12月2日 (星 期 日)

今 日 肥 健 起 沙 田 有 個 空 手 道 比 賽，地 點 起 沙 田 一 間 拳 館 舉 行，由 於 晏 去 既 關 係，佢 已 經 打 嬴 左 兩 場 比 賽，今 日 既 參 賽 拳 手 都 唔 少，連 明 星 歐 錦 棠 都 係 今 日 既 參 賽 者，比 賽 雖 然 一 場 唔 係 好 耐，但 就 場 場 都 好 肉 博，最 後 竟 然 係 歐 錦 棠 拎 左 高 級 組 冠 軍，真 係 諗 唔 到 佢 咁 犀 利。

12月3日 (星 期 一)

下 午 無 端 端 俾 老 細 叫 左 上 大 陸，可 以 出 下 街 唔 駛 成 日 屈 起 公 司 都 幾 好............

12月6日 (星 期 四)

外 國 個 客 黎 左 ，為 左 俾 佢 用 公 司 既 寬 頻，特 登 買 左 個 無 線 router 俾 佢 用，裝 裝 下 又 了 解 多 d 呢 部 野，都 唔 係 咁 難 set。

12月8日 (星 期 六)

又 黎 歡 樂 滿 東 華，越 黎 越 唔 想 睇，重 攪 到 今 晚 冇 得 睇 死 亡 筆 記。

12月9日 (星 期 日)

姑 媽 今 日 生 日，佢 地 成 家 人 去 左 荃 灣 一 間 酒 家 食 飯，姑 媽 佢 年 紀 大 加 上 老 人 痴 呆，食 得 唔 多 但 精 神 都 幾 好，反 而 姑 丈 就 睇 落 精 神 差 d，可 能 照 顧 另 一 半 攪 到 自 己 都 幾 辛 苦，其 他 屋 企 人 都 打 算 請 個 工 人 睇 住 佢 地，唔 駛 大 家 都 咁 擔 心，人 老 左 始 終 都 係 麻 煩，好 彩 有 班 孝 順 仔 女。

12月10日 ( 星 期 一)

今 晚 打 羽 毛 球，但 人 數 得 6 位，可 以 non-stop 咁 打，好 耐 都 未 試 過 打 到 出 一 身 汗 喇。

12月11日 (星 期 二)

kc 將 於 星 期 6 飛 返 美 國，已 經 唔 記 得 係 第 幾 次 為 佢 farewell，今 次 地 點 係 旺 角 一 間 上 樓 cafe，之 前 都 黎 過 兩 三 次，但 今 次 覺 得 佢 地 進 步 左 好 多 ，食 物 好 食 左，房 重 有 部 wii，連 呀 潘 唔 係 咁 打 機 既 都 打 得 好 肉 緊，呢 度 將 來 可 以 攪 多 d 聚 會，可 惜 聖 誕 俾 人 book 左，唔 係 呢 度 都 可 以 講 係 一 個 好 選 擇，唔 知 今 次 一 別，下 次 又 會 係 幾 時 再 見，祝 佢 一 路 順 風，起 美 國 都 繼 續 做 隻 精 靈 鼠。

12月14日 (星 期 四)

呀 head 今 日 請 病 假，做 野 都 開 心 d，放 工 同 潘 去 左 荃 灣 新 開 既 漢 堡 包 店 食 野，款 式 都 幾 多，試 左 佢 個 芝 士 牛 肉 漢 堡，加 個 炸 薯 角 同 汽 水，50 蚊 一 個 餐，薯 角 份 量 比 較 少，唔 多 夠 喉，但 個 漢 堡 的 確 幾 好，賣 咁 貴 總 有 佢 既 原 因。

12月15日 (星 期 六)

放 工 出 旺 角....多 人 到 驚，過 幾 年 真 係 驚 自 己 有 人 群 恐 懼 症。

12月16日 (星 期 日)

都 有 一 段 好 長 時 間 冇 行 山，呢 排 天 氣 涼 d 就 攪 左 個 短 途 賽 熱 身，地 點 由 東 涌 至 大 澳，難 得 連 潘 都 去 行，睇 佢 平 時 唔 做 運 動，原 來 佢 都 幾 行 得，可 能 腳 長 既 關 係，有 陣 時 感 覺 佢 係 跑 緊，要 追 住 佢 黎 行。入 到 大 澳 都 係 2 點 幾，搵 左 間 酒 家 食 飯，叫 晒 d 熱 氣 野 食，又 可 樂 又 啤 酒，食 晚 飯 一 樣。食 飽 重 要 去 附 近 一 間 豆 腐 花 舖 食 埋 糖 水 先 走，之 後 出 返 東 涌，見 到 東 薈 城 變 左 成 個 outlet商場，不 過 累 冇 乜 點 行 過，下 次 先...........

