2004年7月7日 |
|
已經好耐未在德仔和星星的網頁寫日記啦，現在距離我生ＢＢ的日子也快近了，但我感受到德仔知道有新成員出生，前排德仔還走過來疼我的肚子，知道德仔很乖。而星星愈大，牠的瀨屎懶尿的壞習慣也沒有了，但依然比德仔頑皮好多呢！依家德仔晚上睡覺已經獨立睡狗床了，但星星依然要跳上床到貼着我的身體睡覺，有時候覺得星星都好攪笑，要面對面我先肯睡覺，希望牠愈大可以像德仔甘獨立睡狗床啦！ 其實我覺得有了德仔和星星的確是我倆夫妻的幸運，因為牠倆個給了我倆不少愉快的時光，希望ＢＢ出生後，一家人可以繼續開心地生活。 |
2004年5月1日 |
|
今日帶埋德仔和星星去了西貢游水，這天天氣晴朗，有好多主人帶埋自己的狗仔去游水行街。而德仔自己仲主動落水游，但星星就無甘大膽，要我地帶佢一齊先肯游。 |
2004年4月27日 |
|
自從星星絕了育後，依傢星星已經無以前甘係屋企周圍瀨尿了，這一件事令我感到十分安慰。 |
2004年4月10日 |
|
今日係星星哥哥的生日，所以中午就帶了德仔和星星去街街先，今次我地行了第二條路，發覺地方乾淨了好多，而且蚊又少了，地方又大了，我想以後都會行呢條路，今日太陽好曬，德仔和星星都熱條舌頭到伸晒，而只見到2隻狗仔散步，可能我地行得吾遠啦！而且實在沒有辦法行得遠，一來大住個肚都幾累，希望將來baby大個就同德仔和星星踏單車散步啦！晚上，就同德仔和星星一齊同老豆慶祝生日。 |
2004年4月8日 |
|
今日帶了德仔和星星去星星哥哥的同事到燒烤，而德仔同星星第1次坐老豆同事的私家車去，發現2個都好好奇，周圍甘望來望去，而2個今日仲食了好多野食。 |
2004年4月7日 |
|
今日同德仔和星星拔耳毛，每當我出聲話拔耳毛，德仔就跑入個狗籠到避開我，要我使出一招食餅仔，德仔先肯出來，而且仲要我拖住佢隻腳先肯過來。 |
2004年4月3日 |
|
今日帶了德仔和星星去街街，因為星星成日都亂甘走左去，所以我地唸了一個方法，就係將德仔和星星連埋一齊，甘星星就好乖甘跟住德仔啦！今日都遇到幾隻狗仔散步，有比高、北京犬、西施犬... |
2004年4月2日 |
|
自從上個月帶了星星去做了絕育手術後，發現星星已經無隨便係屋企懶屎懶尿啦！星星被我地打少左，又乖了，令我地好欣慰。 |
2004年4月1日 |
|
已經有2個好耐未寫過日記啦！今日有好多野想講。之前有同德仔和星星去街都無映相又無寫日記，都係怪自已懶啦，不過因為初頭第1次大肚，成日都吾多舒服，所以無寫日記。上次同德仔和星星去街，遇到件吾多開心的事，剛巧遇到一班小朋友玩耍，而其中一個男孩係養了一隻西施叫囡囡，而當德仔和星星去聞隻西施的時候，個男孩吾鐘意德仔和星星，就用腳踢開德仔和星星，我地即時當然好嬲啦，立即喝止個男孩，而個男孩仲好得戚甘跟我地講野，都吾係好明白現今的媽咪點教小朋友，教到個小朋友心地甘壞，後來我地話要報警，個男孩因為驚就走，之後才把事情解決，但個男孩都無為此事向我地道歉，佢自已仲認為係對。雖然個男孩係保護自已的狗，但覺得佢用法已經用錯了，所以新聞經常出現ｄ校園暴力，係世界各地都看慣啦！ 而cookies同主人Ada昨天3月31日來了探德仔和星星，無見一排的cookies已經變了肥妹仔，而星星竟然女朋友仔都吾認得啦，好明顯cookies的肉好肥，主人Ada話帶cookies落街狗聚的時候，都會吃多餐宵夜，而且轉了狗糧又同狗罐頭一齊食，所以增肥了好多，相反星星瘦了好似隻無毛雞，有時候見到佢行路的姿態都好攪笑！ 而星星 |
2004年2月1日
|
|
今日有佢老豆的同事來探德仔和星星，星星好奇地甘哄埋具中一個同事到，而且仲好爹甘叫佢。 |
2004年1月28日
|
|
今日係 第一次同星星慶祝生日，發覺星星的身型比德仔細Ｄ同輕Ｄ，但胆量都一樣細。今日買了2隻大雞脾比德仔和星星，原來星星好叻甘用口咬晒Ｄ雞脾肉，最後連骨都咬理，而德仔就只識用條舌頭添Ｄ雞脾肉，要佢老豆撤Ｄ肉比佢食，2個好大分別。但一樣甘開心。 |
2004年1月1日
|
|
今日係2004年新1年同德仔和星星一齊去街街，中午好彩地被我地遇到好耐無見的gigi，但gigi的主人就無帶安安出街，而gigi當見到德仔和星星都以一個鬧下玩下的姿勢打招呼。當gigi發現星星哥哥吃提子時，就走了去吃了一粒。一陣，cookie又下來玩了一會，當星星見到cookie就不停追住牠，中途要不停捉住星星和cookie，又發現小山坡有一隻凍死了的貓。之後就帶了德仔和星星行去拜觀音，今年希望家人同自己、德仔和星星都身體健康、快快樂樂。回程中又遇到ah bei，ah bei着住件新年装好靚仔整齊，而德仔德仔和星星仲行到好精神，我同星星哥哥己經累透了。 |
