Heeskan waxaa ku luuqeeyo fanaanka Cumar Nuur Cabdille

Hanaan socodka laafyaha
Hagar li'i wax qabashada
Hindisihiyo faalda
Soo cel celiska sheekada
Hadaan caano lagu habin
Aman hooyadeed korin
Mahayseen asluubtiyo
Hidihiyo xishoodkee
Waxa kugu haboonaa istarey
Hareeraha nugaaleed
Kayn wada hareeriya
Marka roobku uu helo
Oo xareedu haradiyo
Hoos jiifto geedaha
Hal irmaan sidig iyo
Haleel aad ku maashaa
Dhalinyara Hobshaysiyo
Hablo kuu ciyaaraan istarey

Sida geel hilaac baxay
Hoodiyo danood helay
Oo horseed u maqan yahay
Higsanaaya goor wacan
Hiyigiyo naftaydii
Adaa bebed ka dhigayoo
Hilbahaygi saafoo
Haween iiga laacee
Waxa kugu haboonaa istarey
Adoo xaafadii hodan
Jidka fooqa hoosmara
Hareerihiisa ubaxa leh
Habeen ciida ay tahay
Adigoo hidaha xiran
Hudheelkii taleexbaan
Heedhe kugu casuumaa
Hal irmaan sidig iyo
Haleel aad ku maashaa
Dhaliyara hobshaysiyo
Hablo kuu ciyaaraan istarey