10月1日 (星 期 一)

今 晚 yen 結 婚，延 開 10 蓆，睇 落 真 係 輕 鬆 好 多，識 佢 果 陣 重 係 中 學 生，而 家 已 為 人 妻，今 晚 佢 個 婚 宴 最 特 別 係 影 完 d 相 佢 地 準 備 好 左 一 部 printer 即 時 可 以 印 返 俾 人 睇，好 有 心 思，呢 點 將 來 自 己 可 以 仿 效 一 下。

10月2日 (星 期 三)

國 慶 假 期，大 陸 廠 放 幾 日 假，h k 呢 邊變 相 靜 左 好 多，全 日 都 冇 乜 野 做 好 得 閑。

10月3日 (星 期 四)

呢 兩 日 都 好 大 風，好 似 打 風 一 樣，望 落 樓 下 見 到 個 垃 圾 桶 起 球 場 跑 步，好 攪 笑。

10月7日 (星 期 日)

今 晚 成 班 人 去 左 肥 健 度，今 晚 睇 左 兩 套 戲，生 化 危 機 1 同 2，佢 地 睇 到 好 津 津 有 味，反 而 佢 地 已 經 睇 左 第 3 集 自 己 都 未 睇，肥 健 整 左 佢 最 拿 手 既 釀 雞 翼 同 涼 茶，外 賣 就 叫 pizza hut ，玩 到 成 10 點 先 走。

10月8日 (星 期 一)

今 晚 pan 請 食 飯，因 為 佢 最 近 起 股 巿 有 所 斬 獲，揀 左 荃 灣 壽 司 亭 食，對 上 一 次 幫 襯 已 經 係 年 幾 前，可 能 星 期 一 既 關 係，顧 客 唔 多，今 晚 食 飯 係 次 要，聚 埋 一 齊 打 機 先 真，可 能 食 得 太 多 野，價 錢 貴 左 d，都 唔 係 幾 好 意 思，每 人 夾 返 一 百 蚊 俾 佢，其 餘 由 佢 包 底，多 謝 晒，希 望 佢 再 賺 多 d。

10月9日 (星 期 二)

今 晚 去 左 食 家 鄉 雞，佢 地 個 餐 牌 又 唔 同 左，以 前 跟 餐 既 粟 米 或 者 薯 容 通 通 冇 晒，取 而 代 之 既 係 焗 飯，要 散 食 就 要 俾 6 蚊，越 黎 越 搵 笨。

10月13日 (星 期 六)

今 日 約 左 呀 tim 佢 地 成 班 上 大 陸 玩， 原 本 想 一 睹 tim 女 朋 友 盧 山 真 面 目 既 我 佢 竟 然 又 冇 黎，今 日 名 乎 其 實 係 一 個 打 機 團，幾 個 男 仔 由 頭 到 尾 都 拎 住 部 psp 起 街 玩，未 停 過 手。出 到 羅 湖 先 行 新 書 城，呢 度 環 境 好 過 舊 既 好 多，又 冇 陣 怪 味，雖 然 都 見 週 圍 有 人 坐 起 度 睇 書，但 總 算 都 唔 會 迫 到 連 跌 都 行 唔 到。由 於 約 左 6 點 食 飯，行 左 冇 耐 就 走，之 後 約 左 呀 may 佢 地 果 班 起 另 一 度 等，點 知 佢 地 竟 然 按 摩 按 到 成 8 點 先 見 人，白 等 左 兩 個 鐘，又 唔 講 聲，真 係 俾 佢 地 激 死，之 後 改 去 wendy 以 前 帶 過 我 地 去 既 一 間 中 式 餐 廳 食 飯，呢 度 最 出 名 既 係 湯 同 茶，亦 都 係 呢 度 最 好 食 既 兩 樣 野，其 他 食 物 麻 麻，之 後 呀 may 佢 地 唔 過 夜 先 走，我 地 就 由 呀 tim 帶 領 去 佢 經 常 幫 襯 既 按 摩 店 俾 人 拆 骨，呢 度 同 我 地 去 開 果 間 比 就 大 間 同 豪 華，而 且 環 境 都 唔 錯，而 且 又 有 好 多 房 選 擇，D 師 父 手 勢 亦 都 唔 錯，特 別 係 穴 位 果 個 按 摩 師，下 下 都 好 到 肉，做 完 成 身 都 軟 晒，但 唯 一 缺 點 係 睡 眠 區 不 足，攪 到 成 班 要 訓 大 廳，D 人 又 嘈 又 食 煙，成 4 點 先 訓 到。

10月14日 (星 期 日)

朝 早 俾 D 人 整 醒，拿 拿 臨 起 身 沖 涼 就 走，先 去 飲 個 早 茶，之 後 又 係 行 萬 丈 城，但 行 得 多 發 覺 其 實 都 冇 乜 野 好 睇，最 後 就 落 CAFE 飲 杯 野 就 走，整 個 兩 日 一 夜 行 程 就 咁 完 結，聽 日 又 返 工 LU。

10月15日 (星 期 一)

今 朝 返 左 黎 冇 耐，呀 head 又 同 採 購 因 為 D 小 問 題 爭 執，一 聽 到 佢 地 嗌 交 就 覺 得 好 煩，遲 早 採 購 又 辭 工 唔 撈。

10月19日 (星 期 四)

今 日 重 陽 節，成 班 上 左 城 門 水 塘 bbq，都 好 耐 冇 試 過 去 霸 爐 燒 野 食，因 為 驚 冇 爐，所 以 早 d 上 去 睇 下 有 冇 位，開 頭 都 真 係 爆 晒 棚，但 去 到 5-6 點 d 人 開 始 陸 續 離 開，去 到 7 點 直 頭 係 上 面 燒 烤 區 得 返 我 地 一 班 人，可 以 講 話 係 包 場 咁 滯。以 往 bbq 都 係 剩 返 好 多 野 食，今 次 一 反 傳 統，唔 夠 野 食，燒 左 一 包 炭 就 清 晒 d 食 物 咁 滯，靜 返 一 堆 野 飲，見 10 點 未 夠 就 落 荃 灣 食 埋 糖 水 先 走，吹 下 水 差 唔 多 11 點 先 散 場。

10月20日 (星 期 六)

秋 意 漸 濃，勁 好 訓 ，放 工 行 左 陣 街 一 返 到 屋 企 就 訓 到 成 1 0 點 先 起 身。

10月21日 (星期日)

尋 晚 同 榮 佢 地 打 機 打 到 成 4 點，今 朝 完 全 唔 想 起 身.....

10月23日 (星 期 二)

同 事 部 機 之 前 已 經 見 佢 神 神 地，今 日 終 於 壞 左，好 彩 入 面 d file 重 起 度，如 果 唔 係 真 係 頭 痛。

10月26日 (星 期 五)

一 路 都 好 憎 人 無 端 端 發 脾 氣，今 晚 無 端 端 俾 人 炮 轟，吹 漲。

10月27日 (星 期 六)

上 網 download 左 完 整 版 既 舞 動 奇 跡，睇 睇 下又 覺 得 唔 錯，謝 天 華 真 係 好 好，唔 怪 得 次 次 都 拎 咁 高 分。

10月28日 (星 期 日)

今 日 有 一 個 大 騙 局，好 多 人 都 O晒 咀............

10月30日 (星 期 二)

今 晚 約 左 肥 健 同 神 秘 嘉 賓 食 飯，之 後 行 信 和，見 到 有 幾 隻 一 直 都 想 買 既 cd，即 時 買 晒，好 野。