歡迎來到小文網站

始終都係覺得blog比較方便d，同埋有一個比較好的留言板，因此以後大家可以到下列網站睇小文既手記同留言：

http://hk.myblog.yahoo.com/kalub_2000/

終於又有時間update個網站。最近小弟忙D乜?咪係個死人FINAL YEAR PROJECT囉，仲要幫公司行山比賽。講番D波先，近兩場賽事都係友誼賽(即係自己友對秋)，不過荔枝就真係厲害，兩場都有波入，不過亞耀同亞龍都唔弱，入親都世界波，都唔知係唔係食咗藥。(16-1-2006)

哈哈，個網站開咗咁耐，終於有人 OWN GOAL，尋日唔知點解，亞龍由前鋒變左清道伕，再一球世界波回傳，凹死由小弟把關既龍門，仲要係死角入網，欲救無從。亞龍果然特訓後特別醒神，欽敬，欽敬!(12-12-2005)

好耐都冇update個web site啦，因為近來真係太忙啦，最新的球賽資料經已ok，而如果有其他賽事我係miss咗既，請各方好友知番我。最後通知番各位，留言板又ok番啦。(3-12-2005)

近日小文實在太忙，要係兩個星期之內做好好多功課，又要準備跑步比賽，所以冇乜時間去踢波，希望各位隊友多多包容。仲有個留言板唔知做乜鬼down左，各方好友如有需要，請用e-mail聯絡本人。

YEAH！ YEAH！ YEAH！ AMBER終於打開近月的勝利之門啦！可喜可賀。承亞海貴言，每人跑多步，終於取得最後勝利，雖然辛苦D，不過都係值得，大家繼續努力。(7-11-2005)

最近AMBER足球的成績實在強差人意，近五場比賽全部敗北，當然勝敗乃兵家常事，小文亦並非怪責任何隊友，但有一點小文又覺得不吐不快。其實大部份隊友每逢周末踢波，無非只為娛樂、開心而已，但近數場比賽，均發生不愉快事件， 如果不是其他隊友阻止，更有可能彼此動武。踢波當然要認真、投入，但還要緊記友誼第一，希望各隊友要好好克制，免傷和氣，這才能令球隊的成績更上一層樓。(17-10-2005)

最新消息：留言板經已開幕啦！（9-10-2005）

係各位波友的催促之下，本人終於有番D心機重寫呢個網頁，內容當然比以前嗰個求其好多，不過各位都係無謂要求咁高，因為話曬都係出左黎做嘢，時間梗係小D啦，不過如果各位有乜意見，都可以向小弟反映，投訴接受，做嘢就....

今期UPLOAD咗好多有關於AMBER足球隊既資料，不過由於有D料未齊同埋時間關係，所以板面同內容都有D求其同行貨，ANYWAY睇住先啦，有時間再搞好D。