12月17日 (星 期 一)

呢 排 呀 head 勁 咳，一 返 到 黎 就 係 咁 咳，不 斷 播 菌，好 心 佢 就 好 返 先 返 黎 啦。

12月18日 (星 期 二)

今 晚 麻 甩 佬 聚 會，但 老 野 工 作 在 身 黎 唔 到，四 條 友 又 去 返 去 開 果 間 酒 家 食，片 皮 鴨 同 椒 鹽 系 列 唔 少 得，重 整 多 一 窩 糯 米 飯 填 肚，飯 後 落 機 舖 打 機，英 皇 娛 樂 廣 場 果 間 機 舖 好 乾 淨，又 少 人，想 靜 靜 地 打 機 0岩 晒。

12月22日 (星 期 六)

今 日 冬 至，過 左 潘 果 邊 做 節，起 荃 灣 買 隻 白 切 雞，180 蚊 隻，好 似 好 貴 咁，但 又 排 晒 長 龍，今 晚 做 節 既 家 庭 應 該 好 多，酒 家 飯 店 果 d 都 塞 滿 人，環 境 真 係 好 左 咁 多 .......?

12月23日 (星 期 日)

今 晚 去 左 ken 度 玩，出 席 既 人 每 人 重 要 帶 一 份 聖 誕 禮 物 去 交 換，ken 佢 就 快 搬，呢 間 村 屋 會 賣 俾 人，以 後 又 少 左 個 免 費 既 燒 烤 場，未 燒 野 食 前 大 家 起 度 玩 wii，佢 果 隻 賤 免 game 玩 得 大 家 好 開 心，玩 玩 下 重 俾 我 地 見 到 wii 之 戀 人 誕 生......燒 完 野 食 大 家 就 玩 交 換 禮 物，抽 中 左 呀 琪 既 不 文 玩 意，做 型 冇 得 頂，但 乜 野 場 合 先 可 以 拎 出 黎 用 呢......??

12月24日 (星 期 一 )

平 安 夜，4 點 半 收 工，入 元 朗 接 潘 後 就 食 飯，年 紀 大 左，唔 想 去 多 人 既 地 方，食 飽 飯 後 就 返 屋 企，返 到 屋 企 都 未 夠 10 點，簡 單 既 慶 祝，但 又 唔 覺 得 可 惜。

12月25日 (星 期 二)

睇 左 魔 幻 羅 盤，同 魔 戒 一 樣 分 開 好 多 集 拍，第 一 輯 感 覺 上 有 d 悶，但 點 都 會 追 埋 其 餘 果 幾 輯。夜 晚 約 左 一 班 朋 友 食 飯，幾 乎 係 每 年 都 會 有 既 活 動，大 家 傾 下 偈，講 下 近 況，起 碼 都 知 大 家 都 冇 乜 點 變。

12月26日 (星 期 三)

今 日 個 個 放 假 係 我 要 返 工，成 層 樓 好 似 死 城 咁 得 我 地 公 司 開，做 野 冇 心 機，渾 渾 戇 戇 咁 過 左 一 日。

12月27日 (星 期 四)

休 息.....工 作 再 工 作................

12月31日 (星 期 一)

除 夕 夜，成 班 去 jacky 間 新 屋 攪 大 食 會，大 快 活 既 到 會 食 物 好 壞 參 半，飯 同 意 粉 都 係 冇 乜 人 郁 過。有 人 帶 左 支 香 賓 黎，酒 味 超 強，飲 左 兩 啖 面 都 紅 晒，食 飽 大 家 玩 killer，成 班 唔 熟 既 人 一 玩 呢 d game 就 好 快 熟 絡，由 於 第 二 朝 要 一 早 上 大 陸 玩，11 點 幾 就 走 先，不 過 真 係 好 開 心，同 埋 今 日 溫 度 得 10 度 又 大 風......凍 死 人。新 既 一 年 就 咁 開 始..... 黎 緊 一 年 我 唔 膽 心，好 似 今 年 咁 平 平 穩 穩 就 ok。