越容易忘掉。

                    而事實上，在某程度上我是想忘記維納斯。只因，以前我每當想起她，便會出現一個很清

晰的臉孔，幻想擁抱著她說著笑，一幕幕開心、溫馨的晝面。但現在，她的臉孔已經很模糊了，再不

是一種開心的感覺，是一種很冷、很冷的感覺 ............

                  「都已經半年喇喎，你仲係咁放唔低？」志偉提起了她，再見我沉默了下來，當然知道我

的心在想甚麼。

                  「 ............ 」 我無言以對。或許，是我自己也找不出答案吧！

                  「其實由細到大我都想有一段從一而終o既愛情。一段！一段就夠啦！！............我已經表示

出照顧佢、愛護佢一生一世o既決心同誠意，但係 ............點解？！............我究竟可以做D乜o野、講 D

乜o野，佢先接受我？！.............定還是，無論我對佢做D乜o野、講D乜o野都好，對佢黎講都係多餘？

.............」我開始激動了起來。

                  「算啦阿峰！唔好再為一個唔愛你o既人而傷心啦！你應該知咁樣係無用o架！」志偉慰解

我說。

                    我深深地吸了一口氣，讓自己冷靜一點。聽了志偉的說話，我雙手掩著臉孔，像不想再面

對這世界、這現實 .......... 從手指間的空隙中，看著海上的輪船。心中不其然想著：縱使輪船在大海上

漂泊，但它也知道自己要去的地方。但我的心，卻不知放在何處好 ............ 或者說，被她傷了我心後，

我已經迷了路了。

                  「如果你真係咁放唔低o既話，不如再搵番佢，同佢做住朋友先囉。或者，將來仲有機會呢

！」志偉說道。

                    我頓了一頓，說道：「唔係我唔想，只係我實在無法當到佢係我朋友。而且，咁樣只係一

個逃避而又唔切實o既方法。既想可以繼續親近佢，但卻要裝作朋友 ............ 我寧願 ............ 以後唔再見

佢。............ 我真係好想忠於自己o既感覺。我可以騙佢當佢係朋友，騙得佢開開心心，但係我自己呢

？！我會係世上最唔開心o既一個。」

                  「唔通真係唔可以再見亦是朋友？你真係咁憎恨佢？？」志偉問我。

                  「我一D都無憎恨佢，其實我好想佢體諒我唔接受同佢做朋友。.......... 你知嗎？！有D o野....

........發生左就係發生左。如果依家係初期我鍾意佢o既時候o既話，亦即係話我未非常深愛佢o既時期，

我仲可以同佢做番朋友。但係，依家我已經鍾意佢實在太深，想當乜事都無發生過？依家實在太遲啦

...........」我答道。

                    志偉像明白了我的意思，說道：「無論點都好啦！做朋友o既，我會尊重你o既決定。希望

你聽日去到新o既學校返學，可以有新o既、好o既開始啦！！」

                    我從心底裡感激志偉：「多謝你！其實你都講得o岩o既，我再鍾意佢、掛住佢、諗住佢都

係無補於事。我依家明白到我唔應該再為一件自己爭取過而失敗左o既事實而感到難過。」

                    志偉聽了我說後，拍一拍我肩膀。我們相互而笑。

                    但我的心裡，卻深知自己永遠也忘記不了她的。我可以做的，就只有將她盡量埋藏在心深

處，好讓自己不要再日思夜想 ............ 只希望捱過『困境』過後，會有一個新的轉機。

                    我和志偉『禱告』過後，我帶著疲倦的身軀回到家中。已經是深夜三時正了。

                    這一晚，其實我已經很累了！但是，我就是無法入睡。或許，離開了舊校，離開了一班相

處數年的同窗，去到一處陌生的地方，心裡面總是有些不安的。明天，便正式去到一所新校上學。當

感到自己孤獨一人面對不知是怎樣的環境時，心裡很想找一個『伴』，可以讓自己感到不再孤獨。但

，這個『伴』，我應該從那裡找呢？我不停的在想著、想著 .......... 維納斯的臉孔不其然在我的腦海飄

過。不！我不可以再讓自己時常想著她的！！我立即起床，走到電腦桌上，開動了電腦 ............

                    在現今這個互聯網發達的年代，著實使人們方便了。在網上真的應有盡有，包括『感情』

。而這些『感情』通常是在甚麼聊天室，或者ICQ上找到的 ............ 而我自己本身也有玩ICQ的。不過

，所有在我的ICQ List 上的人，都是我本身認識的朋友或同學。我從來不會在網上結交朋友或異性，

因為實在太虛擬了，少了一份安全感、真實感。但這一晚，我突然很想在網上找人來傾訴一下，讓我

軀走心裡的不安也好吧！

                    我不停的在搜尋著，但還是不知找那一位『陌生』的網友傾訴。忽然，電腦傳來了一聲訢

號。而在我的ICQ List上，出現了一個陌生的『人』，它的名字叫『Grace』，我用滑鼠按了一按它，

傳來了一段留言：「Hi！」。

                    我心裡不其然暗笑了。原來你不停地在找『它』的同時，其實『它』已經靜悄悄地找到你

了。