Recompilar o Kernel

As novas versións do kernel engaden novas características ó núcleo,tal como soporte para novo hardware (por exemplo USB), opino que non se debe instalar unha nova versión de Linux cada vez que apareza, hai que recompilar o núcleo cando sexa necesario,cando queiramos engadir algunha característica que desexemos ou cando novas versións do kernel den soporte a periféricos que antes non podiamos usar,tales como unha camara USB,....

Hai que matizar que Debian,Red Hat,... non son sistemas operativos, son distribucións basadas nun sistema operativo que é Linux, unha distribución é un conxunto de aplicacións que acompañan a ese sistema operativo,etc.

o kernel de linux está no directorio /usr/src ( usuario/fontes no noso idioma).

 

 

  1. Podes baixarte a última versión do kernel dende esta dirección de internet : http://www.kernel.org
  2. Copia o kernel comprimido no seu directorio correspondente: $ cp linux-2.2.17.tgz /usr/src
  3. Situámonos no directorio /usr/src e descomprimos o kernel : $ tar xvzf linux-2.2.17.tgz
  4. Entramos no directorio do kernel descomprimido (é recomendable que lle chames linux a ese directorio)
    1. Se queremos configurar o kernel en modo gráfico : $ make xconfig (recoméndoche que uses esta opción)
    2. Se queremos configurar o kernel dende unha consola de texto: $ make menuconfig
    3. Se queres coller a configuración anterior : $ make oldconfig
    4. Se queres eliminar a configuración anterior: $ make proper
  5. Realizamos a configuración do kernel,este apartado ireino completando pouco a pouco......
  6. Unha vez realizada a tarea de configuración, procederemos a compilar o núcleo
    1. $ make dep
    2. $ make clean
    3. $ make bzImage
    4. $ make modules
    5. $ make modules_install

      make bzImage usase cando o kernel é moi grande,en caso contrario usa make zImage, se usando make zImage dáche un erro, será debido a que é demasiado grande.

      Os apartados 4 e 5 (make modules e make modules_install) son para o caso de usar módulos.

  7. Agora xa temos recompilado o kernel que se atopa en /usr/src/linux/arch/i386/boot (sendo linux o directorio dende onde recompilamos o novo núcleo e i386 se usamos procesadores Intel.
  8. Copia o kernel no directorio onde gardes ti o kernel, por exemplo /boot , aínda que hai distribucións que estan en / . Podes machacarte o arquivo anterior do kernel,pero non cho recomendo,pois aínda non sabemos se o que fixemos funciona tal e como queremos, crea unha nova entrada no arquivo /etc/lilo.conf,por exemplo

    # Nova entrada para o lilo

    image=/boot/bzImage

    label=novokernel

    read-only

    # restricted

    # alias=1
  9. Unha vez creada esta nova entrada,escribe dende a liña de comandos: $ lilo . Se non creaches ben a entrada,daráche un erro,se todo foi vento en popa, mostrará as diferentes entradas do lilo,a que ten un asterisco ó seu carón e que arranca por defecto en linux.Para obter información de cómo funciona isto de lilo, usa $man lilo.

Próximamente crearemos un capítulo no que explicaremos como funciona o sistema de arranque lilo.

 

 

 

 

 

 

 

       

       

       

 

 

 

 

 

 

 

 
1