Faktera

Nitantara tamin'ny zafikeliny ny fahatanorany Dadabe,Ka nandeha hono ilay tantara,dia nolazainy teo daholo izay zavatra nianjady taminy. Ka rehefa avy ela ny ela dia tonga teo amin'ny fitiavana ilay resaka. Dia hoy izy hoe:

- Tamin'izao mbola bogosy anie letsy ry Koto dia
tena nisy tovovavy iray izay tena sady manja
no tena nifankatia be tamiko. Saingy
nifanalavitra moa izay ka dia ny sariny foana
no mba jerijereko matetitetika, ary dia ny
penina no miasa nanakaiky anay. Ary dia
nahavatra nanoratra ho azy isan'andro mihitsy
aho tamin'izany. Tany Senegal tany mantsy no
nipetraka ry zareo ...

- Kay ve i bebe efa tany Senegal eh!

- Tsy bebe no lazaiko amin'ialahy fa sipa hafa ...

- Fa naninona i dadabe no tsy nanambady io
tovovavy io ...

- Ka elaela taty aoriana letsy na dia nanoratra
taratasy indroa isan'andro aza aho dia tsy
nanoratra intsony izy. Ny taratasy azoko farany
dia nilaza izy fa hanambady ilay "facteur"
hono !!!!!!!!!!!!!!"