亞 視 一 套 《 還 珠 格 格 》 打 亂 無 線 陣 腳 ， 急 忙 變 陣 迎 戰 ， 到 底 《 還 珠 格 格 》 有 幾 好 睇 ？ 連 六 叔 邵 逸 夫 （ 無 線 行 政 主 席 ） 都 讚 好 好 睇 ， 但 他 卻 不 肯 言 敗 ； 就 連 「 天 地 最 前 線 」 收 視 被 對 方 一 度 超 越 ， 六 叔 又 幽 默 地 說 ： 「 又 唔 係 打 交 ， 有 乜 輸 定 贏 ？ 」 六 叔 氣 定 神 閒 ， 見 招 拆 招 ， 果 然 有 大 將 之 風 。
六 叔 昨 日 返 電 視 城 開 會 ， 多 名 記 者 等 候 訪 問 他 對 亞 視 《 還 珠 格 格 》 令 無 線 造 成 威 脅 的 睇 法 ？ 六 叔 慢 條 斯 理 說 ： 「 一 個 節 目 （ 指 「 天 地 最 前 線 」 ） 跌 ！ 唔 使 咁 緊 張 。 我 都 改 時 間 啦 ！ 」
觀 眾 鍾 意 睇 咪 得 囉
記 者 問 ： 「 你 有 冇 睇 《 還 珠 格 格 》 呀 ？ 」
六 叔 說 ： 「 有 呀 ！ 好 好 睇 呀 ！ 」
記 者 問 ： 「 有 冇 覺 得 唔 合 理 ？ 輸 得 唔 抵 ？ 」
六 叔 說 ： 「 冇 話 合 唔 合 理 ， 觀 眾 鍾 意 睇 咪 得 囉 ！ 又 唔 係 打 交 ， 有 乜 輸 定 贏 ！ 」
六 叔 認 為 亞 視 播 外 購 劇 這 麼 久 以 來 ， 才 只 得 一 套 《 還 珠 格 格 》 可 威 脅 無 線 ， 故 不 會 效 法 對 台 多 買 外 購 劇 播 映 ， 且 認 為 甚 麼 劇 都 沒 所 謂 ， 最 重 要 觀 眾 愛 看 。
何 定 鈞 認 「 天 地 」 差
昨 日 無 線 總 經 理 何 定 鈞 同 樣 被 記 者 包 圍 ， 但 他 只 肯 承 認 因 為 「 天 地 最 前 線 」 收 視 低 才 變 陣 ， 卻 否 認 《 還 珠 格 格 》 收 視 勁 逼 使 無 線 作 出 節 目 調 動 。
他 說 ： 「 『 天 地 最 前 線 』 唔 好 就 要 調 動 啦 ！ 唔 係 對 方 收 視 勁 ， 係 『 天 地 』 收 視 差 ！ 我 相 信 大 家 （ 員 工 ） 已 經 盡 晒 力 ， 冇 理 由 收 視 唔 好 就 要 搵 人 負 責 ， 節 目 變 動 係 希 望 娛 樂 性 豐 富 ， 亦 冇 必 要 效 法 對 台 買 片 ， 無 線 製 作 量 多 過 需 求 量 。 」