Temas – vlamme
Om meer te weet van die geïllustreerde wapens, kliek op die beelde.
VLAMME word in verskeie wapens aangetref, met verskillende simboliek. Opvoedkundige inrigtings het dit om die tradisie van geleerdheid wat van geslag tot geslag oorgaan, wat as ’n vlam wat aangegee is, geëmblematiseer word. Die Universiteit van Stellenbosch het ’n fakkel, wat deur ’n mensehand vasgehou word, vir sy helmteken, terwyl die SA Uitsaaikorporasie ’n gevleuelde fakkel het (ook met vlamme).
Die Hoërskool Brandwag het ook ’n vlammende fakkel. Die skole Westering High en Primary het ’n olielamp, nog ’n simbool van onderwys, wat brand. Alexander Road High School het ook ’n lamp, volgens die blasoen, ten minste, maar die illustrasie toon ’n kershouer en ’n kers wat brand.
’n Buitengewone variasie is die kampvuur in die wapen van die Hoërskool Despatch, en die Stadsraad Ibhayi het ’n helmteken gehad waarvan vlamme die grootste deel uitgemaak het.
Selfs nog meer magtige simboliek word aangetref in wapens waar vlamme die werking van God in menselewens voorstel. Voorbeelde is die brandende bos wat Moses gesien het (uit die Boek Eksodus), wat in die wapen van die Presbiteriaanse Kerk van Suid-Afrika voorkom, en die vlamme van Pinkster (wat in Handelinge genoem word), in die wapen van All Saints’ Church.
Terug na bo
For English, click here
Terug na temas-indeks
Terug na Armoria-indeks
Opmerkings, navrae: Mike Oettle