2003年12月6日
|
|
今日係冬天第1次無踏單車同德仔和星星去街街，2個出到外面竟然見單車就跟，而星星同德仔竟然走左去另一邊，好大聲叫佢地先返黎，甘我就打了星星petpet，鬧佢做乜自己走左，而星星又好聽話甘耳仔垂下坐低等我教訓佢，但德仔一路鬧一路走左去找老豆，好似吾係好聽我支笛，但星星就聽我教，德仔聽老豆教。 |
2003年11月30日
|
|
今日將網頁面改了聖誕裝。 |
2003年11月30日
|
|
今日黄昏同德仔和星星去街街，天氣由於寒冷了好多，所以2個都要着件衫仔，就連我地2個都要帶頸巾和着大褸先保暖，我好希望將來個小朋友大左可以坐佢爸爸單車同德仔和星星去一齊玩甘就好了！ |
2003年11月29日
|
|
今日同德仔和星星剪毛毛，這次是冬天前最後一次的剪毛，之後就要留毛毛過冬，前天發現星星耳仔上面有一隻好似蜘蛛的蟲抓住，好大カ先拿走，所以星星被我剪到好似貴婦狗裝甘，之後又要着衫保暖，夜晚仲打冷震，我就用衫枸抱住佢，連呢幾日都同佢一齊睡，因為我怕冷到佢。 |
2003年11月23日
|
|
今日cookie來德仔和星星家玩，而我就幫cookie剪毛，但忘記了倒沐浴藥水和幫cookie映相。 |
2003年11月22日
|
|
今日帶了德仔和星星去跑步，係回程中，河裹有一大羣白鷺，而星星见到白鷺飛時更加好大聲甘吠，好攪笑！ |
2003年11月21日
|
|
今日知道9個月後就有個bb會陪伴德仔和星星，希望將來個bb會一樣甘踢德仔和星星而且相處愉快啦！ |
2003年11月16日
|
|
今日星星竟然當我地出外的時候，係鞋架上咬爛了我上年送給星星哥哥的防水波鞋，星星把防水面咬爛晒，我想防水波鞋已經變回普通鞋啦！星星哥哥當然十分生氣啦，其實德仔也有份，2個被人打完pet pet，再困入籠，而且晚飯也無得吃，我地中午回家時想帶德仔和星星出外散步，但唯有我同星星哥哥去踏單車啦！臨走的時候，德仔和星星不停地哭。 |
2003年11月14日
|
|
今晚帶了德仔和星星同另一隻cookies史納莎女去公園玩！有好多狗呀！北京狗、西施狗、曲架、史納莎、唐狗等等......今日特別同另一隻又叫cookies的史納莎女去玩，cookies依傢細細隻，好鐘意依靠別人，而大cookies已經大過女了很多，而星星依然很怕唐狗，因為體形比牠大很多，所以大家就吠啦！ |
2003年11月11日
|
|
今日發覺星星打噴嚏，所以同星星着番件衫，而德仔背脊亦有點涼，所以都同德仔着番件衫！ |
2003年11月9日
|
|
今日下午同媽咪帶埋德仔和星星去清水灣half島玩，但天氣就麻麻地，不過最開心都仍然係德仔和星星，之後我同媽咪走左出去欄杆外面的石坐，涼風格外涼快，而德仔和星星見到我同媽咪走左出去，甘就不停甘哭叫，後來星星哥哥也抱埋德仔和星星去大石到玩，因為星星仲細過，所以吾夠膽行來行去，相反德仔好活潑甘係大石與大石之間跳來跳去，好開心。 |
2003年11月8日
|
|
今日晚上落了街吃飯，回來後竟然發覺星星把我對魔術貼的波鞋咬爛左少少，十分生氣。 |
2003年11月6日
|
|
今日同德仔和星星剪脚底和腳隙毛。 |
2003年11月5日
|
|
今日同德仔和星星拔耳毛。 |
2003年11月4日
|
|
吾知點解星星成日都係早上瀨臭臭，但之後中午和晚上又吾会，次次比老豆打完都吾驚！ |
2003年11月2日
|
|
今天德仔和星星上演了一齣無間道，本來今日佢地一人吃一些木瓜，但當星星吃完後就想吃埋德仔的木瓜，但德仔又吾鍾意吃，又吾比星星吃，大家就眼望眼好耐，好似梁朝偉同劉德華係天台到甘對望，好攪笑！ |
2003年11月1日
|
|
今日發現我本來被盜用資料的be be網頁， |
2003年10月31日
|
|
今日終於被我開得番個網頁，又可以繼續update番個網頁，有好多相片仲未上傳大家留意下啦！自從屋企多左星星這位新成員後，覺得德仔多左擺尾巴呀！以前德仔甚少擺尾巴的，可能多左星星同佢玩，德仔開心左呀！並祝各位 ★★★★★★★★★萬聖節快樂★★★★★★★★★ 今日萬聖節晚上我帶左德仔和星星去了公園同狗狗玩，而知道cookie已經絕育了，依家要等十日後先可拆得線，今晚有好的史納莎狗狗，有cookie、uno、豬包、女女等等...仲有好多吾同狗狗，今晚真是個開心又快樂的萬聖節。 |
2003年10月29日
|
|
今日同德仔和星星剃毛毛，因為就來冬天，我想依家剃定多一次都係時候。剃完後，兩個仲似2兄弟！ |
2003年10月25日
|
|
