Zümre-i ehl-i melamet dersi Hak'tan aldılar
Zevklerine yok nihayet çünkü Hay'dan aldılar

Reyn-i kalbi ettiler pak darb-ı zikr u fikrile
Kıylu kalden geçtiler hep hubb-i fillah aldılar

Nefsi hiçe saydılar kim "Fail Allah" bildiler
Gamze-i cilve-i Mahbub'tan atalar aldılar

Her sıfatı Mevsuf-i mutlaka nisbet ettiler
Ol cemal-i şems-i enverden tenevvür aldılar

Çün vücud-ı Hakk'a mazhar zatına mahvoldular
Havf-ı mevtten kurtulup hay layezali aldılar

Bir adem şehrine nisbet varlığı selbettiler
Kaf ademde cismi yok bir şekl-i Anka aldılar

TALİBİ Fahr-i risalet fakrı tercih ettiler
Fakrile fahreyleyenler yokluğa var aldılar