ZingSol Website
rav;&Sm;

                     HIH LAI AH KEI OM ING, KEI HONG SAWL IN.( Isaiah6:8 ) Malaysia gam pan Zomite "ZINGSOL".

Malaysia Zingsol khol ( 2 ),  Hawm 13,  14,  15,  16,  17, 18,  19, 20,   21, 22, 23, 24,

HAWM (4) NA.

   MUH THEIH GAMH MAW MUH THEIH LOH THUPHA

                                  (Korintu nihna  4:18)

      Tu hun pen hun nunung a hihna tawh kizui-in,Dawimangpa in zong ahun tom ta ahih lam thei ahih manin leitungah na nak sep mahmah hi. Siatna leh gitlohnate hong khang semsem in tua sungah nu leh pa thu mang lo khangnote zong ki tam semsem hi. (Timote nihna 3:1-5) Khangno kimkhat te in nu leh pa’neihsa te kham lua in,nu leh pate mudah zo zah dongin a nuntakna uh hong ki sia hi.Kimkhat te leuleu in nu leh pa neihsate tawm sa lua in, hawmthawh uh a, nu leh pate hong sim mawh kha uh hi.

GAMH LEH THUPHA

      Gamh I cihpen a ki mu thei nu leh pa neih leh lam, inn leh lo te hi a, thupha i cih pen a ki muthei lo nu leh pate hong itna pan hong luangsuk ahi hi. Mi kimkhat te,hih gamh ki tuhna hangin, unau sanggam kikal ah ahi zongin, nu leh pate leh tate kikal ah ahi zongin, ki mudahna pan, tual thahna ciangdong hong ki tun-na thu tampi-i za zo hi. Tua ahih leh Khazih sungah anungta ei khang note in, koi thupi ngaihsut zaw in,koi teel zaw ding ih hi hiam? Sanggam,nang e leh MuhTheih Gamh Maw MuhTheihLoh Thupha!

      Ih teel khial loh nadingin Pasian kammal lungngai masa ciat ni. “Bang hang hiam cih leh a ki muthei nate a mitsuan ka hi kei uh a,a ki muthei lo nate a mitsuan ka hi uh hi. A ki muthei nate tom no sung bek ki mang a, a ki mutheilo nate a tawntungin a kip ahi hi”(Korintu nihna 4:18)  Thupha omlo pi-in, gamh te kip lo ding cih imu hi. Ei khangno a kua maciat in zong a ki muthei nu leh pa gamhte sangin, a ki mutheilo nu leh pa thuphate mitsuan in, lunggulh masa ciat ni.

NU LEH PA THUPHA

      Pasian in ih nu leh I pa tungah ei a dingin leitung thuphate hong koih sak khin zo ahih manin amaute kiangah ih nget ding ahi hi.Tua thuphate ih ngah theih nadingin Laisiangtho in hih bangin lam hong lak hi.

1.Nu leh pa zahtakna panin, khansauna thupha ki ngah hi.(Pai khiatna   20:12)

2.Nu leh pa’ thuman-na panin, cidamna,daupai-na leh lawhcinna

   thuphate ki ngah hi. (Paunak 3:1-3,  6:20-22)

NU LEH PA HONG TUAM  ITNA

      Nu leh pate thupha hong luandan nam (2) in ki muthei hi.A masa in nu leh pate in a tate uh hong pai thei lo in hong tuam itna pan thupha hong luangkhia hi cih thu ih suut ding hi.

      Jacob in ata dangte sangin Zawtah pen it phadiak zaw ahih man in,muhtheih dingin puantualpi khat hong tuam piak se hi.Tua ciang in asanggamte inZawtah mudah uh a, a puantualpi balkeeksak in sum bawlte kiangah hong zuak mawk uh hi.Jacob in Zawtah puan amuh phetin, a lungsim ki tamzan in atapa a it luatna leh avei luat na tawh ni tampi sung hong kap hi. Zawtah in Muhtheih ahi, apa neih leh lamte khat zong luah kha lo bek tham lo in apuan silh na ngawn ki suah khiat saksa in Izip gam hong tung hi.Ahih hangin a ki muthei lo apa it luatna thupha in amah zui ahih manin, tua gamah hauhna, vangliatna leh minthanna te hong ngah hi cih thu i mu hi. Ei khangno kim khat te zong a bei sa hunte ah nu leh pa lung dam sak lo leh lungkim sak zolo ih om kha ding hi. Tu-ni ciang dong ih nuntak gamtatnate hoih lo napi-in cidamna leh lawh cinna thuphate ih san theih liai’liai’ lai-na pen nu leh pate hong tuam itna leh hong thu nget nget sak nate hang bek hi zaw hi.(Kahla 2:19) 

NU LEH PATE LUNG KIM SAKNA

      Nu leh pate lunggulh leh a deih nate uh thei in,amaute lungkim sakna pan in zong thupha hong luang suk hi cih thu I suut leu leu ding hi.

      Ni khat Esau pen agil kial lua in anau Jacob ii meh huan sa hong ngen hi.Tua ciangin Jacob in zong a u ii luah ding gamhte mu ahih manin, ci leh sa hazaatna leh huaihamna tawh a inn luah za hong kalpah lian hi.(Piancil 25:31) A nu in a pa thupha dawh dingin asawl ciangin Jacob ut lo hi.Banghang hiam cih leh a pa gamhte ngah khin zo ahih manin, a ki mu theilo a pa thupha piak ding pen thupi ngaihsut lo in kul sa nawn lo hi. Ahi zongin Jacob in a nu thu mangin keelsa kuang khat tawh a pa thupha hong dawh leh a pa Isaak lungkim ahih manin, Jacob pen thupha hong pia ta hi.(Piancil 27:27) Esau in hih thu azak ciangin anau hong thah sawm a, Jacob zong a ngah sa inn luah za khempeuh nusia in Paddan Aram gamah hong tai khia hi.A ki mutheilo a pa thupha in Jacob zui ahih manin tua gamah Pasian in neih leh lam, suan leh khak tampi pia a, asep na peuhpeuh ah adau pai sak hi. Hih bangin Jacob in a pa lungkim sakna tawh thupha ngah cih thu ih mu khia hi.

JaCob tung pan kam mal i zak ding "Zogam tun lehzua"