那時的天空 Vol. 1
「喂，千奈，你唔好一個人o係度偷懶喎!! 仲有大把野要執呀!!」緒美大叫道。
「我唔係偷懶呀家姐! 你過o黎睇下，係我地細個o個陣D相o黎嫁，幾得意!」
緒美嘆氣：「係係，你坐定定o係度睇相，都可以話自己冇偷懶，真係…」
千奈卻沒理睬她，繼續將相簿翻到另一頁：「咦!? 呢個咪係……小智??」
「係喎係喎~」緒美最後都禁不住伸首去看：「講起上o黎，我地都有成五、六年冇見過佢啦。」
「唔…」千奈陷入沉思。
===============================================================================================
由於爸爸的工作關係，我們在大約十年前已舉家移民到香港定居。
在我們遷居之後，每年小智的媽媽都會寄不少他們家的生活照來。之前畢竟與他們做了近八年鄰居，所以兩家人的感情非常之好，尤其是兩家的媽媽。當我們每次回日本的時候，山下家更是我們的必到之地。
但，自那年開始，我們再沒有在山下家見到小智……
大概五年前的某一天，媽媽收到山下姨姨的回信。
『……可能遲了些通知你們，前一陣子智久他被Johnny's事務所取錄了，成為 Jr.的其中一員……』
「小智做左Jr.!?」這個消息實在令我太驚訝了，沒想到那個可以算是我青梅竹馬的小智，竟然會踏上偶像之路。
過了年多兩年，我們毋須等姨姨寄來的相片，只要翻開日本的偶像雜誌，就每個月都可以看見小智。不過，始終姨姨那些相中的那個他，才是我所識的、最真的小智…
不知是否天意弄人，自此我們回到日本時，小智不是要工作，就是要補課，所以我們已經很久沒有見面。不知道…他還記得我嗎…?
一切突然有重大的轉變，事源於一個月前…
「我番o黎喇。」爸爸走進客廳：「各位，我今日有件好消息要宣佈—我地要搬番日本喇!!」
「o下!? 點解既?」「你講真o架老公?」「乜咁突然既?」三母女即時陷入恐慌狀態。
「你地冷靜D聽我講先。唔係即刻搬，時間係二月底，至於原因…哼哼…」
「究竟點解唧老豆? 唔好o係度懶神秘啦!」家姐輕言諷刺。
「初時移民過香港咪因為我工作表現唔錯，所以上頭先放手交香港區既業務拓展俾我跟既。過左咁多年，佢地見我已經搞到呢個project上晒軌道，仲要都幾掂下，所以就叫我番去做佢地既『得力助手』囉。」
「好得戚!」媽媽從心底笑出來：「不過，恭喜你。」
「等陣…二月底??」突然我醒覺：「咁咪即係…」
「KinKi o黎開con' o個陣!?」兩個KinKi大fan尖叫。
===============================================================================================
「喂…千奈! 你諗緊乜呀? o係度發白夢!」緒美再次罵道。
「…呀! 冇野呀! 我地繼續執野囉。」千奈回到現實。
「傻奸奸咁。」緒美嘀咕：「不過，聽日就係KinKi con'啦! 我都有成年冇睇過KinKi con'嚕，好緊張添!!」
「唔…係呀~ 好掛住佢地添呀!」兩姊妹上一次看的，就是KinKi第一次在Tokyo Dome開的那個破紀錄con'。
緒美開始整理錄影帶：「聽講小智都會o黎喎，唔知佢會唔會o係concert見到我地呢?」
「希望啦…如果佢會o黎探我地就好喇~」千奈吐出她的心聲。
「唉……」兩人同時嘆氣。
「你地兩個做乜o係度唉聲嘆氣呀!? 唔想做呀?」相原媽媽的聲音傳出。
千奈立即捉住媽媽的手︰「近o黎姨姨有冇聯絡你呀?」
「做乜突然間咁問呀?」
千奈垂下手︰「因為…千奈好想見到小智喔!」
「唔使擔心喎~」媽媽溫柔地微笑︰「聽日我地一定見到佢既。」
==============================================================================================
第二天，三母女在四時多已到達了會展。
看見那條頗長的人龍，她們馬上就感覺到concert的氣氛。
「好多人啊~」「同日本不相百仲呢!」「點解冇souvenir賣既?」「香港既fan都有自製紙袋和扇呢!!」三人七嘴八舌的談著話。
由於太多人排隊等候，主辦單位提前了個多小時讓觀眾進場。Fan們立刻一窩峰的衝入會場，相原母女也不例外。
買完紀念品，還要再等兩個多小時才到concert開始的時間。三母女的座位位於主舞台的左側，而且極接近中央天橋。千奈心中又出現那種concert前特有的緊張感，因為KinKi，也因為她那五年沒見的童年玩伴…
終於，比原定時間遲了半個小時，concert開始了。
千奈沉浸在concert的歡樂氣氛中，見到山P，見到剛和光一，也夠她開心的了。
更開心的還在後頭。
==============================================================================================
—後記— by 小糖
在這故事中，要大家習慣“小智=山P”，真不好意思~~ 因為設定千奈是山P的青梅竹馬，所以沒理由叫他做Jr.時期的暱稱—山P吧! 仔細想想不如叫Tomo chan，但又出現了應寫成“小智”好還是“智仔”好的問題，最後就以書面語的理由決定了“小智”的叫法。希望各位山P的Fan不要介意~~