67)

       Isaak in zong molapa leh monu ii tun kal ding ngaklah in kongbiang lam gal et den hi.Gamlakah gamsate leh migilo te tawh kituak kha thei bektham loin sehnelgam nisa nuai- ah hong pai ding uh ahih manin Isaak pen lunghimawh mahmah hi.Nitak khat Isaak zong monute dawntuah dingin ainn pan hong paikhia ta-a,gamlak lamkal ah hong kimu tuah uh hi.Nasempa in Isaak’khut ah monu ap in,Isaak inzong amah itin,tenpih hi.Anu ii sihna hang a lunglen khua ngaihna te zong Isaak in mangngilh ta in Abraham innsung ah lungdamna mopawi lianpi hong ki bawl ziahziah hi.Tuamah bangin Zeisu in leitung a-aom lai nang leh kei ading in lunghi mawh mahmah in,Pa kiangah thu hong nget sak hi.(Johan17:6).Ama kiang i tun ciangin singlamteh tung a, athuak gen theih bawlsiatna te  zong mang ngilh pan ding hi.Tua hi a Huh Huhpa Khasiangtho in eite hong lenpih to ding a,mopa Zeisu zong vankimlai ah hongtuak sukin hibang in ikidawntuah ding hi.

       “ Pasian thupiakna awging lianpi,vantungmi mangpa’thugenna leh Pasian’peengkul hong ging ding a,Topa mahmah vantung pan in hong paisuk ding hi.Tua ciang in tuahun laitakin a nungta lai eite pen vankimlai ahTopa-adawn dingin asisa mite tawh hong ki la khawm ding a,Topa tawh iomkhawm tawntung ding hi.’’(1Thesalonika 4:16-17)

        Tuni ciangdongTopa hongpai nailohna pen Amah aum thei nai lo nangmah hong khual in hong ngak keeikaai lai ahi hi.Zeisumo hi nailo pi-in Amakiang natunding zong hong deihsaklo ahih manin tuni ciangdong hong nungta sak lai ahi hi.(2Peter3:9).Tua hi a sang gam aw,hihlai nasim khit ciangin ZeisuKhazih pen gumpa leh Topa in teel a-ama hong paikik ding alamen thei dingin Topa’n thu pha hong pia ta hen!

         “Topa Zeisu aw,hong pai  ta in.’’

                                                                    Zeisu itna sungah,

                                                                               Jacob