Nota introdutória
Apresentamos aqui os extratos que consideramos mais relevantes do projecto de programa de Cooperación Obreira (prescidindo da parte sobre a Rede de Grupos Obreiros, que tem sido corrigida e publicada como suplemento do ígneo nº 3).
As elaboraçons que componhem este documento foram desenvolvidas ao longo da breve existência de CO, ainda que muitas já começaram a esboçar-se previamente. Podem, logo, datar-se no período compreendido entre fins do 2000 e começos do 2001, até o verám do 2002.
O título de projecto de programa obedece ao reconhecimento de que, em realidade, todo este conjunto de análises e posicionamentos excede ao que seria um simples programa, e configura, é mais, todo um método de praxis, que une ao programa prático a exposiçom dumha conceiçom teórica de totalidade.
O texto final do projecto de programa foi ordeado, corrigido e acrescentado, de modo que se deve ter em conta o seguinte:
1) em letra tipo arial estám todos os textos que foram assumidos em Cooperaçom Obreira antes da sua dissoluçom.
2) em letra tipo new romam estám as emendas que nom chegarom a ser aprovadas nos últimos debates da formaçom inicial da CCO, mas que som desenvolvimentos dos pontos essenciais.
3) em letra tipo courier new estám os acrescentados últimos realizados co objecto de resolver lagoas no programa.
Para esta publicaçom digital procedeu-se a realizar umha seleiçom das partes mais importantes do projecto de programa, limitando-nos a deixar a um lado os apartados ou fragmentos que estám em contradiçom aberta coas nossas formulaçons actuais. Embora, em outros muitos casos existem diferências e, desde logo, em geral hoje expressariamos muitas ideas de maneira mais clara e precisa. O valor do projecto de programa de Cooperación Obreira radica em que para nós segue a ser um ponto de encontro básico, e em que contém desenrolos teórico-programáticos que nom se encontram em outros documentos, e/ou que ainda nom procedimos a actualizar.
Por todas estas razons, a leitura do projecto de programa de CO deveria realizar-se tendo presentes todas estas variáveis, e contrastando-a coa leitura dos escritos posteriores disponhíveis na web.
