丑小記 Clown memory

<演新野> (May 04)

        家長致電說: "下星期參加party的小朋友已看過你的表演, 請你演一d新野!"

        一個月後, 來自同一團的家長致電說: "下星期參加party的小朋友已看過你的表演, 請你演一d新野!

<人性> (Jun 04)

        在一班朋友面前表演魔術, 不斷被挑戰和挑釁, 不太被尊重.

        點解我要演?

        但演完一個後, 他們會叫你演多一次或演多一個新的.

        人散後, 一個個會單獨要求我教他們演剛演完的魔術.

<記者鞭策> (Dec 03)

        記者問: "你看過莫斯科馬戲團之後, 有無希望達到他們的水準呢?"

        丑: "......都難以相比......"

        記: "點解?"

        丑: "因為 ......"

        無知!? 正常!?  點解!? 唔駛理!?

        至此就好努力!

<小孩總有計> (June 04)

        遊戲完結, 輸了的小朋友要被罰, 但他們總有計逃避, 方法有: -

        (1) 立即喊 (好戲!)

        (2) 高速躲在爸媽身旁 (好親情feel!)

        (3) 唔出聲, 擰頭, 乜都唔肯做 (好堅定!)

        "咁點算呀!?"

<談判> (Apr 04)

        電話中, 一位餐廳職員說過:

        "如果小朋友玩到好高興, 你做(送)多15分鐘有無問題?"

        "我地當然會抽佣!"

        "你唔可以派咭片, 如果唔係, 我會係你個行到唱衰你!"

<我要你即刻扭> (Apr 04)

         在一間餐廳裡為小朋友扭汽球, 間中就有家長帶著小朋友對我說: "唔該扭個波比我!", 在較狹窄的地方中, 我回應: "好! 不如你先坐低, 我一陣來找你啦!" 

        後來有一位媽媽拖著小朋友對我說: "你扭個波比我個小朋友, 我地已經講左四次!" (我印象唔深) 我回應: "好! 不如我一陣來找你啦!" 她有點氣憤地說: "唔得! 我要你即刻扭!" 在旁的另一位家長說: "其實唔駛咁勞氣, 大家會好d!"  

        這時我的面和心情是一個強烈的大對比, 笑著問:"  Hello! 你想要d乜呢?" 她答: "你扭啦!" 我再笑問: "咁你要d乜呢?" 後來我扭了兩隻白兔給她.

<贈>

        間中就有人同我講: "我好想做小丑呀!" 我唔識點幫忙, 只可贈你一句: "機會只給有準備的人!"

<Give>

        Sometimes, someone tells me: "I hope to be a clown!" I do not know how to help him. But, I can only give him a word: "Chance is only to the person who are in ready!"

<出七>

        我同一位小男孩玩"包剪(頭)", 但不知為何, 他次次都出"七"(大拇指和食指).

<Show Seven>

        One day, I played "paper stone scissors" with a boy. Every time, he only showed "seven" (first and second fingers)

<好介意>

        在一間西餐廳與一班小朋友舉行生日派對, 我站在小舞台之上, 舞台下沒有椅子, 我跟小朋友說:"不如你地坐在地上, 你地唔介意!?", 部份小朋友很快回應: "介意!"

<無人的地方>

        一次教小朋友雜耍拋球, 我問: "在那裡練習拋球是最好?" 一名小朋友舉手回答: "無人的地方!", 我追問: "即係邊度?" 他答: "總之沒人的地方!"

<打到你飛起>

        一次魔術表演中, 請一位自問最勇敢的小朋友出來幫忙, 他神氣地出來, 站在我身旁,

        於是我拿出一個"劈手指器", 用力揮動利刀, 他即時彈開數尺, 大哭道: "唔得! 唔得! 我打到你飛起呀!"

回首頁 Back