Bir aceb sırra eriştim eyvallah
Buna esrar-ı aşk derler eyvallah

Bunu alim avam bilmez eyvallah
Buna ilm-i irfan derler eyvallah

Buna sırr-ı Kur'an derler eyvallah
Bunu ehl-i hicap bilmez eyvallah

Bunu ehl-i sevap bilmez eyvallah
Bunu Hızr u İlyas bilir eyvallah

Buna vasl-ı beka derler eyvallah
Buna sırr-ı Mustafa derler eyvallah

Bunu al-i aba bildi eyvallah
Buna "Seb'a-'l-mesan"dendi eyvallah

Buna ilm-i Huda derler eyvallah
Buna sırr-ı Kur'an derler eyvallah

Bu bir kenz-i ahfadır kim eyvallah
Bu bir mülk-i bekadır kim eyvallah

Bu bir fazl-ı Huda'dır kim eyvallah
Buna ihsan-ı Hak derler eyvallah

Buna dad-ı Hak derler eyvallah
Bu bir ahd-ü vefadır kim eyvallah

Buna ilm-i felah derler eyvallah
Buna feyz ü necat derler eyvallah

Bu bir sırr-ı safadır kim eyvallah
Bu FEHMİ'ye atadır kim eyvallah