Mary Queen of Scots
( 1542-1587 )
In a nutshell
by
Joe Sharp
"It cam' wi' ane lass, an' it'll pass wi' ane lass"
These were the prophetic words o' her faither King James
Oan hearin' the news o' the birth at the palace
He laid doon an' deid, haundin' Mary o'er the reigns
At nine months o' age, oor Mary is Queen
Securely strapped intae her wee baby seat
Wi' rings oan her fingers, a sight tae be seen
Suckin' awa' merrily oan her Royal dummy teat
There were battles a' ragin' a' roon' aboot
In Kelso an' Jedburgh, King Henry did loot
When the wee Queen wis four, there wis an enquiry
An' for safety took Mary tae Inchmahome Priory
Wi' loads o' disorder at Dunbar oan the border
The English were gein' us a whole lot o' hassle
King Henri o' France then geid oot an order
"We'll be there, send Mary doon tae Dumbarton Castle"
