Proeve van vyf klinkdichten... (Esperanto)
Alb. Frese (1714-1788) trad. Wouter F. Pilger
SONETO SEN A
Vi, Poeziemulo, permesu bonvoleme,
Ke ĉi Ekzemplo montru, ke mi, ne sen persisto,
Sonorliteron Unu (neces' por Kompostisto)
Komplete tenis fore, rifuzis ĉi-Poeme.
Ĝi tute sin ne montru, Ĝi rolu silenteme;
Ĉu tio vekus miron? mi ne pro pek-insisto
Forpuŝis Ĝin; ĉu krude? neniu Vers-verkisto
Kun ĉi limigo verkus Poemojn senprobleme!
En vic' numero Unu, litero de Belsono,
Tutmonde Ĝi uziĝu en Vortoj, pro bezono;
Libere Ĝin elvoku Junulo ĉu Grizulo!
Ĝi ĉie sonu! eĥu! sed tie ĉi silentu,
En tiu ĉi Soneto neniel ĝi nin tentu:
Nun pri l' for-esto juĝu orelo, eĉ okulo!
(C) 1996 Wouter F. Pilger, Lelystad, NL
Libroforma eldono: 1996. Vulpo-Libroj. 16p. 21cm.