今日5点幾又帶德仔和星星去街街，我知道入夜会帶点危險性，所以上次係旺角花園街買了一桶瑩光棒，當夜晚就被德仔和星星戴上條頸到，起碼踏單車的人見到牠們都識避開佢地。 |
2003年10月24日
|
|
今日發現有個be be史納莎的一個網頁盜版了我【德仔和星星之家】的網頁資料，我當然有点生氣，因為這個網頁的資料係我自已去找資料的，而且每個字也打得有血有汗，仲花了幾晚通宵先打完，但一下子就被人差不多抄晒，仲一字不漏，其實我好明白對方想有多Ｄ資料放在自已的網頁裹，但自己的網頁應該有自已的風格呀！我一看就已經知道佢抄我資料啦！我只希望對方能在短時間內delete我的資料，當然被人抄的內容即是受歡迎，但被人盜版的確吾好受，所以只希望人家明白我所說的話啦！ |
2003年10月18日
|
|
今日天氣温暖又涼爽，所以中午就帶了德仔和星星去跑步啦！德仔今日好似好興奮甘，而星星就吾使擔心，一直跟着德仔，其實我覺得星期六帶德仔和星星去跑步適合點，因為單車無甘多！臨走回家，碰見養牧羊犬的女主人，同佢傾左一陣，原來知道佢隻牧羊犬是收養回來，初時佢話係街見到佢個身有被煙頭燒的傷痕，而且仲被人遺棄，所以帶佢看醫生，最後帶左佢返屋企了，我看隻牧羊犬寶兒也很乖，但有一次佢出街有隻混種的史納莎吠佢，牧羊犬就按住了牠身體，而隻混種的史納莎就被圍欗整傷了條尾巴，但牧羊犬的女主人𣎴想有這事發生，因為我也知道曾被人遺棄的狗是會害怕被其他狗欺負的，但隻混種的史納莎主人就話再見到隻牧羊犬要打死佢，我覺那太主觀了，其實意外誰也不想發生，所以我也會特別留意星星對其他狗的行為，因為星星太愛吠狗，我也只好一見不妥就立刻上繩，寧願星星玩少陣。而德仔就無乜problem，仲好喜歡同狗相處，交際好忙添。 |
2003年10月11日
|
|
今日晚上帶了德仔和星星去公園玩，平時6點幾都可帶佢地去公園同狗玩，但依家公園實施吾可比狗入，而且仲出告票，一班狗友就改了晚上玩，今晚德仔和星星依舊見到cookie、豬包的史納莎，其他就有北京狗、牧羊犬、唐狗等等......其中星星又吠隻唐狗，但因為隻唐狗係有主人由細養到大，所以性格都係膽小和害羞，甘星星就得寸進尺繼續迫隻唐狗，最後隻唐狗也不甘示弱，追番星星，而星星當然又害怕得走回我身邊。 |
2003年10月9日 |
|
今日星星就來把潔牙玩具咬襴了！
|
2003年9月28日
|
|
今日下午幫cookie剪完毛毛，就帶了德仔和星星踏單車行街街， 點知落了點毛毛驟雨，一陣就落完，之後cookie好似同我地玩捉迷藏甘走來走去，今日好彩仲見到2隻史納莎，一隻叫呀b，一隻叫恩恩，有5隻史納莎一齊玩。 |
2003年9月27日
|
|
今日早上帶了德仔和星星同ah bei行街街，今日德仔和星星帶着新狗繩去行街街，德仔係同ah bei帶的頸繩一樣款色，ah bei初時見星星吠牠有点害羞，但之後大家熟下，就一起玩下跑下，好開心地各自回家。 |
2003年9月26日
|
|
今日在旺角街邊小販買了張狗床給德仔和星星睡覺，仲買了2包玩具給牠們。返到屋企見星星好喜歡那些玩具，而且咬住甘玩，我也很開心！ |
2003年9月20日
|
|
今日晚上帶了德仔和星星去街街，本來下雨打雷去吾到，但係見德仔的樣好失望，所以就等晚Ｄ和無落雨先去啦！甘落左街又見到隻牧羊犬，但星星見到牧羊犬就追住佢吠，星星真是個小惡霸。 |
2003年9月13日
|
|
今日帶了德仔和星星去西貢游水，一落車後就好瘋狂，之後要行一段路先可行到沙灘，但星星已經吾想行，不斷跳向我，叫我抱住佢，當然我無抱星星，佢就一路行一路自己停下爬底休息，相反德仔好醒目，識在樹陰下休息，我地一叫佢地又繼續行，行到沙灘德仔竟然自已落水，而星星跟住德仔落了少少水，可能今日太陽都幾曬，所以2個都好自願落水，但吾肯游遠些少，因為潮漲所以去吾到好遠，但自已又無帶泳衣，唯有下次先帶佢地2個游遠Ｄ啦！ |
2003年9月11日
|
|
今日 中秋節，晚上我地一家人帶埋德仔和星星戴住個螢光帶去清水灣half島賞月，今日德仔和星星都好興奮，尤其見到甘多人，又見到好多狗，星星一見到小女孩和其他狗就吠，好似大鄉理出城甘，相反德仔就安靜和乖巧好多。 |
2003年9月10日
|
|
今日 晚上帶了德仔和星星落街玩！因為有一大班史納莎的主人在公園邊賞月，甘仲見到好多史納莎、豬包、女女等等...還有其他狗仔。德仔和星星仲吃了好多狗零食，開心滿載回家！ |
2003年9月7日
|
|
今日去左屯門分店的cebu買床仔比星星，又買左2條可串字的狗繩比德仔和星星，晚上就比星星訓，佢好開心，大字型甘訓，兩隻手申直，好享受，我同星星哥哥看見真的感動。相反德仔就點都要同我地訓啦！ |
