如果你想帶我番屋企...... .....by WESTIE 除了要為我付贖身費外（唔好同我講價丫，我控制唔到o家！），請清楚我的需要： 1. 我是會尿尿、屙臭臭o既，你絕對要為我清理； 2. 我鐘意玩追逐遊戲、挖地、吠同咬野，唔好問我點解，係祖先遺傳 o既； 3. 我o既前輩話我地D細路係需要上從服訓練堂，你自己教或搵人教都得； 4. 我需要食野； 5. 我需要好正o既醫療服務； 6. 我未知呢5樣野會使你幾錢，D前輩話由HK$3,000 - 20,000啦，唔定o既！ 7. 如果你冇鼻敏感，我會想同你一齊訓睡房，地下都冇問題； 8. 我需要最少兩小時同你一齊活動，內容可以係：玩、運動、同人或狗狗social，又或者你可以俾D工作我做； 9. 你最好幫我睇多D我地o既書，事關我唔識字o家； 10. 當我學野時，你要俾我精神上、情緒上同肉體上o既獎勵。 如果您可以做到上面D野，你將會得到以下o既好處： 我絕對唔會要求您轉變，無論您窮又好，富又好，我都會冇條件咁愛您，同您一齊工作、一齊成長，我地將會組織成一個最有活力同愛o既組合，信我，狗仔係唔講大話o既！ 改編自Paul Owens ，The Dog Whisperer (1999)