PARROCCA SAN GORG MARTRI - QORMI

 

IL-BUKKETT LI JIBQA'

KAPPELLA DEDIKATA LIL SAN GORG MARTRI F'DULLES, ALBANIJA

Grazzi lil habib taghna Alfred Cassar (in-neputi tal-Patrijiet) ghal dan l-artiklu w ritratti sbieh.

Il-pajjiz fejn jahdmu Patri Gorg Frendo u l-mibki huh Patri Gwann, ghalkemm qed jaghmel progress bil-mod, ghadu fqir u b’hafna familji jghixu fil-mizerja.

Il-Patrijiet Dumnikani bdew din il-Missjoni fl-1996. Tnejn mill-patrijiet li qattghu hafna zmien l-Albanija huma maghrufin hafna mal-poplu Qormi – Patri Gwann Frendo, li issa sfortunatament halliena, u Patri Gorg Frendo, li ghadu jahdem fost l-Albanizi. Daru hafna bliet u villaggi, jghallmu, jqaddsu u jghinu lill-familji l-aktar fqar.

Ftit ta’ zmien ilu bdew imorru jaghtu s-servizz taghhom f’villagg zghir u fqir hafna, madwar nofs siegha ‘l boghod mill-Port ewlieni Durres, fejn ghandhom id-dar il-patrijiet. Ta’ kull nhar ta’ Hadd wara nofsinhar ikun imiss li l-patrijiet imorru jqaddsu u jghallmu l-katekizmu f’dan ir-rahal.

Ir-rahal huwa wiehed agrikolu. Id-djar huma kwazi kollha fqar hafna. It-triq principali tar-rahal hija wahda mhux asfaltata, kollha trab u hofor, li fix-xitwa qalila tal-Albanija ssir caflisa wahda.

Kif naslu fil-limiti tar-rahal is-sorijiet ta’ Madre Tereza, li jigu huma wkoll jaghtu daqqa t’id fit-taghlim, jibdew idoqqu l-qanpiena biex in-nies tingabar ghall-Quddiesa. Dan minhabba li hawn ghad m’hawnx Kappella jew xi post dicenti iehor fejn il-missjunarji jistghu jqaddsu.

Tridu taraw lit-tfal x’entuzjazmu jigu jigru lejn il-vann biex jilqghu lill-missjunarju u forsi jaghtihom xi ftit helu jew xi cikkulata li x’aktarx ikunu telghu minn Malta.

Il-Quddies bhalissa qed issir taht speci ta’ tinda, li izda hija mikxufa ghall-elementi kollha, rih, xemx, kesha u anke xita. Jien li kont hemm kemm fi Frar, f’kesha xxoqq l-ghadam, u anke f’Lulju fi shana bhal ta’ Malta, naf x’sagrificcju jaghmlu kemm il-missjunarji u anke r-rahhala li jattendu ghall-Quddiesa.

It-tfal specjalment jattendu hafna ghall-Quddiesa. Billi l-missjoni f’dan ir-rahal ghadha tibda, ghadhom qed isiru hafna maghmudijiet. Ir-rahhala bdew jitolbu lil Patri Gorg Frendo biex jibnilhom kappella zghira fejn jaghmlu l-Quddiesa u bzonnijiet spiritwali ohra.

Patri Gorg mill-ewwel beda jahseb fuq l-ideja. Ghalkemm ma kinitx facli, irnexxielu jsib bicca art imdaqqsa u xtrawha. Il-Missjunarju Qormi ddecieda li jibni kappella u jiddedikaha ghall-mahbub San Gorg Martri. F’Jannar tal-2003, meta kien ghal ftit jiem Hal-Qormi ghal-funeral tal-ghaziz huh, Patri Gwann Frendo, Patri Gorg kellem lill-Arcipriet tal-Parrocca ta’ San Gorg biex forsi jkunu l-Qriema stess li jghinu biex tinbena din il-Kappella gdida. L-Arcipriet mill-ewwel ghogbitu l-ideja u beda jigbor ghal dan il-ghan nobbli.

Issa, grazzi ghal donazzjoni generuza hafna tal-Kavallier Charles Cilia u s-sinjura tieghu, u donazzjonijiet mill-Qriema fil-festa ta’ San Gorg 2003, il-holma tal-missjunarji Maltin qed issir rejalta’. Inbena pont li jaghti ghan-naha fejn se tinbena l-Kappella u saret ukoll il-platform tal-konkos. Nista naccerta lil dawn il-benefatturi li d-donazzjoni generuza taghhom hija apprezzata ferm mill-missjunarji Dumnikani fl-Albanija u anke mill-poplu Albaniz fejn ser tinbena l-Knisja.

Kien proprju l-Hadd, fit-30 ta’ Novembru, li saret ic-cerimonja tat-tqeghid ta’ l-ewwel gebla tal-Kappella dedikata lil San Gorg Martri. Wara granet shah ta’ xita qalila, it-temp dak in-nhar kien pjuttost sabih, biex setghet issir din ic-cerimonja semplici f’dan ir-rahal fqir. Jien kelli x-xorti li nkun prezenti ghal din ic-cerimonja memorabbli.

In-nies tal-villagg attendew bi hgarhom ghal din l-okkazjoni u kienu ferhanin tassew li fl-ahhar huma wkoll kien se jkollhom il-Kappella taghhom. Kuntenti wkoll li din il-Kappella se tkun dedikata lil San Gorg Martri ghax ta’ min jghid li l-isem Gorg huwa wkoll pjuttost komuni fl-Albanija. Ic-cerimonja tmexxiet mill-Isqof ta’ Tirana, l-Ecc. Mons Rrok Mirdita, flimkien ma’ Patri Gorg. Kien jidher evidenti hafna s-sodisfazzjon fuq wicc kulhadd, specjalment ahna l-Qriema li rajna parrocca gdida dedikata lil San Gorg Martri tinbet fl-Albanija.

Nisperaw li bl-ghajnuna tal-Qriema, din il-Kappella ma ddumx ma titlesta biex tibda tilqa’ go fiha l-merhla Kattolika ta’ dan ir-rahal zghir u fqir fl-Albanija. Nappella lill-Qriema kollha biex ikunu generuzi u jaghtu l-kontribut taghhom ghal dan l-ghan nobbli. B’hekk minbarra li l-missjunarji jkollhom post dicenti fejn jiccelebraw il-Quddiesa, inkunu qed inkomplu nkabbru d-devozzjoni lejn il-qaddis patrun taghna, San Gorg.

... ...

... ...

... ...

• Lura ghal Pagna Principali tal-Parrocca

• Lura ghal Pagna tas - XVII - il Centinarju ta' Glorja