2003年9月6日
|
|
今日帶了德仔和星星去街街，依傢星星已經吾使用狗繩拉住，而係星星已經是跟住德仔行，以前比德仔已經吾知佢走左邊，可況是得7個月的史納莎，星星可以甘乖跟住德仔，我地真有點感動。 |
2003年9月2日
|
|
今日遲了一日先比星星吃心絲蟲藥。 |
2003年8月30日
|
|
今星星哥哥有同事來探訪德仔和星星，而母名哥哥就同德仔按摩，德仔＋分享受，而到星星按摩時，德仔竟然好似排隊甘坐在母名哥哥脚底，等佢再按摩。 |
2003年8月28日
|
|
今日和昨日星星吃完早餐就嘔了點出來，但都沒有什麼毛病，而且皮膚病也好了。我只希望星星能健康地成長。 |
2003年8月23日
|
|
今日(星期六)就是德仔2歲生日 ，所以在家中開了個生日會，有好多小朋友同德仔一齊慶祝生日，仲造了個蛋糕送比德仔吃添！希望德仔每天都健健康康、快快樂樂地過着。 |
2003年8月21日
|
|
星期六就是德仔生日了，本來會帶佢同星星、ah bei去西貢玩，但租車的車費太貴了，而且天氣又下雨，所以打算在家中開個小型生日會。 |
2003年8月18日
|
|
今日星星又咬尿盤，比我打到pet pet開花。 |
2003年8月17日
|
|
今日帶了星星去看獸醫，因為牠背脊生了好多粒粒，獸醫話個Ｄ係微菌，開了藥和藥膏比星星，我希望星星快Ｄ好番。 |
2003年8月11日
|
|
今日比我係商務書店找了一本史納莎的記事簿，於是買了做收藏。 |
2003年8月9日
|
|
今日晚上德仔和星星ah bei momo一齊bbq，一到步momo就好鐘意德仔，不停叫佢，momo就對德仔好有興趣，好似好老友甘，最後仲坐埋同一張凳，而ah bei就好舒服甘坐定定等jess烤方包給牠吃，而星星都唯有都坐定定等我，回家洗澡後，好乖穿上jess姐姐係泰國旅行買回來的手信水手衫仔，兩個都穿得好好看，好靚仔，而星星和德仔见到些特大巨形骨頭和玩具也很開心，我想特大巨形骨頭也等德仔23号生日才給牠吃。 |
2003年8月8日
|
|
今日晚上同德仔和星星拔耳毛，星星就好聽話任我點拔耳毛，但德仔就無時停啦！不停甘擺來擺去。吾係好肯比我拔，唯有清除乾淨就算了。 |
2003年8月7日
|
|
今日同德仔和星星剪毛毛，德仔好聽話任我點剪都比，但星星就無時停啦！不停甘擺來擺去。 |
2003年8月5日
|
|
今日 晚上cookie來德仔和星星家剪毛毛，cookie女好乖呀，好定甘比我剪，而且仲一邊剪毛毛，一邊疼疼我，剪完靚靚後就同德仔和星星玩，星星也不夠cookie女玩，玩到喘氣，而cookie女仲有很多精神同星星玩，但星星已經筋疲力盡了，而星星和德仔也很喜歡cookie女呀！ |
2003年8月4日
|
|
今日本來ah bei會來德仔和星星家寄養5日，但jess哥哥放假，所以椄回ah bei去哥哥到寄養了。本來ah bei同德仔之前相處也很融合，但德仔想學同星星的玩法一樣要欖住，但ah bei又怕德仔的熱情，所以ah bei和德仔發生了一段小打架，而jess分開佢地仲被德仔咬到手指流血，我即是把德仔打到pet pet 開花，但jess也沒有嬲德仔，仲在泰國打電話給我，叫我先生不要打德仔，jess姐姐真的很有愛心呢！ |
2003年8月2日
|
|
今日 下午帶德仔和星星回家探網主小鴨的媽咪。之後傑表哥Helen表嫂來我地家BBQ，而且第一次見德仔和星星，但因為表哥身形龐大，所以德仔就不斷𥄫住表哥，當表哥一行，德仔就吠佢啦！好似好驚甘，我抱住德仔的時候，德仔就吾比表嫂、媽咪摸佢，德仔好曳曳想咬表嫂、媽咪。甘我就鬧了德仔一身而且仲打了pet pet，表嫂話吾知德仔和星星會不會嗅到他們家養的貓味呢！ |
2003年7月28日
|
|
今日早上ah bei和主人jess來探訪德仔和星星，德仔和星星當然高興啦！但星星又要擺着尾又要吠ah bei，而我比水給ah bei 飲的時候，德仔竟然發惡起來，因為德仔發現用了牠的用品，之後吾甘飲啦！當ah bei要入袋走的時候，德仔又發惡，以為jess只帶ah bei去街街，吾帶佢去街街，就發生了一段德仔追ah bei 的小插曲，德仔很少會發惡的，可能今個星期未帶牠去街街呢！ |
2003年7月27日
|
|
今日德仔和星星一齊同網主小鴨爸爸慶祝生日，德仔和星星當然高興啦！因為又有蛋糕吃啦！ |
2003年7月25日
|
|
今晚德仔和星星一齊返網主小鴨的媽咪家慶祝爸爸的生日。 |
2003年7月20日
|
|
