n15

� 徐濠縈為男友抱不平

陳奕迅日漸上位 ﹐ 愈來愈紅 ﹐ 作為 Eason(陳之洋名
   )女友的徐濠縈卻十分老定 ﹐ 未有擔心過男友會變心。徐濠縈笑道 ﹕
   「剛剛反轉呀 ﹗ 我其實唔係咁緊張他 ﹐ 我由得他自由發展 ﹐ 鍾意做
   咩都得 ﹐ 反而他有時好緊張我 ﹐ 成日打電話問我係邊。好似他今日
   由台灣返港 ﹐ call我機 ﹐ 我遲了覆 ﹐ 他即話咁遲覆打死你呀啦 ﹗ 我好
   大牌呀 ﹐ 唔係成日覆機 ﹐ 做開東西我就唔覆啦 ﹗ 」

   Eason如此緊張女友 ﹐ 咁徐濠縈昨日著小背心 ﹐ 他又可有干涉 ﹖ 徐濠
   縈謂小背心男友也可接受 ﹐ 不過再低胸一些就不能啦 ﹗ 平日男友很
   少干涉她著衫 ﹐ 反而她不時有給男友意見 ﹐ 不過男友有時在打扮上
   也很固執 ﹐ 她也勸不來 ﹗

陳奕迅曾被指態度開始變得囂張 ﹐ 作為其女友 ﹐ 徐濠縈為男友說好話 ﹐ 認為男友一點
也沒有變。

   徐濠縈謂被人指責、批評幾乎是每一個藝人必經之路。男友在工作上日漸有成績 ﹐ 樹
   大招風是少不免。但認識陳奕迅的朋友都知道 ﹐ 他由頭到尾都沒有變過 ﹐ 「他對朋友
   、對我一樣咁好 ﹐ 唔明點會有人咁講他。」

   陳奕迅透露他昨日剛與梁漢文到台灣為唱片開會返港 ﹐ 他始知「梁炳」發生「粗口事
   件」 ﹐ 不過他不覺對方有何異樣不開心 ﹐ 作為朋友定會支持對方 ﹐ 但不是支持其講粗
   口 ﹐ 既然自己當時不在場 ﹐ 而最清楚事情的曾志偉已向外交代清楚 ﹐ 自己不便多言 ﹐
   他深信只屬言語上誤會 ﹐ 況且平日對方也甚少會講粗口 ﹐ 亦未聞因此對方連「青少年
   大使」之身分都失掉。