話咁快，二零零四年已經到了．一月，是一年的開始，當然希望大家在這一個月（其實應該這一年）都過得開開心心，順順利利啦！由今個月開始，我的工作又有新的變動，一星期又要返六整天的工作．希望可以好快適應新的時間表啦！其實大家只需努力多兩多個星期，又放假了，過年，又可以豆利是了！猴年有雙春兼潤月，是結婚的好時機．嘻嘻！大家放心，我今年未有得嫁住！但係就知道有好幾位同學將於今年拉埋天窗！希望大家在猴年多過得甜甜蜜蜜咩啦！
既然是新的開始，就等我都玩玩新意思！由今個月開始，我的日記將會以全中文寫出！希望大家唔會見到ｄ怪獸，會見到我打咩字啦！
琳（零四年一月六日）
零四年一月廿七日 陰天
今天是大年初六，農曆年假的最後一日．話咁快，又有九天沒有返工．明天就是猴年的第一個工作天，希望順順利利！
呢幾日真係好凍！凍到都唔想起床，日日到十一二點先起身！二三月都冇假放，要咁也懶，可能要等到四月先得囉！
咁耐冇寫日記，有咩值得講呢．．．um...其實都真係冇乜特別！香港好似好耐冇咁熱鬧！連年初二的煙花都是這幾年來最好看的．過年前，又多一位好朋友打電話來報喜，不過話唔好講俾其他人知住喎！咁就等佢自己announce啦！
今年年初一晚上同細佬同男友去了中環的環球嘉年華．好貴，只玩了幾個機動遊戲就要三百蚊，不過洗得開心！細佬仲贏了個大snoopy公仔回家！年初三同男友去了試搭西鐵，好快，十分鐘可以由美孚到元朗，廿分鐘就到總站Tuen Mun！年初四同男友去睇熊之歷險，普通啦！今個假期是一個真真正正的假期
突然有個念頭，我好希望可以做到，工作時工作，放工不工作！點解呢？！我覺得自己開始冇咁投入自己份工，有點累，可能因為做了三年啦！做得多，上司只會給更多的工作！其實，人生都不應只得工作，還有家庭、男友、健康．．．放得太多時間於工作，漸漸失去好多朋友的聯絡．放咁多時間於工作，回報不大，反而令人反感、妒忌，這不是自作自受嗎？！人生話短唔短，但話長亦都不長，不如放一些時間做些自己喜歡的東西！
明日要返工返十個鐘！之後仲同表妹去睇左麟右李演唱會．．．好彩星期四返下午一點！！！希望好睇啦！
零四年一月六日 陰天
今天是一個非常特別的日子，可能好多情侶都唔會慶祝呢一日，但係我同男友每年都會在這一晚見面！話咁快，拍拖五年了！開始多人問：”你幾時嫁呀？”．唔好意思，未有計劃！大家等多幾年啦！有好消息我一定會通知大家！
昨晚同一個好耐沒有聯絡的補習學生傾電話！話咁快，已經中六了！唉！時間過得真係快．突然之間覺得自己真係老了！
今晚同男友去了看電影，真的戀愛了，看完好開心．這部電影包含了好多個愛情故事，故事與故事之間時不時穿插，但係又見到當中有一定的連貫性．這些故事非常真實，亦包含了不同類型的愛：有puppy love、暗戀、同性戀、偷歡等，電影亦帶出了愛是不會受到種族、語言、地方、階級。有人為了愛自己的家人而放棄了情人，亦有人為了愛情人而放棄了家庭．總知，大家的世界的充滿愛！這部電影已上了一段時間，但係今晚戲院差不多都是滿座的。如果未去看這部電影的朋友，就要快點行動吧！
