Zaridaina tsara tarehy feno voankazo isan-karazany ny zaridainan'i Masindah, ka mahazo makao daholo ny olona rehetra. Ka dia mba tonga tany koa Ikotofetsy sy Imahaka. Misy fitsipi-dalao anefa tsy maintsy harahina tsara ary dia misoratra mazava eo ambavahady izany: 

    1- Mahazo mihinana ny voankazo rehetra, saingy tsy misy azo hariana fa atelina daholo; ka ataovy tsara ny safidy. 

    2- tsy mahazo mitondra mody na voany iray aza. 

Rehefa voky an-tendakely Ikotofetsy sy Imahaka, dia tsy naharitra fa mbola nanao am-paosy ny voankazo tiany izireo; ary dia roso fa hande hody. Tsy maintsy mandalo eo @ Masindah anefa manao veloma sy savaina. 

- Masindah:   Tsy efa lazaina moa ialahy ry Ikotofetsy 
              hoe tsy mahazo manao am-paosy. Sazin'ialahy 
              dia averina @ialahy daholo ireo rotra 
              nataon'ialahy ampaosy ireo, ary dia aty @ 
              vava fitombenan'ialahy no hamerenako azy. 

Dia variana nanatsofoka tsirairay ireo rotra avy aty @ vava fitombenan'Ikotofetsy hono Masindah. Lokilokin'ny hehy anefa Ikotofetsy sady tapaka ny tsinainy. Gaga i Masindah ka loa-bava: 

- Masindah:   Ilay zalahy ity tsy mety handairan'ny 
              fananarana mihintsy marina moa. Sazy 
              goavana be izao ka mbola toran'ny hehy 
              ihany nedala. 

- Ikotofetsy: Tsy izany mantsy Masindah fa laodisy 
              ny an'Imahaka. 

PS:laodisy= litchi