| Die jaar van 1904 was ‘n jaar van onluste en oorloë.
Orals het die mense gerugte van oorlog gehoor. Die Engelse veg teen die
Somaliers in Oos Afrika, Die Duitsers veg teen die Herreros in Wes Afrika,
onluste duur voort in Suid Afrika, die Russe veg teen die Japanese, die
Engelse veg teen Tibet, die Masedoniërs maak oorlog met die Turke.
Dit het geklink of die hele wêreld aan die baklei was. Selfs in die
Transvaal het alles nie stil gestaan nie. Die swartes het begin om oproerig
te raak. Die Afrikaners het onrustig begin raak en gewere en ammunisie
begin bymekaar maak. Die nuwe Britse regering het self ook onrustig begin
raak oor bakleiery tussen die swartes en die Boere in Johannesburg wat
onder die kollig gekom het.
In 1904 het die nuus van Oud-president Kruger se dood het die Boere verder ontroer. Hy was ‘n volksheld, wat die moed en durf gehad het om op te staan teen die Britse regering. Kruger was nooit te hoogmoedig gewees nie en het altyd tyd vir enigeen gehad. |