Young Front (Malady Front)
vul Varvaseni, 8, Miensk
Republic of Belarus
tel/fax +375-17-2845012

Малады Фронт
Беларусь, Менск.
вул. Варвашэні, 8
тэл.факс (017) 2845012

моладзь, палітыка, краіна

Фронт пераменаў і Адраджэньня

 [21.4.2000 г.]

Малады Фронт за:

маштабовыя й глыбінныя РЭФОРМЫ ў эканамічным,
палітычным і духоўным жыцьці краіны.

- вольны рынак і свабоду прадпрымальніцтва;

- сэрвісны, інфармацыйны й навукова-тэхналягічны ўздым;

- стварэньне лепшай у сьвеце беларускай адукацыі:

- спэцыялізаванае навучаньне ў школе;

- конкурсы й тэсты замест іспытаў у студэнтаў;

- найшырэйшыя праграмы эўрапейскага абмену;

- прафэсійную нацыянальную гвардыю;

- апэратыўную й прэстыжную паліцыю;

- свабоду слова, сумленьня й друку;

ЗА БЕЛАРУСЬ - стратэгічны й геапалітычны м о с т паміж Захадам і Ўсходам, к л ю ч фінансавых інтарэсаў Эўропы й Азіі, навуковы й тэхналягічны ц э н т а р сусьветнага ўзроўню

ЗА БЕЛАРУСЬ - краіну жывой прыроды, чыстага паветра й старажытных замкаў - беларускі д о м утульны для гаспадароў і гасьцінны для турыстаў з усяго сьвету

ЗА БЕЛАРУСЬ - імпэрыю культуры, духоўнае с э р ц а Ўсходняй Эўропы, агмень чысьціні й веры ў месцы сустрэчы хрысьціянскіх канфэсіяў

Моладзі патрэбная Вялікая Беларусь!

Малады Фронт супраць:

- прарасейскае, антыэўрапейскае, правінцыйнае палітыкі сёньняшняй улады;

- жалезабэтоннай сыстэмы адукацыі, папяровых прафсаюзаў, бэ-пэ-эс-эмаў, разьмеркаваньняў, прапісак ды іншай саўковасьці ў школах і ВНУ;

- алькагалізму й наркаманіі;

- нікому не патрэбнага вялізнага паўгалоднага войска, дзе забіваюць і калечаць;

- парушэньня правоў чалавека, дыктатуры й таталітарызму;

Малады Фронт - фронт маладога пакаленьня супраць зла й бездухоўнасьці ў грамадзтве й дзяржаве

Гісторыя

Малады Фронт - буйнейшая апазыцыйная арганізацыя беларускае моладзі, якая выступае за незалежную моцную эўрапейскую Беларусь, за нацыянальнае Адраджэньне, і гуртуе ў сваіх шэрагах школьную, студэнцкую й працоўную моладзь.

Малады Фронт узьнік у нетрах БНФ увесну 1996 г. на хвалі маладзёвага супраціву, які ўзьняўся ў абарону незалежнасьці Беларусі. Дзясяткі тысячаў маладых, што выйшлі на вуліцы Менску, Горадні, Магілева 24 сакавіка, 2 і 26 красавіка, сталі асновай для арганізаванага маладафронтаўскага руху.

Маладафронтаўцы начавалі на пляцы Незалежнасьці перад Вярхоўным Саветам падчас палітычнага крызысу зь імпічмэнтам. У тую ж восень'96 яны пачалі ладзіць беларускія дыскатэкі, шоў-выступы па школах, пікеты й рызыкоўныя начныя акцыі.

Вясна'97 распачалася для МФ відовішчным шматтысячным маршам "Беларусь - у Эўропу!", падчас якога ў амбасады замежных краінаў былі перададзеныя пэтыцыі з заклікамі да Захаду. Знакамітыя акцыі 1997 г. "Горад - наш!", хвалі графіці й мітынговыя жарсьці ўжо сталі легендамі беларускага Адраджэньня ў канцы 20-га ст.

У верасьні 1997 г. прайшоў устаноўчы Сойм Маладога Фронту. Аддзелы й рады МФ былі створаныя ў 39 гарадах Беларусі. Моладзь разгарнула шырокую культурна-асьветніцкую дзейнасьць у рамках праграмы "Маладое Адраджэньне": рок-канцэрты, дыскатэкі, конкурсы, інтэлектуальныя гульні, сацыялягічныя апытаньні, кампутаровыя праекты. Разам з тым ішло мітынговае змаганьне за палітвязьняў, дзясяткі тысячаў сабраных подпісаў і спартовыя акцыі.

У лютым-сакавіку'98 паралельна зь зімовай Алімпіядай у Нагана МФ правёў сваю Алімпіяду на вуліцах Менску й Горадні: больш за 600 яе ўдзельнікаў ляпілі вусатых сьнегавікоў, гулялі ў футбол і на кампутарах, стралялі зь вінтовак па мішэнях і воплескамі віталі ўдзельніцаў конкурсу прыгажосьці.

За гэтыя гады Малады Фронт увесь час падвяргаўся рэпрэсіям: тысячы маладых супраціўляліся разгонам у 96-м, сотні сядзелі ў спэцпрыймальніках і турмах у 97-м і 98-м, дзясяткі былі выключаныя з ВНУ, некаторыя атрымалі палітычны прытулак за мяжой. На ўвесь сьвет прагучалі імёны Лабковіча й Шыдлоўскага, Бельскай і Абадоўскага, Кабанчука й Скочкі.

Тысячы сяброў і актывістаў МФ па ўсёй Беларусі, рок-канцэрты й школьныя шоў, выдавецкая дзейнасьць і экалёгія, Інтэрнэт і public relations, спартовыя клюбы й шматтысячныя мітынгі - гэта Малады Фронт сёньня.