Commline.gif

Razı ol hükm-ü kazaya Hakkı bil tasdik odur
İnkılap eylerse kalb Allahtan tefrik odur

"Hasibu" emri celile eyle im'an-ı nazar
Nüsha-i irfan nefsi Hak ile tetkik odur

Hüsnü niyyet kalbine her işte versin zıb ü fer
Menhec-i Şer-i şerife halini tatbik odur

Fikrile rah-ı dalale sapmış erdab-ı ukul
Salik-i şehrah-ı aşk ol,mezheb-i tahkik odur

Mahveden bu masivayı dilde nar-ı aşktır
Eyleyen nefsü hevayı daima tahrik odur

Feyz-i nur-u aşktır ancak safabar-ı canan
Aşığı zevku visale eyleyen teşvik odur

A'zam-ı LÜTFİ İlahi Ademe aşk ola kim
Aşığı aşka hidayet en büyük tevfik odur

1