Editorial:
Um capitalismo melhor é possível?
Despertar ou durmir, esta nom é a questom.
Na sociedade do Sonho, a vigilia já nom se distingue do sono, e os individuos aturdidos deambulam encerrados na sua gaiola de paxaros.
Um capitalismo melhor é possível?
Trata-se dumha pergunta de sonámbul@. O realismo reformista (lea-se: posibilismo oportunista) é parte desde sonho.
Acaso é "realista" reclamar deste sistema o que el mesmo se empenha continuamente em destruir?
A pantasma do "Estado de Bem-Estar" nom existe mais que no imaginário popular deste sonho permanentizado. Mas tamém o sonho da revoluçom forma parte deste grande Sonho, e assi, na vigilia do sonho, a revoluçom pode-se aparecer em todas partes aos sonámul@s, do mesmo modo que o Deus das religions é a projecçom dumha idílica perfeiçom das qualidades humanas.
Assi, entre pantasmas e fantasias, transcorre a luita de classes "real". O realismo reformista di-nos que luitemos por melhores condiçons laborais, quando o capitalismo rejeita toda reforma proletária. O resultado? um realismo traidor, um realismo de miséria.
Di-nos tamém que nos organicemos em sindicatos e partidos, quando estes se encontram no seu ocaso histórico, quando fica demonstrada a sua evoluçom natural em aparelhos burocráticos enquadrados no orde burguês.
Di-nos que olhemos para as frustradas esperanças nacionais das burguesias periféricas, quando o capitalismo mundial é umha realidade efectiva cada vez mais operativa, ante a qual nengumha naçom pode nada.
O lema é: Luitade para 'negociar', em lugar de tragar sem mais. Esta é a derradeira palavra do realismo reformista, do realismo do submetimento ao capital a cámbio de quatro migalhas, o realismo da estupidez.
A onde nos está a levar este género de "realismo"?
Levamos décadas de regresons económicas, políticas, culturais, tanto a nível da sociedade como do movimento obreiro. Os seus métodos de luita permanentizam a divisom e a impotência d@s trabalhadore/as, fragmentando as luitas por empresa, ramo, território, separando a luita económica da luita política, fomentando a cultura burguesa do legalismo defensivo.
De vez em quando as circunstáncias compelem à acçom aos proletári@s, e entom emergem formas autónomas de luita, mas ainda sem umha consciência clara e firme da sua necessidade, quando menos nas concentraçons de classe mais significativas. Mentres tanto, a nossa energia haverá de dirigir-se a fomentar a consciência autónoma da classe, embora esta tenha que madurar seguindo o seu próprio curso, através das luitas e do desenvolvimento dos antagonismos de classe na sociedade. Esta consciência, e a prática correspodente, som o único que pode constituir o ponto de arranque dum novo movimento proletário, umha nova praxis revolucionária.
Pola autolibertaçom proletária das cadeas espirituais do capitalismo!
Luita selvage e extensiva até a imposiçom dos nossos objetivos!
Nem sindicatos nem partidos: autonomia d@s trabalhadora/es!
* * *
Por que morre o povo de fame?
Porque os de acima gravam-lhes com exceso.
Por isso está a morrer.
Por que é o povo difízil de governar?
Porque os de acima intervenhem demasiado e servem aos seus interesses persoais.
Por isso é difízil de governar.
Por que o povo se toma a morte à ligeira?
Porque os de acima levam umha vida de luxo.
Por isso toma-se a morte à ligeira.
O povo nom tem singelamente de que viver!
Sabem cousas melhores que fazer que valorar umha vida assi!
Extrato do «Tao Te King», n. 75.