Proletários de todos os países,
unide-vos!
Citas e fragmentos dos textos fundacionais da Liga Comunista
«Irmaos! Nós representamos umha grande, maravilhosa causa. Proclamamos a mais grande revoluçom nunca proclamada no mundo, umha revoluçom que pola sua amplitude e riqueza de conseqüências nom tem igual na história mundial.» (Circular do I Congresso aos membros, 1847)
«O objetivo da Liga é o derrocamento da burguesia, a dominaçom do proletariado, a aboliçom da velha sociedade burguesa que descansa no antagonismo de classes e a fundaçom dumha nova sociedade sem classes e sem propriedade privada.» (Estatutos da Liga Comunista, Secçom I, Art. 1, 1847)
* * *
Do esboço de umha «Confessom de Fé Comunista»
Por Friedrich Engels, 1847.
«Qual é o objetivo dos comunistas?
Organizar a sociedade de tal modo que cada membro da mesma poda desenvolver e usar todas as suas capacidades e forças em completa liberdade e sem por isso infringir as condiçons básicas desta sociedade.
Como pensades lograr este objetivo?
Meiante a eliminaçom da propriedade privada e o seu reempraço pola comunidade da propriedade.
Em que baseades a vossa comunidade da propriedade?
Em primeiro lugar, na massa das forças produtivas e meios de subsistência resultantes do desenvolvimento da indústria, a agricultura, o comércio e a colonizaçom, e na possibilidade de extensom infinita inerente à maquinária, à química e a outros recursos.
Em segundo lugar, no facto de que na consciência ou sensibilidade de cada indivíduo existem certos princípios básicos irrefutáveis que, sendo o resultado de todo o desenvolvimento histórico, nom requirem prova.
Quais som esses princípios?
Por exemplo, cada indivíduo esforça-se por ser feliz. A felicidade do indivíduo é inseparável da felicidade de todos, etc.
Como queredes preparar o caminho para a vossa comunidade de propriedade?
Ilustrando e unificando ao proletariado.
Entom, vós nom credes que a comunidade de propriedade tem sido possível algumha vez?
Nom. O comunismo tem emergido somentes umha vez que a maquinária e outras invençons fixeram possível ofrecer a perspectiva dum desenvolvimento omnilateral, umha existência feliz, para todos os membros da sociedade. O comunismo é a teoria dumha libertaçom que nom era possível para os escravos, os servos ou os artesans, mas somentes para os proletarios e por isso pertence necessáriamente ao século XIX e nom era possível num período mais precoz.
Voltemos à sexta questom. No entanto queredes preparar o caminho para a comunidade de propriedade meiante a ilustraçom e unificaçom do proletariado, entom vós rejeitades a revoluçom?
Estamos convencidos nom só da inutilidade, mas tamém da nocividade de todas as conspiraçons. Tamém somos conscientes de que as revoluçons nom se fam deliberada e arbitrariamente, senom que em todas as partes e em todos os tempos som a conseqüência necessária de circunstáncias que nom som em modo algum dependentes da vontade ou da direcçom de partidos individuais ou de classes enteiras. Mas tamém vemos que o desenvolvimento do proletariado em quase todos os países do mundo é fortemente repremido polas classes possuidoras e que, deste modo, umha revoluçom está a ser imposta pola força por parte dos oponhentes do comunismo. Se, ao final, o proletariado oprimido é deste modo impulsado à revoluçom, entom nós defenderemos a causa do proletariado justamente do mesmo modo meiante as nossas acçons como agora meiante as nossas palavras.
Tentades reempraçar a orde social existente pola comunidade de propriedade dumha soa vez?
Nom temos tal intençom. O desenvolvimento das massas nom pode ser ordeado por decreto. Está determinado polo desenvolvimento das condiçons nas que as massas vivem, e por conseguinte procede gradualmente.
...
Nom irá a introduçom da comunidade de propriedade acompanhada da proclamaçom da comunidade das mulheres?
De nengum modo. Nós somentes interferiremos na relaçom persoal entre homes e mulheres ou coa família em geral na medida em que o mantenimento da instituiçom existente perturbaria a nova orde social. Junto com isso, somos bem conscientes de que a relaçom familiar tem sido modificada no curso da história polas relaçons de propriedade e polas fases de desenvolvimento, e que conseqüentemente a fim da propriedade privada terá tamém umha influência da maior importáncia sobre ela.
Continuarám a existir as nacionalidades baixo o comunismo?
As nacionalidades dos povos que se agrupam de acordo co princípio de comunidade estarám justamente tam compelidos por esta uniom a misturar-se entre si e, assi a anular-se, como as diversas diferências entre os estados [da sociedade civil] e as classes desaparecerám através da supressom da sua base -a propriedade privada.
Rejeitam os comunistas as religions existentes?
Todas as religions que tenhem existido até agora foram expressons de etapas históricas de desenvolimento dos povos individuais ou grupos de povos. Mas o comunismo é essa etapa do desenvolvimento histórico que fai supérfluas todas as religions existentes e as suprime.