| Enciklopedio Kalblanda > komputiko > Interreto > TCP/IP |
TCP/IP estas la komunika protokolo, la aro de reguloj kaj konvencioj, per kiu masxinoj kaj programoj de la Interreto interkomunikas. Cxi tiu pagxo mem estis sendita al vi trans la Interreton per TCP/IP.
TCP/IP konsistas de du tavoloj de abstrakteco: TCP kaj IP:
TCP malfermas, administras kaj fine fermas la konekton aux kunigxon inter du programoj sur du masxinoj sur la Interreto. TCP zorgas pri la ordo, rapideco kaj forerarado de datumo sendita kaj ricevita trans la Interreton.
En Gxavo la objeckto Socket ("kontaktoskatolo") provizas la interfacon al TCP/IP.
En detalo:
Por sendi, TCP hakas la datumon en paketojn (malgrandaj pecoj de datumo).
Al la kapo de cxiu paketo, TCP aldonas numeron de la fonta kaj cela pordo, kiu specifas la fonta kaj cela programo. Ekzemple, por FTP la pordonumero estas 21; por HTTP (kiu sendas kaj ricevas TTT-pagxojn) la pordo estas 80.TCP donas la paketojn al IP por transsendi ilin.
Sur la ricevanta masxino, TCP ricevas la paketojn el IP, fortrancxas la pordonumerojn de cxiu paketo kaj el la paketoj rekonstruas la originalan datumon kaj donas gxin al la ricevanta programo.
IP ne zorgas pri eraroj, malordo, resendado, konektoj inter programoj, ktp. Tiuj estas la zorgo de TCP.
En detalo:
IP ricevas fluon de datumo de TCP kaj sendas tiujn tra la reton. Se paketo de TCP estas tro granda por la fizika reto, IP plue hakas ("fragmentigas" estas la teknika vorto) la paketon en pli malgrandajn paketojn.
Al cxiu paketo, IP aldonas la numeron de la protokolo (TCP en nia kazo), la retadreson de la sendinta masxino kaj la retadreson de la ricevanta masxino. La retadreso estas la IP-adreso: punktita adreso de kvar numeroj. Ekzemple: 165.121.140.160.
Kiam IP ricevas paketojn (sur la ricevanta masxino), gxi rekonstruas la fluon de datumo el la paketoj kaj donas gxin al TCP (se gxi estas la protokolo menciata en la paketo).
Tial esence la Interreto estas rivero de paketoj. Cxiu paketo enhavas la retadreson de la masxino al kien gxi iras. Cxiu masxino laux la vojo movas la paketon pli proksime al la retadreso. Masxino kiu movas paketojn laux la vojo de la Interreto estas nomita kluzo (angle, gateway). Tiuj masxinoj kunligas diversajn retojn por krei la Interreton (tiele la deveno de la nomo, inter-reto).
...
