前往樂浪島最好購買Package，因為香港到吉隆坡，轉機到丁加奴住一晚，第二天才可坐船到樂浪鳥，時間行程比較轉折；而我們是在網上Book好了一間Diving Centre， Redangkalong Resort包括了食宿及Diving Package，再自行購買機票，到丁加奴後他們會有職員在機場接機，安排好住宿及行程，如此較為安全方便。
(樂浪島全因夏日麼麼茶出咗名，終於可以一到，係丁加奴一宿無話，黎到碼頭)
(去樂浪島要坐快艇，船程大概45分鐘)
(呢間就係Redangkalong Resort，開始五日之旅)
(呢間係Diving centre，Gray同豬耀學Diving)
(嘩...呢個就係resort對出既海喇...)
(而呢邊呢，就係我地入住既沙灘屋...)
(最右邊就係resort既餐廳同辦事處...)
(黃昏時候，水退到出現一個淺灘...)
(呢個時候，就係出海玩浮潛既最佳時候...^^)
(因為淺水區冇珊瑚，水退後就可以到深水區既珊瑚...)
(可以係比淺灘較深水既地方浮潛...)
(唔使好深就已經有好多珊瑚睇...)
(唔使好多器材，潛鏡加吸管就攪掂...)
(最多加多對拖鞋，水好清...)
(唔止珊瑚，仲有魚群，仲見到一群鐵頭...)
(淺水區既珊瑚好靚，唔使下下要潛水...)
(不過到得呢到唔潛水...就梗係唔得啦...)
(整裝待發，識潛水就要去潛水...)
(唔識潛水就去學潛水...)
(好...出發，攞樽上船...)
(喂...有海龜呀...)
(嘩...下面有條魔鬼魚呀...)
(呢堆珊瑚上面有魚仔...)
(呢堆鹿角好靚...)
(陽光普照...碧海藍天...)
(冇野做，係露台睇下風景...)
(簡樸既resort...夜晚就係玩人肉康樂棋...)
(識咗兩位一齊學潛水既朋友...)
(中間就係華人教練，四位就係學員...)
(豬耀...又出海啦...)
(佢地學潛水...就係對出淺灘練習...)
(得閒又係個島四周行，因為我地住既resort唔係主灘，要行一段路先去到麼麼茶灘...)
(呢個灘果然好熱鬧，咦...出面咪就係阿牛坐過既地方...)
(主灘係北面好熱鬧，不過我鐘意我地東面既小灘resort呢邊多D...)
(呢邊寧靜D，好舒服...)
(呢到就係我地起居飲食既地方，一日四餐，幾時要飲野都係，真係好舒服...)
(潛水考試，又飲又食又睇書...^^)
(resort有兩隻雙人獨木舟，三條友諗住渡海...)
(點知係海中心沉船...要人用艇拖返黎...> <)
(去唔到對面個島，唯有係淺灘玩...> <)
(但水退個灘太淺，撐一野就擱淺...)
(kalong resort既夜景...)
(樂浪島既最後半日，去咗國家海洋公園...)
(要坐専船，又要比入場費...)
(但係...一定要到，因為...真係好正...)
(水清到，又多珊瑚...)
(又有海龜仔玩...)
(又有沉船比你潛...)
(睇下...徒手潛沉船...^^)
(玩咗五日，要走喇...)
(呢位就係幾日黎招呼我地既姐姐...)
(話咁快，又返到丁加奴...)
(我地四個人都幾乎未合照過...)
(因為又要係丁加奴住一晚，所以可以周圍行下...)
(我地最鐘意就係，深入民生，去街市...^^)
(第二日太陽啱啱升起就要去機場...)
(好...臨走係機場影張相先...拜拜)