1 Iawe hemi gohed fo lukaotem mi gudfala olsem mi wanfala sipsip blong hem, so mi no
sot long enisamting.
Psalm 23
2 Oltaem hemi gohed fo mekem mi res gudfala long ples wea hemi garem plande
gudfala gras long hem.
Hemi lidim mi go long olketa kuaet ples wea hemi garem gudfala wata long hem.
3 Hemi mekem mi fo filstrong moa, an hemi gohed fo lidim mi long olketa stretfala wei,
bikos wei blong Iawe nao hemi barava stret.
4 Lod Iawe, nomata mi gotru long ples wea hemi barava tudak an hemi ples blong dae
tu,
mi nating save fraet nomoa bikos iu stap wetem mi an iu lukaotem mi wetem subi an
stik blong iu.
5 Iu mekrere long wanfala fist fo mi long ae blong olketa enemi blong mi.
Iu welkamem mi olsem mi wanfala bikman wea mi kam long haos blong iu.
Laef blong mi hemi olsem wanfala kap wea iu fulumap an hemi barava fulap fogud.
6 Oltaem long laef blong mi, mi save wea iu gud tumas long mi, an iu lavem mi,
an haos blong iu baebae hemi hom blong mi olowe.