早上ah bei來了德仔和星星的家，今次jess試下放低ah bei係我家中一小時，然後離開一陣，看ah bei 在我家能不能適應。jess走後，就吠了一會而且仲不斷企係門口望住，我就比Ｄ狗餅給德仔和吃，ah bei就立即走過來，忘記了一陣jess，之後德仔和ah bei相處也不錯，但星星反而吠ah bei，所以要把星星隔離，之後jess回來後，ah bei就表現得十分活潑迎接jess。今天 下午我只帶了德仔一個去街街！因為星星剛打完晶片和瘋狗症針，所以我想星星休息。因為我怕德仔會中暑，所以每當我地踏單車行一段路的時候，我都會停下比德仔休息一陣和喝水，而且仲幫牠淋上水背解熱。之後又去公園遇到cookie係公園玩，但德仔已經玩到好累啦！所以玩了一陣就走了。 |
2003年7月19日 |
|
今天下午帶了星星和cookie一齊去上水漁農處政府狗房打晶片和瘋狗症針，cookie上到張不銹鋼枱的時候，就成身震晒啦，之後cookie主人Ada就一直安慰住牠，令牠可安心點，不過cookie都好叻叻，沒有哭，反而星星一上到張不銹鋼枱的時候，牠就像superman飛行式爬係張檯到，條尾一直搖搖晃晃，佢好開心，以為有嘢玩，甘打晶片的時候條尾仲一直搖搖晃晃，好似無乜知覺甘，打第二支瘋狗症針在大臂的時候，星星就忍不住哭了，我吔一直安慰着星星，希望佢無事，甘打完就擺番尾啦！之後漁農處的工作人員話近來多了人拋棄狗隻和貓隻，因為房屋署實施公屋養狗扣分制，而漁農處的工作人員話其實主人本身沒有騷擾到別人和有衛生處理狗隻，都沒有問題。最令我感心痛是動物是無辜，為何要這樣，我也希望政府能體恤民情，讓我們這班愛狗人士一點出路啦。 晚上我先生的朋友和他的女朋友來探訪德仔和星星，原來他也養了一隻叫wingle的英國曲架，樣子十分可愛，真希望德仔將來有機會去探下wingle。 |
2003年7月16日
|
|
今天又可以比cookie的主人Ada見到德仔和星星了。但吾知點解在網上聽吾到我哋把聲音，我唸要慢慢地再研究下。 |
2003年7月15日
|
|
今天終於把yahoo messenger弄好了。而且仲同ah bei和主人jess見到面，當ah bei 聽到我哋叫牠的時候，佢就走去個門口到和走到電腦前面，很可愛。 |
2003年7月14日
|
|
由於近來天氣十分炎熱，所以今天同德仔和星星剪了個『史納莎夏日露臍裝』，把肚腩的毛剃了，但仍然保留着史納莎的髮型，非常涼爽。 |
2003年7月12日
|
|
今天同德仔和星星去街街。德仔仲好曳曳荷尿尿落人家件衫到，而星星又繼續發揮吠狗精神，見狗就吠。而cookie仲追雀仔，好可愛又攪笑。 |
2003年7月11日
|
|
今天幫德仔和星星拔耳毛。 |
2003年7月9日
|
|
今天幫德仔和星星買了2個刻字的狗牌給牠們。 |
2003年7月8日
|
|
今天發現德仔個鼻仔的鬍鬚裏生了一粒大瘡，我已經幫佢枺了藥水，可能昨天吃了些麥記薯條。 |
2003年7月6日
|
|
今天jess帶了ah bei來我地家探訪德仔和星星，ah bei由狗袋走出來就全屋巡來巡去，而德仔都好鐘意ah bei，而ah bei仲係個狗籠尿尿呀，好叻仔！但星星吾知係吾係太驚或見到其他狗呢？係甘吠ah bei，而ah bei都吾弱吠番星星，德仔就好乖用手叫星星吾好吠，ah bei對我地家裹都好鐘意而且和德仔相處都幾好，我就放心了。 下午cookie和牠主人Ada和呀U來探訪德仔和星星，我幫了cookie剪毛毛後，我地就一齊同cookie、德仔和星星影相，而且又一齊玩了好耐，星星又發揮吠吠精神，吠cookie BB女，而德仔就好鐘意cookie，有時會用個鼻閒下佢，今日有兩個好朋友來探德仔和星星，真是開心星期日了。 |
2003年7月5日
|
|
今天約了ah bei和cookie帶埋德仔和星星去街，今日真係好開心呀！好耐都未試過同甘多史納莎一齊玩，星星係第一次落地玩，星星都好乖，成日跟住德仔，但星星就好惡，有時成日吠其他狗。而星星就好活潑，不停行來行去周圍跑，終於都見到ah bei了，見到ah bei剪左個靚髮形，眼仔碌碌好可愛，但比以前大膽了同狗仔玩啦！後來又來了一隻深黑色史納莎叫momo， momo好好動，而且好大力，拖番住主人呀moon行呢！ah bei見到momo就吠佢，而momo見到ah bei都吠佢。後來又來了一隻深黑色史納莎叫檸樂，檸樂一見到我就添我下巴，好攪笑。後來bb女史納莎cookie又來了，cookie同星星玩到好開心，兩個跑下跳下，好可愛，cookie仲咬住地上的手套，好攪笑！後來又來多一隻又叫momo的史納莎，最後6隻史納莎大 集合地影相片。 |
2003年6月29日
|
|
今天無帶德仔和星星去街，点知又碰到史納莎bb女cookies，唯有約埋下個星期六一起玩啦！ |
