但是，我覺得這一天已不遠了。

                    有時，我會覺得若果對方是喜歡自己的話，根本是不須要去追求對方的。但，現在，為

了大家的距離可以拉近。我也不得不作出一連串的『攻勢』了。一場『攻防戰』，亦隨之而牽起.....

.......

                    今天，我相約了她去陪我買禮物。

                  「仲乜無啦啦去買禮物o既？」她帶著疑惑的語氣問我。

                  「無~~我有個識左好耐o既女性朋友生日。咁搵你陪我買會好D呀嗎！話晒女仔清楚D女仔

o既心意o既 。」這當然只是一個藉口，我只是想藉著這個機會知道她喜歡甚麼東西而已，繼而再給

她一個驚喜。

                    我和她用了一整晚的時間，行了很多個商場，終於知道她喜歡的東西了 ── Miffy﹝一

隻好似白兔的白兔﹞

                    第二天，今天是星期六。本來我想約她去街的，但由於電腦學會將會有活動舉行，所以

她要回校準備。不過，這也許是一個好機會。我準備了一些食物和禮物回校找她，給她一個驚喜，

也能給她一些動力去努力『工作』。

                 「維納斯~~」我開門進入電腦室。

                 「阿峰？！」她本來全神貫注地工作的，但她一看到我出現也打了一個『突』。

                 「點呀？你做o野做得累唔累呀？！我買左d o野食番o黎，不如食d o野先做啦？！」我關

心地說。

                 「好呀！我都好肚餓啦 ..........」她欣言接受。

                    我們一邊食生果一邊傾訴。﹝由於我知道她正在減肥中，所以我也適趣地只買了些生

果 ..........突顯我的細心呢！﹞

                 「係呢，你今日仲乜無啦啦番黎學校o既？！」可能女人就是這樣 , 總喜歡明知故問的。

                 「為左隻白兔囉。」我故弄玄虛的說。

                 「白兔？！」她帶著很不明白的語氣問我。

                 「為左送隻你最鍾意o既白兔俾你囉。」我一邊說著一邊拿出一隻Miffy的公仔。

                    她也許實在太驚喜了，也不知該有怎樣的回應給我。

                 「我知你鍾意Miffy，所以送隻Miffy o既公仔俾你囉。你點樣處置佢都唔緊要 o架，我只

係想隻公仔可以陪住你 ..........」我說道。

                  「峰 ..........」她欲言又止的說道。

                  「仲咩呀 ？！ .......... 」我感覺到她像是『驚』多過『喜』。

                  「不如你返去先呀？！我要做 o野啦，我今晚返到屋企打俾你 oY。你o係度我怕會悶親你

呀.......... Anyway，多謝你送隻公仔俾我呀！」她說道。

                  「咁好啦，你今晚返到屋企再打俾我啦。」我本來希望可以留在學校陪伴她工作的。但

， 既然她說怕會悶壞我。我也只好離開了。

                    她送我到學校門口，我便向她道別了。但，我的心裡，有一種說不出的不安 ..........

                    我離開學校後，便一直漫無目的地踱步著，一直地行，也不知目的地在何處。只想走到

一個令我安心的地方，令我再感不到不安的地方 .......... 終於，我又回到學校門口了。難道，一切的

起點就是終點？ .........

                    剛巧，我看見維納斯從學校出來 .......... 她看見我在學校門口，也頓了一頓。可能，她也

感覺到些甚麼似的 ..........

                  「你仲乜咁傻 o係學校門口等我呀？！.......... ] 她像有點不好意思的，但又帶點心甜的感

覺對我說。

                  「去邊度等你都一樣 o者，都係等 ........，可以 o係最接近你而又唔騷擾到你 o既地方等，

可能係最理想 o既地方。」我答道。

                 「峰 ..........」她又再欲言又止。

                 「我帶你去一達地方 oY。」她對我說道。

                   終於，她帶我她住所樓下的公園。

                 「我一唔開心就 o黎到呢個公園 o架啦，o係度打遷秋，唔怕俾人望住晒呀嗎！唔怕俾人話

咁大個人仲 o係度打遷秋 ..........」她一邊玩著一邊對我說。

                 「其實自己唔介意就得啦！唔需要太著意人地 o既眼光 o既 ..........」我回答道。

                 「咁我份人係幾介意人地 o既眼光 o架嗎。」她答道。

                   我默然，沒有回應。

                 「阿峰，其實 ..........」她又再一次欲言又止。

                   而我仍然默不作聲。或者，我已經想到她想說些甚麼了 ..........

                 「我唔想浪費你 o既時間，或者話唔想浪費大家 o既時間 .......... o係我心目中，我想搵一個

可以照顧我 o既男仔。我 o既意思並唔係話你無出色 ......... 只係話，o係依家呢個 moment，你有權去

鍾意第二個女仔，我亦都係 .......... 我對你係有好感，但係唔等於我鍾意你 .......... 阿峰，你對我點我

係知 o架！.......... 我並唔係話你唔好，事實上你係一個好好 o既男仔，你明白嗎？」她帶著傷感的眼

神向我說著，像是怕傷害到我。

                  「或者我同你相處日子太短啦，依家都係做朋友比較適合 .......... o係依家，我只係想專心

讀書，我出年考 A-Level 啦，我知我唔可以分心 o架 .......... 將來 o既事，無人知 o架。話唔定我地將

來可以成為情侶呢？！」她續說著。

                   我沒有說任何話。或者我意識到：『分手』總是會有籍口的。不喜歡一個人的話，任何

東西也可以成為籍口 ..........；若果大家都喜歡對方的話，又那會有東西可以阻隔到呢？！只要大家

也有心，所有問題也可以共同去應付的 .......... 除非，其中一方的心內，根本沒有對方 。 ..........

                   大家也默言，像等待對方的『發言』似的。

                   終於，我先開口了：「我明白 o勒 .......... 時候唔早啦，你返去啦！」

                 「峰 .......... 」她又再欲言又止。

                   我轉身背對著她，故意不讓她看到我。我流著淚對她說：「我明白你 o既難處，你又想

講出事實，但又怕會傷害到我 .......... 我知你 o既心都唔好受。算啦，你可以唔接受我 o既愛意 ..........

再見！」

                   我帶著沉重的步伐，一步一步的離去。離開一個我深愛她，但她並不深愛我的人。想不

到的是，原以為那一天已不遠了。但是，那一天並不是甚麼，而是『死期』 .........