|
|
PARROĊĊA SAN ĠORĠ MARTRI |
|
|
|
||
|
|
||
|
|
||
|
QORMI - |
BEJNIETNA 156 - Jannar 2009
Il-Kelma tal-Arċipriet
HAPPY BIRTHDAY LINK!!
Matul din is-sena LINK kiber biex issa qiegħdin aktar minn ħamsin żagħżugħ u żagħżugħa lkoll minn sittax–il sena 'l fuq.
Imma għalfejn il-grupp jismu LINK? Ir-risposta hija faċli! Link huwa grupp ta' żgħażagħ fi ħdan il-parroċċa li jgħin lill-istess żgħażagħ biex ikabbru l-ħbiberija tagħhom m'Alla u mal-oħrajn u permezz tal-formazzjoni li jirċievu jissaħħu fil-valuri nsara biex ikomplu jiskopru l-identita tagħhom.
Il-laqgħat ta’ LINK isiru kull nhar ta’ Ġimgħa fit-8.30pm fiċ-Ċentru Parrokkjali u s-suġġett ivarja. Grupp li jħalli liż-żgħażagħ jgħidu l-opinjoni tagħhom u fuq kollox jisimgħu l-idejat ta’ ħaddieħor.
Matul din is-sena ttellgħu bosta attivitajiet ta’ kull tip: treasure hunt l-Imdina, party tal-karnival, water games fiċ-Ċentru, hike sal-Buskett, wine & pizza u BBQs fost l-oħrajn.
F’għeluq l-ewwel sena ta’ LINK, ħsibna li tkun ħaġa sabiħa li kieku l-grupp kollu jiltaqa’ mal-Arċisqof Mons. Pawl Cremona biex b’hekk ikun jista jgħina u jiggwidana f’din il-mixja illi bdejna. Fil-fatt din il-laqgħa ser issir fil-5 ta’ Jannar fit-8.00pm fid-dar tiegħu stess H’Attard u hemmhekk ser nitkellmu miegħu fuq il-grupp tagħna. Fl-aħħarnett imbgħad fil-11 ta’ Jannar 2009, propju fil-ġurnata li Link beda l-ħidma tiegħu ser niltaqgħu fil-knisja ta’ San Ġorġ M. fis-6.45pm biex flimkien bħala grupp nirringrazzjaw lil Alla ta’ dawn ix-xhur li għaddew u nitolbuh jgħinna u jħarisna għal quddiem.
F’din l-avventura illi bdejna sena ilu, nixtiequ issa nistiedu lilek biex tingħaqad magħna, għalhekk jekk għandek aktar minn 16–il sena nisperaw li nibdew narawk magħna kull nhar ta’ Ġimgħa għal LINK!
Għal aktar informazzjoni żur: www.linkyouths.org
LINK TEAM
MILL-ĦAJJA TAL-KOMUNITA TAGĦNA - AVVIŻI
Il-Ħamis 1: L-ewwel jum tas-sena l-Ġdida. Jum il-Paċi u Solennita’ ta’ Marija Omm Alla. Bit-twelid ta’ binha Ġesu’, Marija saret Omm Alla. Il-quddies ikun bħall-Ħadd.
Ġimgha 2: L-Ewwel Ġimgħa tax-Xahar u L-ewwel ġurnata tal-Kwaranturi - wara l-quddiesa tat-7.45 am, tibda l-espozizzjoni li tagħlaq bil-Barka qabel il-quddiesa tal-4.30 pm. Nippruvaw insibu ftit ħin biex inżuru lil Ġesu’ Sagramentat u nirringrazzjawh ta’ dak kollu li jagħmel magħna. Nitolbuh ukoll ikun magħna matul din is-sena l-Ġdida.
Is-Sibt 3: It-tieni jum tal-Kwaranturi - wara l-quddiesa tat-7.45 am, tibda l-espożizzjoni li tagħlaq bil-Barka qabel il-quddiesa tal-4.30 pm.
