Ciuri ciuri

Ciuriddi ruvittari e spini santi
siddu passannu cantari mi senti
nun cantu ne p'amuri, ne p'amanti
picchi mancu mi passa pi la menti.

Ciuri, ciuri ciuriddi tuttu l'anno
l'amuri ca mi dasti ti lu tornu.

Ciuriddi e rosi russi a lu sbucciari
amaru 'dd'ommu ca fimmini criri
amaru cu si fa suvraniari
lustru di paraddisu nun ni viri.

Ciuri, ciuri,ciuriddi tuttu l'annu
l'amuri ca mi dasti ti lu tornu.

Ciuri di gersuminu arrampicanti
Li notti bianchi mia già sunnu tanti
tutti li notti li passu c'avanti
pi fariti dispettu eternamenti.

Ciuri, ciuri.....



Ciuri Ciuri (versione alternativa)

Nun cantu ne p'amuri e ne p'amanti
picchi' mancu mi passi ppi la menti,
ma ppi l'amuri miu ca nun mi voli,
ma ppi l'amuri niu ca nun mi senti

Ciuri ciuri, ciuri di tuttu l'annu,
l'amuri ca mi dasti ti lu tornu;
ciuri ciuri, ciuri di tuttu l'annu,
l'amuri ca mi dasti ti lu tornu.

Ciuri di gelsuminu arrampicanti
mi scialu, ridu e cantu allegramenti.
tutti li notti li passu cca avanti
ppi fatti li dispetti eternamenti.

Ciuri ciuri, ciuri di tuttu l'annu,
l'amuri ca mi dasti ti lu tornu;
ciuri ciuri, ciuri di tuttu l'annu,
l'amuri ca mi dasti ti lu tornu.