Ang di lumingon sa pinanggalingan ay di makararating sa paroroonan.

Madali ang maging tao, mahirap magpakatao.

Aanhin pa ang damo kung patay na ang kabayo?

Pagkahaba-haba man ng prusisyon, sa simbahan din ang tuloy.

Bagong hari, bagong ugali.

Buntot niya, hila niya.  Sungay niya, dala niya.

Huli man at magaling ay naihahabol din.

Iba na ang dating kilala sa bagong kikilalanin pa.

Kapalaran ko, di ko man hanapin, dudulog at lalapit kung talagang akin.

Kung ano ang puno ay siyang bunga.

Kung saan nadapa, doon magbangon.

Kung hindi ukol, di bubukol.

Magbiro ka sa lasing, huwag sa bagong gising.

Ang pagsasabi ng tapat ay pagsasamang maluwat.

Kapipili, natapat sa bungi.

Pag may itinanim, may aanihin.

Matalino man ang matsing ay napaglalalangan din.

May tainga ang lupa, may pakpak ang balita.

Naghangad ng kagitna, isang salop ang nawala.

Ang tumatanggi sa grasya, lumalabo ang mata.

Walang mahirap gisingin na tulad ng nagtutulugtulugan.

Walang matimtimang birhen sa matiyagang manalangin.

Ang taong nagigipit, sa patalim man ay kumakapit.

Pulutin ang mabuti, ang masama ay iwaksi.

Pagkasarapsarap man ng adobo at lechon, nakakasawa rin kung iyon ng iyon.

Makikilala mo ang taong may bait, sa kilos ng kamay at buka ng bibig.

Kung maigsi ang kumot, magtiis mamaluktot.

Ang bulsa ng mayaman, parating kulang.

Ang maniwala sa sabi, walang bait sa sarili.

Sakit ng kalingkingan, damdam ng buong katawan.

Mabuti pa ang kubo kung ang laman ay tao, kaysa bahay na bato na ang laman ay kuwago.

Pag may tiyaga, may nilaga.

Santo Nino sa Pandacan, puto seko sa tindahan

Kung ayaw mong magpautang, uubusin ka ng langgam.

Penpen di sarapen, di kutsilyo di almasen

Hawhaw di karabaw batuten

Sayang pula, tatlong pera, sayang puti, tatlong salapi

Ginto't pilak namumulaklak sa tabi ng dagat.

Ale, aleng namamayong pakisukob yaring sanggol

Pagdating sa Malabon, ipagpalit ng bagoong.

Ale, aleng namamayong, pakisukob yaring bata

Pagdating sa Malabon, ipagpalit ng kutchinta.

Ako'y ibigin mo lalaking matapang

Ang baril ko'y pito, ang sundang ko'y siyam

Ang lalakarin ko'y parte ng dinulang

Isang pinggang pansit ang aking kalaban.

Kami po ay panglaban, sa kape at tinapay

Eng-eng, pot-pot, sampuradong malapot.