Il-Ħadd 4: Solennita’ tal-Epifanija tal-Mulej. Illum mistednin nissieħbu mal-Maġi sabiex aħna wkoll noffru lil Ġesu’ r-rigali tagħna u nħalluh ikun id-dawl tagħna matul ħajjitna.
It-tielet jum tal-Kwaranturi. Ġesu’ Sagramentat ikun espost il-ġurnata kollha minn wara l-quddiesa tal-10.30 am sa qabel il-quddiesa tal-5.00 pm.
It-Tnejn 5: Fil-5.00 pm issir laqgħa fiċ-Ċentru għall-persuni b’diżabilita’.
Il-Ħamis 8: Wara l-quddiesa tas-6.00 pm tingħata l-Barka Sagramentali.
Illum isir il-coffee-morning organizzat mill-Kumitat tal-Fund Raising.
Il-Ħadd 11: Festa tal-Magħmudija tal-Mulej tas-Sena B. Il-Knisja tħeġġiġna niftakru li aħna lkoll tgħammidna u sirna ħolqien ġdid. Nitolbu lil Alla llum sabiex iġedded fina l-grazzja tal-Magħmudija.
Illum issir il-quddiesa tal-11.30 am li fiha jingħata s-sagrament tal-Magħmudija.
6.45 pm laqgħa Nazzjonali għaż-żgħażagħ fil-Knisja Parrokkjali
Il-Ħamis 15: Wara l-quddiesa tal-4.30 pm tingħata l-Barka Sagramentali.
Il-Ħadd 18: It-2 Ħadd ta’ Matul is-Sena B.
Fl-4.30 pm issir il-quddiesa fis-Santwarju tal-Madonna tal-Ħlas.
Illum jibda l-ottavarju ta’ talb għall-għaqda tal-Insara. Matul dawn it-tmint ijiem li ġejjin, sal-25 ta’ Jannar, isir talb speċjali biex aħna l-insara kollha, Kattoliċi, Ortodossi u Protestanti, li nemmnu fit-Trinita’ Qaddisa u li Ġesu’ huwa Alla veru, ningħaqdu f’reliġjon waħda. Tajjeb li matul dawn il-ġranet noffru wkoll xi sagrifiċċji sabiex din l-għaqda sseħħ.
It-Tlieta 20: Festa Liturġika ta’ San Sebastjan Martri. Nitolbu għal ħutna qriema li jiċċelebraw din il-festa.
L-Erbgħa 21: Inżuru lil ħutna l-anzjani f’San Vinċenż de Paule.
Fid-9.30 am irtir għan-nisa għand is-sorijiet Franġiskani organizzat min-nisa tal-Azzjoni Kattolika.
Il-Ħamis 22: Wara l-quddiesa tal-4.30 pm tingħata l-Barka Sagramentali.
Il-Ħadd 25: Festa tal-Konverżjoni ta’ Missierna San Pawl u t-2 anniversarju mill-Ordinazzjoni Episkopali ta’ Mons. Arċisqof Pawl Cremona. Nitolbu ħafna lil Alla biex iseddaq lil Mons. Arċisqof biex jibqa’ jmexxina fit-triq tal-Mulej.
Illum ukoll jintemm l-ottavarju ta’ talb għall-għaqda bejn l-insara.
Il-Ħamis 29: Wara l-quddiesa tal-4.30 pm tingħata l-Barka Sagramentali.
Imwiet matul ix-xahar ta’ Novembru 2008: - Agħtihom O Mulej il-Mistrieħ ta' Dejjem . . .
Saviour Grech (85 sena)
Antonia Spiteri (81 sena)
George Michael Borg (66 sena)
Guzeppa Baldacchino (84 sena)
Magħhudijiet matul ix-xahar ta’ Novembru 2008: Merħba fid-Dar fejn jgħammar il-Mulej, Sid il-Ħolqien kollu.
Owdin Cassar
Jordan Cremona
Cadrian Camilleri
Denzil Muscat
Caiden Azzopardi
Rhona Grech
Żwiġijiet matul ix-xahar ta’ Novembru 2008: Kunu intom ix-xandara tal-Aħbar it-Tajba.
xejn
15-12-2008