2003年6月28日
|
|
今天又帶了德仔和星星去街街啦，本來想碰下史納莎bb女cookies，可以同星星一起玩，但又碰不到，所以玩了一陣就走了。 |
2003年6月23日
|
|
今天是第一次同德仔和星星慶祝我們結婚2週年紀念，最開心都是德仔和星星，因為牠們又有蛋糕吃。 |
2003年6月21日
|
|
今天我們一家人同德仔和星星補祝我小鴨的生日，最開心都是德仔和星星，因為牠們又有蛋糕吃。 |
2003年6月20日
|
|
依傢星星大個了，反而吾認得我呀媽呀爸，星星由狗袋走出來的時候，就後退而且耳朵下垂，我呀媽立即抱起佢，但佢成個身都震晒，而且向住我們哭吠，好似已經吾認得我呀媽屋企，仲好害羞，見到我呀媽呀爸家姊就走添，反而德仔見到我呀媽呀爸就好開心，仲疼佢地呀！ |
2003年6月19日
|
|
今天同德仔和星星剃毛，德仔依傢愈大愈乖，好乖甘企係道比我剃，而星星就麻煩Ｄ，有時個身搖擺不定，要夾住佢先剃得順利，幫星星剪腳罅毛時，佢縮下縮下，我怕剪傷佢，唯有打佢petpet，佢就好乖比我剃啦！ |
2003年6月17日
|
|
今天德仔又同星星爭荷尿尿，本來德仔已經好急，一支箭入左個籠到，但星星又係籠前面望住德仔，德仔又吾鐘意，就行番出個籠到，而星星已經又一支箭入左個籠到尿尿啦，德仔又吾低得星星荷先，所以就係客廳到懶尿尿啦，被我罰了打pet pet。 |
2003年6月16日
|
|
今天晚上星星因為無得上床玩，所以特然走出大廳裏懶屎屎，最後比佢老豆打到pet pet 開花。 |
2003年6月15日
|
|
今天帶了德仔和星星一齊踏單車行街街，本來放了星星落地下行o下，但佢可能太細個，見到地下有乜就食乜，而且我們踏單車吾可以拖住星星，所以唯有放番係個籃到遊車河啦！好彩今天天氣無再落雨，因為德仔係屋企等去街已經等左好耐，我們走的時候，遇到一個男母子和一隻狼狗在河邊休息，而德仔見到隻狼狗就好百掛甘走埋去，點知個男母子就用腳踢開德仔，而且仲好惡甘鬧我們，叫我們攞開隻個，其實我們都明白個男母子係怕隻狼狗會咬德仔，但我們就覺得佢的說話態度好有問題，我們又吾係做緊壞事，佢都甘惡鬧我們，不過我已經認得佢個樣，下次被我見到佢都吾會被德仔再行過去。希望住係天水圍有養狗的主人要小心呢個男母子---係戴綠色無框眼鏡幾年青斯文，係天水圍一帶巡邏。 |
2003年6月13日
|
|
今天同星星拔耳毛，佢依傢開始成日搖擺不定甘，吾肯比我拔耳毛，好辛苦先拔完，而德仔就走埋一邊我見佢吾到的地方，怕我捉住佢拔耳毛，我都好開心見到星星隻耳仔粉紅色，好健康呀！ |
2003年6月12日
|
|
今天德仔見到星星係尿盤裏尿尿，自己就忍吾住係尿盤前面瀨左尿，晚上德仔竟然同星星係尿盤裏一齊尿尿，真是一個奇景，可惜映吾到相。 |
2003年6月9日 |
|
今天是第一次同星星一齊過我的生日，而德仔就已經是第二次了。今天整了兩頂生日帽給德仔和星星，但德仔吾係甘鐘意戴，而星星就好喜歡戴。之後我們一起分享美味的蛋糕和映相片。自從有了德仔和星星，牠們每天都帶給我和先生多姿多彩的生活，希望之後每一年的生日也能與牠們快樂地度過。 |
2003年6月8日
|
|
今日下午去了屯門吉之島的10蚊區買了1包有4塊骨頭比德仔和星星，又係文具部買了一本有得鎖的史納莎日記薄。 |
2003年6月7日
|
|
今日下午帶了德仔和星星去街街，遇到西施狗、北京狗，今天天氣不太好，有時下微微雨，德仔由於跑得太厲害，所以行到有2隻腳墊傷了，所以下次吾會被德仔跑得太快， 今天又見到星星好鐘意4個月大的史納莎狗女—cookies！ |
2003年6月4日 |
|
今日早上帶了德仔和星星去街街，遇到西施狗、北京狗、比高犬、仲有兩隻7、8個月到的史納莎，今天天氣十分炎熱，同德仔行得好辛苦，所以打算買部單車同佢去附近行街街！中午終於買了部迷你單車啦！載住星星踏去濕地公園，但已經close，所以又踏返去公園，黄昏5、6點又有好多狗仔，松鼠、史納莎、北京、金毛、雪犬、約瑟等，德仔玩到好累，已經吾想點跑，而星星就好鐘意同佢4個月大的史納莎狗女—cookies！ |
2003年5月31日
|
|
今日早上帶了德仔和星星去街街，遇到西施狗和北京狗，話說今天差點兒上演一幕失狗記，佢老豆踏着單車，德仔死都要跟住，而我就係涼亭和星星休息，佢老豆吾比德仔跟住，自己就走了，但德仔就發左癲四周圍找佢老豆，跑了去好遠，而我就追住德仔，但已經吾見，好彩佢老豆係對面見到我找德仔，而路人話比我知佢跟住其他單車走，我心裏直頭很驚，很怕吾見了德仔，之後佢老豆就拿條狗繩綁住德仔，而佢老豆都不負責任，仲自已去繼續踏單車，真係有Ｄ嬲佢，但經過這一次事件教訓後，我同德仔和星星出街，都要更加打醒100%精神去留意和照顧德仔和星星，係不可以依賴別人的。 回家後，我就首先幫德仔剃毛和剪腳版毛，然後再同星星剃毛，剃完毛後，發覺星星Ｄ毛轉了灰色，很突然。 |
