那時的天空 Vol.3
「呀，你咪係…Jr.既Ikuta kun?」
「嗯，冇錯。」
當兩個人都在這尷尬的氣氛中，想著下一句話應說甚麼的時候，那個人開聲了。
「千奈chan你仲係好似以前咁大慒~~ 歡迎你番o黎。」帶笑說話的，正是山P。
『佢…仲記得我…』當千奈想說話時，被Toma搶先一步。
「原來山P你識o架?」
「係呀，佢叫千奈，係同我由細玩到大既隔離鄰舍。」山P說，然後轉向千奈︰「係咪?」
「唔…」此時千奈的情緒已經平復。「小智，我地咁耐冇見，你都認得我既?」
「姨姨…我指你媽咪，佢不時都有寄信過o黎呀嘛，入面會有你地D相。」
『原來媽媽都有暗中寄相過去的嗎?』這件事，千奈兩姊妹可是完完全全的被蒙在鼓裡。
「不過…」仍是山P︰「話就話好耐冇見，但唔通你上次KinKi con'既時候，見唔到我同你打招呼?」
「唔係呀!! 我見到。」千奈連忙解釋，她不想令山P失望。而且，她確實看見他。
「咁就好。你而家去邊?」
「Super market…要去幫姨姨買o野。呀，今晚姨姨請左我地一家去你屋企食飯。」
「係咩，冇人話我知… 我陪你去好冇?」
「好係好，不過…」千奈望望他身旁的Toma。
山P理所當然地察覺到了。「Ikuta kun你點? 一唔一齊?」
「梗係同你地一齊去囉。我冇可能一個人先去你屋企吧!」聽到山P這可愛的問題，Toma不禁失笑。
===============================================================================================
「好，買完啦。」手持清單及購物籃的千奈說。
「咁快?」Toma問︰「千奈你既辦事能力好高啊。」
「係咩? 多謝你。」雖知Toma為人十分親切，但始終今天才認識他，千奈認為要對他保持一定禮貌。
「Ikuta kun你唔好亂讚佢呀，佢份人好易囂嫁咋。」反觀另一個人卻非常口不擇言。
「喂喂小智你咁係咩意思呀? 今日有客o黎，使唔使買D零食之類番去?」其實自己也是客人的千奈說。
「你鍾意啦…」此時山P的手提響起。「喂，我係山下。」他一面聽電話，一面跟隨那兩個已衝向零食部的小鬼走著。
「而家? Super market，同千奈chan一齊……頭先o係屋企附近撞到佢…嗯…呀，Ikuta kun今晚會o黎食飯，得唔得?……好，好，我買番o黎啦，拜拜。」
回過頭來，千奈和Toma已選購了一堆零食。「可以走喇!」Toma好像很高興。
「仲未得呀，為左你，我地要去買多500g牛肉。」山P說。
「行番去買都冇所謂，不過…」千奈囁囁地說︰「好似已經有好多人發現左你地…」
不只那樣，她還感到一些陪母親來的年輕女孩投來的不善意眼光。和兩個當紅偶像一起逛街—就算只是Super market，也是件不容易的事。
「我知道你諗緊乜，你怕我地既形象受影響係咪? 唔使咁介意，唔會咁易有事嫁。」山P輕拍千奈的肩膞。
「真既…?」
「做咩要呃你喎。我地都慣左咁樣俾人望實嫁啦。」這句是Toma的。
「不過我地真係要快D走，頭先我阿媽已經打過o黎，叫我快D番去，佢地就o黎開始食嫁喇。」
「唔使擔心，我地一日唔番去，佢地都唔會食住。」
「點解?」兩位當紅偶像異口同聲。
「因為…」千奈噗哧一笑。「最重要既湯粉同牛肉都o係我地手上嘛~~」
==============================================================================================
吃完美味的火鍋後，一群人坐在電視機前談笑。
至於山P則和Toma一起去了自己的房間，可是到了八時左右，只有Toma一人走下來。
「咦，Ikuta kun，剩係得你一個既，小智呢?」他在千奈身旁坐下。
「佢嘛…呀，我想睇“學校he行ko-”，而家係咪TBS?」
「你講埋小智o個筆先，唔係唔俾個遙控你。」
「我今日o黎係為左問佢借game既，頭先佢叫我自己去搵，點知唔使幾耐佢已經支持唔住喇。」
「做偶像真辛苦呢…」
「嗯…」「但點解Ikuta kun你仲咁精神既?」
「因為我今日淨係影左兩輯相同錄左一個綜合節目…算係舒服啦。而山P好似除左錄綜合節目，仲去左出外景…外景好辛苦嫁。」
千奈感受到，那是一個完全和自己無緣的世界。
「我諗千奈你應該未知，山P o係o黎緊呢季連續劇會有份演出。」
「真既?」「係呀。你要o係適當時候俾D鼓勵佢呀。」
「o下?」「仲有，四月Jr.應該會開concert…要o黎捧場啊!」
==============================================================================================
Toma看完“學校he行ko-”就回去了，因為第二天要早起的關係。
千奈送走他之後，見自己的家人與姨姨她們談得興高采烈的，應該尚未打算離去，便躡手躡腳地走上山P的房間。
悄悄地推開房門，發覺山P正在呼呼大睡，被子甚麼的都沒蓋好。
「真係丫，會感冒哦。」她輕輕的為他蓋上棉被。
她蹲在床邊，默默地看著山P的睡相。這一刻，她終於認清自己對他的感覺…
================================================================================================
—後記— by 小糖
究竟千奈對山P的感覺是怎樣的呢? 很快就會有分曉。不過，知道這故事大綱和主題的朋友，應該會猜到一點點吧? (笑) 這一話要算是我在這篇中寫得最快的一話了。現在故事的發展才停留在二月廿九日，相信到四月時就會結束吧~ 怎樣也追不上與現實的“時差”的。
最後要說的是，二月廿九日是星期二，在晚上八時真的會有“學校he行ko-”播放的喔~! (笑)