16/6/2003 星期一 晴

今日有幾件事想寫~~~ 
係咪真係忍一時就會風平浪靜, 退一步就會海闊天空呢??? 其實有時唔係0架, 有事做人真係幾無奈, 忍又唔係, 唔忍又唔係...... 俾著我呢0的唔識處理人際關係0既人, 對著0的極度自我同自私0既人, 就真係唔知點解決好~~~
第二件啦~~~ 
今日收到嘉(定返時我應該叫返佢Rica呢??)封信啦, 每次有信收, 我都好開心~~~ 嘉雖然十六歲(我大佢成四年!!!), 但諗0野好成熟, 起碼佢係少有我認為傾到計0既網友~~~ 我不其然回想起我十六歲0個陣我自己係點, 簡直係"無, 得個零!" 點都好啦, 做人最緊要開心, 有冇achievements都唔好緊要~~~
嘉同我提起自我唔係自私, 只係忠於自己~~~ 無錯, 自我其實冇乜問題, 但如果影響到人0地, 咁就變0左做自私, 所以凡事都應該有個平衡, 中庸之道就最好~~~
最後一件啦.....
戒, 始終係好事0黎0既~~~ 不過戒唔戒, 我都已經唔係好多理會, 同我講佢戒, 我第一個反應就係冇反應~~~ 無啦啦話戒, 可能身邊有一個人令佢"的"起心肝戒0掛~~~ 點都好啦, 希望佢真係戒到~~~ 或者我應該唱返首"戒男"慶祝下~~~