2003年5月31日 |
|
今日早上帶了星星去元朗動物診所打最後一支預防針，獸醫話星星好健康而且肥了很多，一定好爸好佺喎，叫佢六個月就打晶片和瘋狗症針，下午就去了旺角，想買手推車的狗袋比德仔和星星，但都係吾多合心意，所以又返元朗的北京買了2個手推車的狗袋、心絲蟲藥和水壺比德仔和星星，點知一返到屋企，地下滿佈臭臭和報紙，原來星星發脾氣，咬尿盤底的報紙，又被佢老豆打到pet pet開花。而今天德仔好乖，沒有做錯事，但個樣就好驚。 |
2003年5月28日
|
|
今日幫德仔和星星拔耳毛，德仔一見我拿齊装備後，就一支箭想走返入個狗籠，我為了吾想好似德仔上次同個狗籠連為一體，我就同德仔拔先，之後再同星星拔耳毛，拔完後就同佢兩個梳毛，為了哄佢吔無拔耳毛的陰影，我就比左Ｄ餅乾和麥支給佢吔食！ |
2003年5月24日
|
|
今日早上我們又帶德仔和星星去街街呀！好可惜見吾到狗，甘德仔就跟住佢老豆踏的單車跑啦！我就同星星一起休息，等德仔回來的時候，德仔已經流晒Ｄ口水，喘氣甘啦！之後飲左我帶比佢的冰水，而且抹下背脊，就已經舒服好多了！返到屋企後，我就幫德仔剪毛，然後再同德仔和星星洗白白！ 晚上，佢老豆的同事來探訪德仔和星星，德仔望着老豆的同事走時，都不捨得地哭叫！ |
2003年5月22日
|
|
今日終於完成了第一件獨一無二的頸巾了，德仔個樣無乜反應，仲以為我同佢去街街，星星就吾會整比佢着，因為牠大得很快啦！ 晚上星星吃飯的時候，佢終於識少少比手我啦！真有點感動！ |
2003年5月21日
|
|
今日去買左一塊粉藍色的花花碎布，預備做我第一件整比德仔的頸巾。 |
2003年5月19日 |
|
今日去屈臣氏買了部衣車仔，唸住幫德仔和星星整下衫仔或頸巾仔！ |
2003年5月18日
|
|
今日去元朗北京買了一包15公斤的狗糧比星星，佢老豆拿到氣又咳又流汗，都是為了星星。有時在街邊或地盤看見Ｄ流浪狗，牠們無得食又要挨餓，希望養緊狗的人吾好拋棄你的愛犬，要珍惜與牠相處的日子。也感到德仔和星星已經很幸福了。 |
2003年5月17日
|
|
今日我們約了ah bei的主人卓思一齊放狗，到了公園又多了兩隻叫安安和gui gui的史納莎，牠們一齊玩得好開心，星星也好受歡迎！之後又多了一隻西施犬，最後卓思更送給她製作的襟章，是有德仔和星星的樣子，真是好多謝她，而且更是好開心的一天呀！ |
2003年5月16日 |
|
今日我幫星星拔耳毛，而德仔看見我就一支箭走番入狗籠，星星愈大就愈不合作，成日想走開，拔了一個鐘頭先完成，之後叫德仔出來抹耳朵，佢死都吾出，拉都拉吾到，好似同個狗籠連為一體甘！自從德仔吃了些美毛粉後，好似Ｄ毛灰左好多！ |
2003年5月15日
|
|
今日星星和德仔都好乖，沒有攪破壞，但星星本來想去咬尿盤裏的報紙，被我見到就鬧，所以吾敢去做。 |
2003年5月14日
|
|
今日星星在我整晚又飯的時候就偷偷地在瀨大大，而且仲毫不保留地吃哂，我見到地上的積，就知道佢做錯事啦！老豆返黎，打到星星pet pet都開花！仲整傷了雙眼睛，打星星真的好心痛，但又想牠聽話，自己都很難過。 |
2003年5月13日
|
|
今日星星又去咬尿盤裏的報紙了，牠以神龍的爪，爪呀爪就輕易易舉咬出來，又被我打到pet pet都開花！ |
2003年5月13日
|
|
今日星星都算好乖，沒有做錯事，但牠竟然在我煮晚飯的時候就偷偷走入籠裏荷大，然後又吃了一口，我都覺得點解甘靜o架？一看，牠又被我打到pet pet都開花！ |
2003年5月12日
|
|
今日星星早上又發脾氣，牠等爸爸上班後就瀨臭臭，而且更吃了幾口，又在附近瀨尿，所以罰牠沒有東西吃，而今天德仔就好乖啦！ |
2003年5月11日
|
|
今日下午我們一家人帶了德仔和星星去街街呀！由於今天天氣很熱，太陽好曬，所以行到德仔成隻熱狗甘樣，我們帶了牠去了清水灣half島的海濱長廊行一陣，再誇過圍欄映下相片，再穿過有洞的鐵絲網行入碼頭行一陣，就走回家，兩個洗白白後就立即變了兩隻爬地狗。 |
2003年5月10日
|
|
今日我們都出了銅鑼灣買東西給牠們兩個，今天在sogo的cebu買了兩條新狗帶、一個布織的玩具波、兩條電話繩送給我媽咪和家姊、兩條可吹的銀笛子、一本日本的狗書，另外在10蚊店買了一包牛筋波，又在另一狗店舖是上樓的，買了一罐可令史納莎的皮膚不會敏感和皮膚更健康和一瓶又可清潔耳朵又可用作拔耳毛的清潔粉，他們的店舖是可帶埋狗兒上樓玩的，又可坐下看書， 老闆娘更送了狗的月歷給我吔，更認識了一隻叫pizza的曲架和兩隻貓仔！最開心是我們回家的時候，牠們都沒有攪破壞，很乖啦！ |
