 |
 |
我聽我以前個數學老師(何廷灝，就係佢教我玩扭計骰嫁喇)講呢，就係 以前唔知咩度有個好似係教建築o既教授為左方便教學就整左粒野，就係扭計骰o既 前身，咁班學生同佢之後將粒o野扭來扭去又扭唔返又覺得超難，但係班友又覺得幾過癮咁先抵死 喎，之後經過改良就變到宜家咁喇。(我份人比較懶，所以無去搵資料，或者之後會搵o既... 如果有咩錯或者大家幫我搵到料唔該通知聲，多謝^^)
經過不斷o既發展同演變，扭計骰已經唔單單係一個正方體，有圓球型啦、 有圓柱體啦，總之就千變萬化，層出不窮，就連正方體都有分係四格同三格等。 下面一共有四種扭計骰o既相(唔知仲可唔可以叫做骰 ^.^)，大家睇睇，係唔係覺得幾特別呢？
|
|
一粒 3x3x3 o既正立方體扭計骰當然有六面啦，而我地都可以將 佢睇成係分三層o既，而我自己識得o既整法就係將佢分成三層 黎砌o既，大家需要留意呢一點喎。下面o既圖(1)就分成六面o既看法 ，而圖(2)就係分成三層o既看法。
 |
 |
大家留意住我係係將粒骰由底至頂咁分三層o既，因為整第二同第三層 果陣係會將第一層放係下面，換句話係由底整先再到頂，就好似起樓咁。