我心中的故事
最終回
佢聽日就生日喇
....佢今日都仲有黎我課室.....我依舊唔出聲
...偷望佢一兩眼, 就係咁過左一日.....我成晚都訓唔著
...但到最後, 我都喊住咁訓左......"早安" 我的同學村美同我打招呼
里惠
: 早呀村美知道我對赤西的感覺
.....而當時班中不少人都說我兩好像情侶.....而赤西總是笑笑口唔出聲
....而我......我極力澄清我兩關係
.....我有o的後悔......我驚赤西係因為呢個原因所以對我唔秋唔睬
一群男生
: 赤西, 生日快樂...又大一歲喇...我偷望赤西
.....我好像見到佢望左我一眼...我仍然無作出任何行動
....彷彿唔記得o個日係佢生日咁....就係咁
o既情況下...佢始終都走左....我亦都一個人傷心咁上課....我根本聽唔入老師講書.....村美
: 你同佢講清楚啦...里惠
: 點開口.....我當初係全班面前咁講話我地兩個無關係村美
: 當初o的人夠話你兩個似情侶啦.....而家高中咪一樣無人再講
.....放心去啦.....我日日見你咁辛苦我都好擔心你里惠
: 我唔知點做呀...我真係...我真係.....我喊左出黎
.....村美見到都呆左...村美只好俾張紙巾我
...一路咁安慰我...村美
: 你唔同佢講...盞你自己一路都緊張呢件事...如果你係忘記到.....你一早就可以忘記啦
,...我識你咁耐,我知你係點o架你唔會容易將自己
o既感情釋放出黎...更加唔會容易忘記自己鐘意過o既人...里惠
: 你係話高橋...高橋呢個人我一早就忘記左...村美
: 高橋同赤西唔同...高橋曾經好傷你....佢同你一齊又要呃你....而赤西佢
...你兩個根本未開始過...所以你唔甘心係成功定失敗
...你都要試..你唔記得你教過我..話要將自己o既感受講出黎咩?里惠
: 村美...好多謝你...好多謝你一路咁幫我....我好開心有你呢個好朋友..村美
: 咁你一陣就要自己一個放學喇..里惠
: o下??點解呀...你唔開解我喇?村美
: 我愈同你講呢個人,你咪愈難忘記佢,我不如俾個機會同自己同佢講好過啦
, 我而家要走喇.....bye就係咁
...我就自己一個走...當我返到屋企開
icq.....我見到赤西佢online.....我鼓起左好大勇氣
.....里惠
: 生日快樂!赤西
: 多謝之後沉默幾分鐘
...我終於忍唔住口...里惠
: 點解我地好似咁陌生咁....完全唔似以前...赤西
: 以前國中生...而家高中生...當然唔同啦..里惠
: 唔通我地兩個只可以係國中有話說...而高中就唔方便講野...赤西
: ........我再忍唔住
..我真係唔想再埋係個心度...里惠
: 你知唔知我鐘意你赤西
: 係你話你同我無關係,係你話你唔會鐘意我o架里惠
: o個o係以前o既事...我而家先知我一路鐘意o既係你呀!我
type哂o的message出黎.......赤西佢無答我.....我只好
send埋最後一句...可以補鑊o既message里惠
: 我都知係我自己錯失機會...我而家講你聽係唔想你成日避我...同埋我都唔想再成日偷望你
....anyway...我地仲係唔係朋友...??我唔想連朋友都無得做赤西終於都開口
赤西
: 我唔想我地係朋友.....里惠
: 我唔明你意思赤西
: 由國中到而家我都仲好鐘意你...我無變過心...里惠
: 我都係赤西
: 我有一份禮物想俾你好耐..又唔知點開口.....里惠
: 係咩呀?赤西
: 係我國中校服第二粒鈕....我真係好感動呀
...原來我表白無錯.....原來我無愛錯過赤西呀.....里惠
: 多謝你呀...我會好好珍惜...包括國中對你o既感情同而家o既感情赤西
: 但係你仲未送生日禮物俾我里惠
: 你仲好講份禮物...你知唔知我喊左幾耐呀!赤西
: 你為左我喊??咁就免你一次啦...就送你自己俾我啦里惠
: 你就想呀!赤西
: 我而家宣佈里惠係我赤西o既女朋友.....一生一世...永遠都唔會變!!cordia的話:
呢篇小說我一路寫一路諗番起我中三
o既事......只我無里惠咁lucky有開始....我連開始都無....就咁就升左中四
...加上我係一個無膽o既人....我唔識去表白....你叫我同女仔講
"我愛你"我可以講到喉沙.....但要我對住我自己鐘意
o既人講.....我真係講唔出呀...anyway...順其自然...我唔會冀望我會同里惠一樣
...同自己鐘意o既人一齊....我只希望我同佢之間唔會係
o個種見到面要面左左o個種!!!如果佢睇到我呢個小說
.....我諗佢都會知道我o既心意...無奈
...佢話我個網站無聊..所以我諗都無緣俾佢見到!!------------------------------終---------------------------------