2003年5月9日
|
|
今日晚上帶了德仔和星星去我媽咪到預慶祝母親節。 |
2003年5月8日
|
|
今日中午帶了德仔和星星出外公園散步，星星係第2次出街呀！兩個係屋企吃過牠的早餐後，就帶着開心的心情出去了。德仔就坐爸爸的單車車頭位，而星星就用袋仔背住我踏的滑板車出發了。今天見了好多朋友仔，有3隻西施、1隻北京、1隻松鼠，玩得好開心，也跑到好開心。而星星就好受狗主人的歡迎，覺得牠很可愛，亦識了幾位在公園玩的小朋友。雖然今天很熱，但好彩好大風，最適合放狗的。 |
2003年5月7日
|
|
今日早上星星又看我睡緊覺的時候，就走去大門口的地布上瀨臭臭，而且毫不客氣地吃了一口，我又打牠到pet pet 開花，牠就跑入睡床，之後無幾耐又走到廚房瀨臭臭，又吃了一口，被我罰牠困住了。我想星星吃完這包狗糧後，就一定要轉另一包無甘香的狗糧先得。 |
2003年5月6日
|
|
今日早上德仔無端端在地上瀨尿，罰沒有得吃一餐。 |
2003年5月5日
|
|
今日早上星星襯我仲睡覺的時候，就在地布上荷了臭臭和尿尿，而且還不客氣地吃了一口，我立即打到牠pet pet 都開花！牠即時走入狗牀繼續睡覺，而德仔又走到我面前用個鼻潦我，叫我唔好打星星，德仔真係好乖，之後牠就跳上張床到陪我。德仔依傢真係愈大愈生性。 |
2003年5月4日
|
|
今日去了旺角買了一支禁止進入噴霧外，也買了一包魷魚絲給德仔和星星。回家時又發現星星瀨了臭臭和尿尿，原來德仔在籠裏荷了臭臭，所以星星不肯入籠荷屎尿。 |
2003年5月3日
|
|
今日爸爸幫德仔和星星剃毛毛呀！因為現在天氣炎熱，所以兩個被爸爸剃到光禿禿。兩個剪完後，直頭好以兩兄弟甘呀！ |
2003年5月2日
|
|
今日已經教識了星星吃飯時等一陣的指令了，也覺得星星大了很多和大得很快，希望牠能快高長大，就可以同德仔一起去街街玩啦！ |
2003年5月1日
|
|
今日晚上，德仔無端端在地上懶尿尿，所以被爸爸打到飛起，而星星見到酷刑，就走入梳化底的角落。 |
2003年4月29日
|
|
今天德仔夾硬坐了星星的床仔，原本張床仔是德仔細個用的，但牠都無乜點瞓過，但德仔見到星星係張床仔瞓覺，牠就爭住要瞓，好攪笑！ |
2003年4月28日
|
|
今天帶了星星去打第二支預防針，點知返到屋企的時候，見到地上滿佈雜誌碎，可能德仔以為我們帶了星星去街街，所以發脾氣。 |
2003年4月22日
|
|
今日教識了德仔和星星用埋同一個狗籠， |
2003年4月21日
|
|
今天去了元朗買狗糧比德仔！
|
2003年4月20日
|
|
本來近排的非典型肺炎很厲害，我不會帶德仔去街，但由於我返呀媽家裏， |
2003年4月16日
|
|
今天早上，見到星星自己走入籠荷大大，真感到安慰！ |
2003年4月15日
|
|
今天星星好壞，懶了兩次尿係咕𠱸到！ |
2003年4月14日
|
|
今天晚上因為我先生的朋友呀古來我們家拿東西，所以吃埋飯，而德仔因為高興過度，所以呀古一坐底，德仔就高興到懶尿，仲懶了Ｄ在呀古條褲到。 |
2003年4月13日
|
|
今天我幫德仔剪毛毛，德仔今次好乖甘比我剪， |
2003年4月8日
|
|
昨晚星星在籠裏又叫了，很大聲又刺耳，真的沒他辨法！ |
2003年4月7日
|
|
今天星星好壞壞呀！ |
2003年4月3日
|
|
昨晚星星都幾乖，無一晚上叫我起床帶它荷尿尿，都算有得睡。 |
2003年4月2日
|
|
昨晚星星因為吃得太飽，所以嘔啦！ |
2003年4月1日
|
|
今天出外的時候，特別偷柏了德仔與星星， |
2003年3月31日
|
|
今天家中多添一位新成員。
|
2003年3月31日
|
|
今日同德仔去街呀！ |
2003年3月27日
|
|
今日同德仔拔耳毛。 |
2003年3月26日
|
|
今日同德仔剃毛呀！ |
2003年3月22日
|
|
今日又帶德仔去街街啦！
|
2003年3月16日
|
|
今日星期日帶咗德仔去西貢玩啊！ |
2003年3月9日 |
|
昨天星期六我又帶德仔去街街呀！ |
2003年3月2日
|
|
今日德仔好happy呀！因為德仔去街街呀！ |
2003年2月28日
|
|
今日同德仔剃毛毛啊！
|
2003年2月26日
|
|
德仔今天很乖呀！ |
2004年07月07日 Wednesday 12:47:41