ZingSol Website
rav;&Sm;

                     HIH LAI AH KEI OM ING, KEI HONG SAWL IN.( Isaiah6:8 ) Malaysia gam pan Zomite "ZINGSOL".

Malaysia Zingsol khol ( 2 ),  Hawm 13,  14,  15,  16,  17, 18,  19, 20,   21, 22, 23, 24,

HAWM (6) NA.

HOPIH MASAKNA

         Tu laitakin  America gam (U.S.A) pen  gam hau pen , gam nuam pen leh gam muan huai pen in ki ngaihsun hi. Leitungbup gam tuamtuam pan  mi tampi takin America gam tun ding lunggulh ciat uh a,tua sungah ei zomite zong i ki hel hi.Ih nuntakna niam lua ahih manin America gam tun ding limlim pen Vantung gam tung ding bangin ki ngaihsun a, lut theihna lampi a tuamtuam tawh ki nak hanciam san  mahmah hi.Ahih hangin eite bangin U.S.A tun ding ciang bek tawh a buai non lo U.S gam mite in mite lunggulh ahi U.S kicinna , khamuanna omlo ahihna 11-9-01 ni-in  khitui naptui tampi tak tawh hong ki langh khia sak uh hi.

        Leitung hauhna , minthanna leh gualnopna  tawh aki dim New York khuapi leh ki ukna leh galkap phualpi ahi Washington D.C khuapite 11-9-01 ni-in migilo(tMurf;zuform;)te in Khualzinna Vanleeng (4) tawh taihinn sangpite taih kham uh ahih manin asi, aliam.a mangthang tul tampi tak om uh hi. Tua mite sungah gam tuamtuam pan  mi lian ,mipil leh mi hau tampi tak om ding uh a,mailam hun sau pi adingin ngimna leh ngaihsut kholhna  tampi tak nei ding uh hi.Ahih hangin sap lohpi leh theih kholh loh pi-in a mulkim huai mahmah sihna hong tun ciangin mitphiat kal khat sung a nuntakna  uh hong bei-in mai lam hun ading gelkholhna khempeuh zong mai mang ta hi.Hih thute i muh ciangin lei mihingte nuntakna in  pakpalh bang a hul thei ziau ahihna thu hong pawk sak hi.Leitungah a kip tawntung  leh a muan huai khat beek zong om lo hi cih thu bek thamlo in i nuntakna i khut sungah a om loh lam hong theihtel sak hi.

         Hih thu piangte hangin gam khat leh gam khat, minam khat leh minam khat  ki kal ah ki muhdahna leh ki thangpaihna te hong khang semsem dinga, Topa kammal hong vaikhak mah bangin gimna ki patna limte ahi hi. koikoi ah i pai a, koikoi ah i om zongin hih hun nunung hun sia kawmkal pan in gupngah kitel sa in i om  ding thupi pen hi.

         Tua hi a,nang zong  ni khat ni ciang  na leibel hong ki tam leh na kha ading khuapi muan huai na zong zo hiam?"Eite a dingin leitungah a kip khuapi om lo ahih manin,hong pai lai ding khuapi a zong i hi hi.(Hebia 13:14)

                                                                                                       Editor

Khalam ah tha hong pia ding "PASIAN MAI PHA"